อีซยา 34:9 - Northern Pwo Karen Thai Bible

⁹ ฌ้อง เอโดง อ ที๊งกล้อง พู ลแพ นอ, ม เกทางก้ะ มไตว เท้า ดี๊ อ ฌางคู ม เกทางก้ะ มีอ้าแพลแช๊ อี อ ที๊งล่างค่างพ้า ม เก ยาง อ เท้า พี่ มีอาง เว๊

อีซยา 34:9 교차 참조

ทอคางไท้ะ 19:28

อ เว๊ แคว่ ล้าง เท่อ ลู่ง เว่ง โซโดง ดี๊ เว่ง โกโมรา ล โค๊ นอ, ดี๊ ที๊งล่างค่างพ้า เลาพะ ลู่ง ทแด้คู, อ เว๊ แด ที๊งล่างค่างพ้า เก ท อ คูง ซยุ้ทาง, บี่ซุ้ดี๊ ท อ คูง ลู่ง มีอ้า ล่าง เช้า เท่อ

โยบา 18:15

น ม เปิ่งโอเปิ่งช๊อง ลู่ง อ เว๊ อ เด้ พ้า, เมะเว๊ ล เก อ เท่อ ล้าแบ มีอ้าแพแช๊ โอ ลี่งแล่ อ ซ้ะ ลู่ง อ ล่างโอ เช๊คู

ทอางปฆ้า 11:6

กแช่แยว้ ม ลู๊งล้าง ดุ้ โพล้งอ้าโพล้งซ๊าง, ดี๊ มีอีอ้า ดี๊ มีอ้าแพลแช๊ ลี้งเฌ๊ พี่ อ อาง เท่อ นอ, ม เก อเว๊ อ ทนี่แบ ล น้าง

อีซยา 30:33

เมะเว๊ ทล่าง ลู่ง เช้า เท่อ อ ฌ่าง นอ, เตะ เว้ เว๊ ไยะเย้า, เอ้อ, แด้ เว้ เว๊ ลู่ง กจุ้แฆว้ อ ฌ่าง, ทล่าง ล้างด้ะ อ เทิง นอ โยะ ดี๊ เล่, ล พ๊าฆ่าง ดี๊ มี ดี๊ เซงมื่ง แอฌี่งแอฌ้อง, เมะเว๊ กแช่ยาเว อ ลี้ง แซทางแซล้าง นอ, บี่ซุ้ดี๊ มีอ้าแพลแช๊ อี อ กล้อง, พี่ เช้า เว๊ เกม๊า อ เค้ทาง นอ ล้อ

เยเรมี 49:13

กแช่ยาเว ไจ้ะเว๊, ก นี่ อืงล้าง เท่อ ดี๊ กเม้งกแซ เย้า บี่อี้ง, เว่ง โบรา ม แบ เกทางก้ะ ท ซ้ะเมซ้ะไพล้, เก ทไคล้ อางโกไจ้ะแบ, เก ทล่าง ญ๊องไฆวะ โอโปล้ก้ะ, ดี๊ เก ทชูอ้าชูซ๊าง, ดี๊ กเย่ อ เว่ง ลแพ นอ, ม เก ทล่าง ญ๊องไฆวะ โอโปล้ก้ะ ล้างชู้ล้างแกย ล้อ”

ลูกา 17:29

แบ เด้าะ ล นี้ง แย๊ พี่ โล้ะ ไจ ทาง แด ไฆวะ เฌง โซโดง นอ, มี ดี๊ โล่ง คู่ โอ ลู่ง มุ้คู ล้างเทะ แม้ เฌ๊ฌ้อง ไฆวะ เฌง เลา ปะ

โล้​ล้างที๊ง​ทอางแม้เลา 29:23

เมะเว๊ ที๊งล่างค่างพ้า เลาพะ นอ, เก มีอ้าแพลแช๊, ดี๊ เก ที๊งแล, เป๊งนี่ แบ ท เช้า ดี๊ มี, โพล้ง ล โอ เซิง เท่อ วาง เท่อ น่างแฌ้ แบ, ดี๊ ท ล โอ เมทาง น่างเม้ง แบ, เก ทล่าง พี่ นาง ล เมทาง แบ, เก ท พี่ อ แบ ท เคลิ่งล้าง-อ้ะ ด้องซุ้ โซโดง ดี๊ โกโมรา อะมา ดี๊ เซโบยีง, พี่ กแช่ยาเว เคลิ่งล้าง เว๊ ดี๊ อ ท ซ้ะทาง, ดี๊ ท ซ้ะทาง พ้ะดู นอ ล้อ

ยูด้ะ 1:7

นาง แบ-อ้ะ เฌง โซโดง ดี๊ โกโมรา ดี๊ เฌง อ เบ้า อ เท่ง, กเย่ โพล้ง ลู่ง เฌง พ้า ล แพ นอ, แม้ ท อ้า บี่ ซุ้ ท มุ้คู พู ล เอ้า นอ แม้ เว๊ ปะ, เมะ เว๊ แม้ กแม มืง กแม แคว๊, ดี๊ แม้ กแม เท่อ พะ ไฆวะ น้ะ กชุ้, ท บี่ นอ อซื๊งเว๊ แบ น้ะ แบ โน๊ง ลู่ง มี อ้า พ้า ล้างชู้ ล้างแกย, อ นอ เก ท อ ด้อง ลู่ง โพล้ง กุ้ อ แฌ้ อ ฌ่าง

ท​เน​โพล​ทาง 19:20

ท พูแฆ่ อ้า นอ แบ ท พองนี่-อ้ะ ล พ๊า ฆ่าง ดี๊ โม กไบล้ะ ล แฌ้ แย๊ พี่ อ แม้ ท ล้ะ ท เล่ ลู่ง ท พูแฆ่ อ้า นอ อ เมะแซ พ้า, (อ เว๊ เจ่ ท ล้ะ ท เล่ ล แพ นอ อางโล๊ นี่ โพล้ง กุ้ อ แฌ้, พี่ อ นี่ แบ ท พูแฆ่ อ้า อ ท แม้ไน, ดี๊ โบง ทาง แบ้ ทาง เว๊ อ เค่ง อ ฌ้าง นอ), ท พูแฆ่ อ้า ดี๊ โม กไบล้ะ นอ แบ ท ไควะ ล้าง ม๊า-อ้ะ ลู่ง มี พี่ อ เค้ ทาง ดี๊ ท ซ อวี้ง น๊า ม๊าง พ้า

ท​เน​โพล​ทาง 21:8

แบเด้าะ เมะ โพล้ง อ ซ้ะ ซยืง, โพล้ง ล ชู่ง ล นะ กแช่ เยซู แบ, โพล้ง ล้างลุ้ ล้างเช้, โพล้ง แม้ ซี๊ง โพล้ง, โพล้ง แม้ กแม มืง กแม แคว๊, โพล้ง เจ่ ท อูง ท โป้, โพล้ง แบ้ ทาง ท เค่ง ท ฌ้าง, ดี๊ โพล้ง กุ้ อ แฌ้ พี่ อ ไคล้ คีงอูง เท่อ, ท ล่าง ลู่ง อ ซื๊ง เว๊ อ ฌ่าง นอ, เมะ เว๊ มี พี่ อ เค้ ทาง ดี๊ ท ซ อวี้ง น๊า ม๊าง พ้า, อ นอ เมะ เว๊ ท ซี๊ง คี๊ง พ๊า ล พ๊า นอ ล้อ”