22 ฌ้อง เฮงคียา อ พู เอลียาคีง, พี่ เก ทอคูดูแม้เท่อลู่งบลางพ้า, เชนา พี่ เก ทอดู กวิ้ไน เท่อ, ดี๊ อาซ้ะ อ พู โยอา, เก โพล้ง นางแบทางไท้ ท กวิ้ไน เท่อ กุ้ อ เม้ง นอ, ลี้ฆ้างฌูง เฮเซคียา, ดี๊ ไช๊ยะ ช้างเทะ, ดี๊ โล้ล้าง ร้ะชาเค อ ทไคล้
ดี๊ ท่อง อ ซื๊งเว๊ อางฆื๊ง กุ้ กจุ้แฆว้ นอ, เอลียาคีง เฮงคียา อ พู, พี่ อ เก ทอดู แคว่เท่อ กจุ้แฆว้ อ เด้า, ดี๊ เชนา ทอดูกวิ้ไนเท่อ, ดี๊ อาซ้ะ อ พู โยอา, พี่ อ เก โพล้ง นางแบไท้ ทกวิ้ไน เท่อ กุ้ อ เม้ง นอ, ไจทาง ต้องนอง อ ซื๊งเว๊ ล้อ
ท่อง กจุ้แฆว้ ค่าง อีซลาเอง พ้ะ ไละ ฌ้อง เย้า นอ, อ เว๊ ซย๊างยะ อ ไช๊แค่ ไจ้ะเว๊, “จ เก กแช่แยว้ พี่ ม เกม๊า ซี๊ง ดี๊ เกม๊า โอม๊า โบ่?, กแคว๊ ล แฌ้ อี้ง โซ๊ง เอะ จ ไละ, เกม๊า จ แม้ แบล โพล้ง แบ ทแช๊ คีงเตา ล แฌ้, ช๊องมองดุ้แฆว่, อ เว๊ อางฆื๊งนี่ ทติ้โละไอโละ ซ้ะ ดี๊ แย้ บี่จะเล้”
ท่อง จ แน่ฌ๊า บี่อี้ง นอ, จ ซย๊างยะล้าง จ ไช๊, เลา ดี๊ จ ไช๊แค่ พ้ะโท๊, ดี๊ จ ทึ้ชี จ คูซู๊ง, ดี๊ ทึ้ชี จ นุ้ชอง แคพ้าง, ดี๊ ชี๊น้าง โอ โท๊มี๊งโท๊แม
ทอดูทึโท๊ทึ กแช่ยาเว, พี่ เก ซึ้คู ดูทึชองทึ ไจ้ะเว๊ บี่อี้ง, “ลี้ แดเทา, ลี้ฌูง โพล้งแม้เท่อพู ล แฌ้ อี้ง, เมะเว๊ ลี้ฌูง เชนา พี่ ยู่แคว่ บลาง, ดี๊ เกม๊า ไคล้ ดี๊-อ้ะ บี่อี้ง
ดี๊ ล นี้ง แย๊ นอ, ก ม กุ้นี่ ก เพล่, เมะเว๊ เฮงคียา อ พูแคว๊ เอลียาคีง
แบเด้าะ ก ม เกม๊า อารีเอง น้ะเซิงน้ะซ้ะ ได้ะ ม โอ ดี๊ ท ฌางล้างย้าล้าง ดี๊ โล้ล้าง ทน้ะทโน๊ง ดี๊ เว่ง อี้ง ม เก เอะ เฆ้อ บี่ซุ้ดี๊ อารีเอง
แคว่เซ้อ, อ ซื๊งเว๊ อ โพล้ง พี่ เซิงน้าซ้ะน้า กุ้ซย้ะ เท่อ โอ ลู่ง ค๊องโค๊ โพล้งไคล้เดิง แม้ฆู๊งแม้พุ้ เท่อ ลแพ นอ, ฌางชูฌางช้าง เท่อ ดี๊ ท ซ้ะเฌ๊ฌ้อง น้ะ
ฌ้อง เอลียาคีง, เชนา, ดี๊ โยอา โล้ แบ ร้ะชาเค บี่อี้ง, “อวีงซ้ะชู้ ไคล้ ดี๊ น เพล่ ลู่ง อาราเมะ อ คว่าง ไช้ะ, เมะเว๊ ก แน ท อ คว่าง นอ ซี, อวีงซ้ะชู้ ไคล้ ดี๊ เฆ้อ ลู่ง ยูดา อ คว่าง, เกม๊า โพล้ง เฌงพูฆ๊างพู พี่ โอ กางแป คู แน่ฌ้า ล ฌี้”
เฮงคียา อ พู เอลียาคีง, พี่ เก ทอคูดูแม้เท่อลู่งบลางพ้า นอ, ไจทางฌูง-อ้ะ, ล พ๊าฆ่าง ดี๊ เชนา, พี่ เก ทอดูกวิ้ไนเท่อ, ดี๊ อาซ้ะ อ พูแคว๊ โยอา, เก โพล้ง นางแบไท้ ท กวิ้ไน เท่อ กุ้ อ เม้ง
ทึเมะ บี่นอ ฌี้ นอ, กจุ้แฆว้ ฌี้, อ กดูกแซย่ ฌี้, พี่ แน่ฌ๊า แบ ทไคล้ ลแพ อี้ง นอ, ล ยางแบซ้ะเม เท่อ-อ้า, ซย๊างยะ ล้าง อไช๊อช้าง-อ้า แบ เฆาะ
โพล้งลื่งเท่ออคูดูทึ ทึ ล แฌ้ นอ ซย๊าง ยะ อ ไช๊ พ้ะโท๊ ไจ้ะ เว๊, “อ เว๊ ไคล้ ดึ้เดว ทื่งแช้ แบ กแช่ แยว้ เม่อ, ก อางฆื๊ง พีงญาง แม้ ก้ะ ท เล้, ก ล แบ แม้ ล้า แบ, น ซื๊ง แน่ฌ๊า เย้า อ เว๊ ดึ้เดว ทื่งแช้ กแช่ แยว้
