อีซยา 37:31 - Northern Pwo Karen Thai Bible

³¹ แบเด้าะ ยูดา อชื้ออชะ พี่ อ โอ ล้างลื๊อ ก้ะ อ โพล้ง พี่ อ พ้องไฆวะ ดี๊ ท ซี๊ง ลแพ นอ, ม เช้ล้าง อ ฌี่ง ละโค๊, ดี๊ ซูงทางแซทาง ท้ะโค๊

อีซยา 37:31 교차 참조

อีซยา 27:6

มื่งนี้ง ชู่งแย๊โค๊, ยาคุ้ ม เช้ล้าง อ ฌี่ง อีซลาเอง ม เมทางซยุ้ทาง ดี๊ อ ทู่ทางพ้ะทาง ฌ้อง ดึ้ เกม๊า ฌางคูโคล๊งคู โอ ฆวี้ ดี๊ อซูงอแซ

ทอางปฆ้า 80:9

กแช่แยว้ แม้ฌี้ เอะ เว๊ อ ฌางคู อ เช้ล้าง อ ฌี่ง โยะคิ้, ดี๊ แจว้ ฆวี้ทะ ที๊งล่างค่างพ้า

โรมา 11:5

ค๊องเนง ล ว๊าง อี้ง บี่ นอ ปะ, โพล้ง โอ ล น้าง ได้ะ พี่ กแช่ แยว้ อางลึ นี่-อ้ะ ดี๊ อ โก้ง อ โบ้ง อ บลึ้ อ บลาง

โรมา 9:27

อีซายา โล้ เท่อ แบฆ้ะ ดี๊ อีซลาเอง บี่ อี้ง “ทึ เมะ โพล้ง อีซลาเอง ม แอ บี่ ซุ้ มิ้ ลู่ง ปางเล พ้าไท้ะ ฌี้ๆ, แบเด้าะ โอ แซย้ โคะ ล้อ พี่ ม พ้อง ม พลิ้

อีซยา 1:9

กแช่ยาเว ซึ้คู ดูทึชองทึ เมะ ล นี่ อางกี ล้างลื๊อ เอะ เฆ้อ โพล้ง ล น้าง แบ นอ เฆ้อ นอ ก ม เก บี่ซุ้ดี๊ เว่งโซโดง ดี๊ เก บี่ซุ้ดี๊ เว่ง โกโมรา นอ ล้อ

กาลาเต 3:29

น ซื๊ง เมะ เก ล มู๊ง ฆ่าง ดี๊ กแช่ เยซู คริ้ นอ, น ซื๊ง เก อาบราฮาง อ พู อ ลี้ง, ดี๊ น ม นี่ แบ กแช่ แยว้ อ ท เอิ้งล้าง, พี่ อ เอิ้งล้าง เอะ อาบราฮาง นอ ล้อ

เยเรมี 44:28

โพล้ง พี่ ไจคุ้ซูง พ้องไฆวะ ดี๊ น้ะ ซีง ลแพ, ดี๊ เฌ๊ไท้นี่ ลู่ง ค่าง อีไย้ะ, ลี้ ลู่ง ค่าง ยูดา นอ, โอ อ แฌ้ แซย้ ล้อ, ดี๊ โพล้ง ยูดา กุ้แฌ้ พี่ ล้างลื๊อ โอก้ะ, พี่ อ เฌ๊ เปิ่งโอเปิ่งช๊อง ลู่ง ค่าง อีไย้ะ นอ, ม ซีงแฌ๊ เว๊ โพล้งเล้ อ ทไคล้ ม โอเฌิ่งโอค๊า, เก อ ซื๊งเว๊ อ ทไคล้-อ้า, เก ก ทไคล้-อ้า

เยเรมี 30:19

ม โอ ดี๊ แท๊ซ้ะอวีง ไจ้ะบลึ้ไจ้ะบลาง เท่อ, ไจทางนี่ ลู่ง ทล่าง ลแพ นอ ดี๊ โอ ดี๊ โพล้ง เซิงฆวี๊งซ้ะโย้ อ ลู่ง ก ม แม้ แอทาง-อ้ะ, ดี๊ อ เว๊ ม ล โอ แซย้ โฆะ แฌ้ แบ ก ม ดึ้ เกม๊า อ เว๊ โอ ดี๊ อฆี๊งอแล้, อ เว๊ ม ล เก โพล้ง ปี๊ โฆะ แบ

อีซยา 65:9

ก ม เกม๊า ชื้อชะ ไจทางนี่ ลู่ง ยาคุ้ อ ชื้อ แกล้ ดี๊ ลี้ฌ้า โพล้ง นี่แบ คองแซย้ ลู่ง ก ท ลู่ง ลแพ นอ, ไจทางแดไฆวะ ยูดา โพล้ง พี่ ก ลึ นี่-อ้ะ นอ, ม นี่แบ เว๊ เก อคองอแซย้ ดี๊ กเย่ ก เพล่ ลแพ นอ, ม เปิ่งโอเปิ่งช๊อง พี่นอ

อีซยา 6:13

ทึเมะ โอ ล้างลื๊อ ก้ะ ได้ะ พี่ นอ, เมาะ ล โทะ ลู่ง อ โทะ ล ชี๊ง นอ ม แบ ทเช้า ดี๊ มี ได้ะ บี่ซุ้ดี๊ ซย๊อง มื่งเทิง-อ้า ซี๊พ้ะดู มื่งเทิง-อ้า พี่ ล้างลื๊อ โอก้ะ ที่ อทุ้อแน๊ พี่ แบ ท เคาล้างไฆวะ” อทุ้อแน๊ นอ, เมะเว๊ ชื้อ อคลี๊งอแซ ลู่ง อฌี้อแอว้ ล้อ

ทอางปฆ้า 92:14

อ ซูงทางแซทาง ได้ะ, พี่ อ แซย่ เย้า ฌี้ นอ อ ที๊ง ลื่ง-อ้ะ โอ ฆวี้ทะ, ดี๊ แล๊แค๊ เซ๊งไจ้ะ

อีซยา 4:2

ล นี้ง แย๊ นอ, กแช่ยาเว อ ได้ มฌี้มแอว้ ดี๊ อดูอโท๊, ดี๊ ที๊งล่างค่างพ้า อซูงอแซ ม เก ท มึเซิงมึซ้ะ, ดี๊ เก โพล้ง พ้องพลิ้ ดี๊ ท ซี๊ง ลู่ง อีซลาเอง พ้า อฆี๊งอแล้

อีซยา 11:11

ล นี้ง แย๊ นอ, ทอดูทึโท๊ทึ กแช่ ม เยาฆ้าง อ จูง, เก คี๊งพ๊า ล พ๊า, บี่ซุ้ ม แม้นี่ ไท้ อ พู อ ลี้ง พี่ โอ ล้างลื๊อ ก้ะ เฌ๊ไท้ นี่ ลู่ง อะซีเรีย, เฌ๊ไท้ นี่ ลู่ง อีไย้ะ, ลู่ง ปะโร, ลู่ง คุ้, ลู่ง เอลาง, ลู่ง ชิ้นา, ลู่ง ฮามา ดี๊ ลู่ง ค่าง ปางเล พ้าไท้ะ

อีซยา 37:4

แบซีงลู่ง น กแช่ยาเว คุ้ช๊องแน ร้ะชาเค อ ทไคล้, โพล้ง พี่ อะซีเรีย อ กจุ้แฆว้, อ เว๊ อ เซงคู โซ๊งทาง-อ้ะ, เกม๊า อ เฌ๊ แม้ไฌ๊ซ้ะ กแช่แยว้ พี่ อ โอม๊า, ดี๊ กแช่แยว้ ม แม้น้าแม้ฆ่าง ทไคล้, พี่ น กแช่ยาเว คุ้ช๊องแน เว๊ เย้า, อกย้องบี่นอ, เกม๊า น เทว๊ ทชูแพอางท่าง เท่อ, ลู่ง โพล้ง พี่ อ ล้างลื๊อ อ โพล้ง โอ ล้างลื๊อ ก้ะ ลแพ นอ อ ฌ่าง’, ”

เยเรมี 31:7

เมะเว๊ กแช่ยาเว ไจ้ะเว๊ บี่อี้ง “เกม๊า ซ้ะอวีงแท๊ ดี๊ ท เซิงมึซ้ะมึ ลู่ง ยาคุ้ อ ฌ่าง ดี๊ แม้ เซ๊ ลู่ง ซองลี้ เท่อ ลู่ง กโพล้ง กุ้ชื้อกุ้ชะ ลแพ นอ, อคูดู อซุ้อแกล้ พ้า เกม๊า กุ้ซย้ะ อางปฆ้า เท่อ, ดี๊ ไจ้ะ บี่อี้ง ‘อวีงซ้ะชู้ กแช่ยาเว, แม้ช้า นพูนลี้ง เกม๊า พ้องพลิ้ ไช้ะ เมะเว๊ อีซลาเอง อ โพล้ง พี่ โอ ล้างลื๊อ ก้ะ ลแพ นอ’

เอเซเคียง 7:16

ดี๊ โพล้ง แฌ้ฌี้ๆ, เมะ พ้องพลิ้ ซี๊ง, ไจคุ้ซูงไฆวะ ซี นอ อ ซื๊งเว๊ ม โอ ทลู่ง คู อ เว๊ ม เก บี่ซุ้ดี๊ ทูลี่งแอว้ ลู่ง ทลู่ง คางไท้ะ ล แฌ้ๆ, นอ, ม ฌางอื้งฌางโทะ ลู่ง อ ท เด้เทาเด้บ้ะ อ กย้อง