อีซยา 34:6 - Northern Pwo Karen Thai Bible

⁶ กแช่แยว้ อ น้ะ แบโจ ดี๊ ทซวีง แบอ้า ดี๊ ท อซูอไย้ ดี๊ แกะพู อ ซวีง, ดี๊ แมะ แพ๊ อ ซวีง ดี๊ แกะ แพ๊ อ ลี่ อซูอไย้ เมะเว๊ กแช่ยาเว โอ ดี๊ ท แม้ซี๊ง ลื่งทาง เท่อ ลู่ง เว่ง โบรา พ้า โอ ดี๊ ทแม้ซี๊ง พ้ะดู ลู่ง ค่าง เอโดง พ้า

อีซยา 34:6 교차 참조

2​ซามูเอง 1:22

โยนาทาง อ คลีง บ้อง, ล แกย ไท้ อ ซ้ะ, ลู่ง โพล้ง พี่ อ แบ ทแม้ซี๊ง-อ้ะ ลแพ นอ, อ ซวีง แกล้ แบ ดี๊ ลู่ง โพล้งดึ้ซึ้เท่อพู ลู่ง อ ซ้ะ น้า ลแพ นอ, อ ซู แกล้ แบ ดี๊ ซาอู อ น้ะ นอ, ล นี่ เฌ๊ไท้ โอโปล้ปลิ้ แบ

1​ทกวิ้ไน 1:44

ท่อง เบลา ซี๊งไฆวะ เย้า นอ, เซรา อ พู เมะเว๊ โยบ้ะ, พี่ อ โอนี่ ลู่ง เว่ง โบรา พ้า ล แฌ้ นอ, ทาง โพะคอง เท่อ เท่งก้ะ อ ล่าง

ทอางปฆ้า 137:7

จ กแช่ยาเว-เอ้อ, อวีงซ้ะชู้ นางแบทางไท้, ท พี่ เอโดง แม้ เว๊, ล นี้ง แย๊ พี่ เยรูซเลง ที่มื่งที่พ้ะ นอ อซื๊งเว๊ ไคล้ บี่อี้ง “เกม๊า แม้เฌ๊ฌ้อง-อ้ะ, เกม๊า แม้เฌ๊ฌ้อง-อ้ะ ท่อง ท้องล้าง อฌี่งอเฌ้ เฆาะ”

อีซยา 29:2

แบเด้าะ ก ม เกม๊า อารีเอง น้ะเซิงน้ะซ้ะ ได้ะ ม โอ ดี๊ ท ฌางล้างย้าล้าง ดี๊ โล้ล้าง ทน้ะทโน๊ง ดี๊ เว่ง อี้ง ม เก เอะ เฆ้อ บี่ซุ้ดี๊ อารีเอง

อีซยา 34:5

ท่อง ก น้ะ นี่ โอ้ เท่อ, ท๊อง อ บลิ้ โอ้ ลู่ง ทมุ้คู เย้า นอ แคว่เซ้อ, อ ม เฌ๊ล้าง ลู่ง เอโดง เฌ๊ ลู่ง โพล้ง อ ชื้อ พี่ ก อางกีล้าง เกม๊า แม้เฌ๊ฌ้องไฆวะ ลู่ง ทต้ะเซ๊ง พ้า

อีซยา 63:1

อ อี้ง นอ, โพล้งเล้ พี่ เฌ๊นี่ ลู่ง เอโดง ซุ้ ไช๊ช้าง ย้อง ซี่งโฌ้ โอนี่ ลู่ง เว่ง โบรา? อ อี้ง นอ, โพล้งเล้ ซุ้ นฆ้านโฆ่ ลู่ง อฆี๊งอแล้ ดี๊ เฌ๊ ดี๊ น ไฌ่ดูแบ้ดู “เมะเว๊ เฆ้อ อี้ง ล้อ, พี่ กุ้ซย้ะ โล้ล้าง ทแบกแช่แยว้อซ้ะ ดี๊ โอ ดี๊ อดู้งอยาง อชองอไคล๊ พี่ ม แม้ช้า เกม๊า พ้องพลิ้”

อีซยา 63:3

“ก ไย่ ซไบ้ะแซ อ โบ้ ยื่งเย้ง ล แฌ้ เฆาะ ดี๊ โพล้ง เฌ๊นี่ ลู่ง ชื้อ โพล้ง กุ้ชื้อ ซีง ลแพ นอ, ล โอ ดี๊ เฆ้อ น่างแฌ้ แบ เฆาะ ก ท๊าเท่ง-อ้ะ ดี๊ ก ท ซ้ะทาง พ้ะดู ก ไย่-อ้ะ ดี๊ ก ท เอ้งไน๊ อ เว๊ อ ซวีง บึ้ ลู่ง กไช๊กช้าง อ ล้อง ดี๊ ก ดึ้ เกม๊า กฆ้ากโฆ่ แบอ้า เลาพะ

อีซยา 65:12

ก ม คลุ้ล้าง น ซื๊ง ซีง ลแพ เกม๊า เอะ น้ะ ดี๊ น ซื๊ง กุ้แฌ้, ม แบ โคะฌืงล้าง ซ้ะ ดี๊ โพล้ง แม้ซี๊ง เท่อ เป๊งนี่ พี่ ก กุ้ เท่อ นอ, น ซื๊ง ล เซ๊ช๊า แบ พี่ ก ไคล้ นอ, น ซื๊ง ล คุ้ช๊องแน แบ แบเด้าะ น ซื๊ง แม้ ท พี่ ออ้าอซ๊าง ลู่ง ก เมะแซ พ้า ดี๊ อางลึ นี่ ท พี่ ก ล ซ้ะอวีงซ้ะโทะ-อ้ะ แบ”

เยเรมี 12:12

โพล้ง แม้ เซงทื่งเฌ๊ฌ้อง เท่อ นอ เฌ๊ ลู่ง ทล่าง พ้ะโท๊ เกล้งเน้ง ลแพ นอ อ คู, ลู่ง แพะคูทเคแกล้ เมะเว๊ กแช่ยาเว อ น้ะ นอ, แม้ เฌ๊ฌ้อง เท่อ, โอ นี่ ลู่ง มุ้คูทึฌางคูทึ อ ทุ้ ล แพ้ อี้ง, ลี้ท้อง อ ทุ้ ล แพ้ เด้าะ ทมึทพ้า ล โอ ดี๊ กโพล้ง น่างแฌ้ แบ เฆาะ

เยเรมี 25:34

โพล้ง ลื่ง แกะ ลแพ ซีง-เอ้อ, เกม๊า ฌางล้างย้าล้าง ดี๊ กุ้ซย้ะ แดเทา โพล้ง เก แกะ อ กแช่-เอ้อ, เกม๊า เลว๊ น ซ้ะ พี๊แคล พ้า เมะเว๊ มื่งนี้ง อช๊าอโท่ ลู่ง ท แม้ซี๊ง แน้, ดี๊ มื่งนี้ง อช๊าอโท่ พี่ น แบ ที่มื่งที่พ้ะ นอ, เฌ๊ท้อง เย้า ดี๊ น ซื๊งเว๊ ซีง ลแพ, ม ล้างเทะเค้า บี่ซุ้ดี๊ ทพ้าทล่าง พี่ อ ลื่งดูฆวี้ดู

เยเรมี 46:10

ล นี้ง แย๊ นอ, เก มื่งนี้ง ลู่ง กแช่ยาเว ซึ้คู ดูทึชองทึ เก มื่งนี้ง ลู่ง ท แม้แกไท้ พี่ ม แม้แกไท้ อดีงอแด้ น้ะ ม อาง เท่อ ท่อง อ บลิ้อาง ดี๊ โอ้ อ ซวีง ท่อง ฆวี้ อบึ้อบ้าง เมะเว๊ ทอดูทึโท๊ทึกแช่ยาเว, พี่ อ เก ซึ้คู ดูทึชองทึ นอ, แด้เว้ ทพูแฆ่ ลื่งทาง เท่อ ลู่ง ค่าง มื่งเค๊ง ที๊ง ยูเฟตี อ ฆ้อง

เยเรมี 49:13

กแช่ยาเว ไจ้ะเว๊, ก นี่ อืงล้าง เท่อ ดี๊ กเม้งกแซ เย้า บี่อี้ง, เว่ง โบรา ม แบ เกทางก้ะ ท ซ้ะเมซ้ะไพล้, เก ทไคล้ อางโกไจ้ะแบ, เก ทล่าง ญ๊องไฆวะ โอโปล้ก้ะ, ดี๊ เก ทชูอ้าชูซ๊าง, ดี๊ กเย่ อ เว่ง ลแพ นอ, ม เก ทล่าง ญ๊องไฆวะ โอโปล้ก้ะ ล้างชู้ล้างแกย ล้อ”

เยเรมี 49:7

แบฆ้ะ ดี๊ เอโดง กแช่ยาเว ซึ้คู ดูทึชองทึ ไจ้ะเว๊ บี่อี้ง “ทโกงซีมองแบ ล โอ ลู่ง เทมาง พ้า ล้า แบ-อ้า? ท เนฌ้าโล้ฌ้า เลาแดไฆวะ โพล้งไพ่โพล้งแซย๊ เย้า โบ่? อ ท โกงซีมองแบ ล้างแม่ไฆวะ เย้า-อ้า?

เยเรมี 50:27

เกม๊า แม้ซี๊ง อ งู้ แพ๊ ท่อง อ เลา เกม๊า อ ซื๊งเว๊ ซีง ลแพ ลี้ล้าง แบ ท แม้ซี๊ง ท เซงทื่งเฌ๊ฌ้อง แบ อ ซื๊งเว๊, อไฌ่บี่อี้ง, อ มื่งนี้ง อช๊าอโท่ เฌ๊ ท้อง เย้า เมะเว๊ อช๊าอโท่ ลู่ง ท แม้เตาแม้แต๊-อ้ะ

เยเรมี 51:40

ก ม เฌ๊ล้าง ฌ้า อ ซื๊งเว๊, ด้องซุ้ แกะ พู ลี้ ลู่ง ท แม้ซี๊ง พ้า บี่ซุ้ดี๊ แกะ แพ๊ ดี๊ แมะ แพ๊

เอเซเคียง 21:10

แบ ทไกล้ เกม๊า อ ไอ ลู่ง ท แม้ซี๊งแม้แช๊ อ ฌ่าง เท้าพลี๊ซู บี่ซุ้ เกม๊า อ โฌ่งค้ะ บี่ซุ้ดี๊ ล๊างแว่ได้ะ เฆ้อ ก ม เซิงฆวี๊งซ้ะโย้ ซี ชี่-อ้า? ก พู-เอ้อ, น ไล้ะเซ๊ ดุ้ ก นางเพ๊บ้อง, ดี๊ ก นางพลี กุ้เม้ง

เอเซเคียง 35:15

ด้องซุ้ พี่ น เซิงฆวี๊งซ้ะโย้, พี่ อีซลาเอง อชื้ออชะ อคองอแซย้ นอ, แบ ทแม้ เกม๊า อ โอโปล้ไฆวะ, ก ม แม้ บี่ นอ ดี๊ แน้, โอ้, ทลู่ง เซอี ดี๊ เอโดง เลาพะ, เมะเว๊ อ เท่อ เลาพะ ม เก ทล่าง โอโปล้ก้ะ, ฌ้อง อ ซื๊งเว๊ ม ซีงแฌ๊ เว๊ บี่อี้ง, เฆ้อ เมะเว๊ ยาเว ล้อ”

เอเซเคียง 35:8

ก ม เกม๊า น ทลู่ง โอ ฆวี้ ดี๊ โพล้ง แบ ท แม้ซี๊ง, โพล้ง พี่ อ แบ ท แม้ซี๊ง ดี๊ น้ะ ลแพ นอ, ม ล้างเทะเค้า ลู่ง น ท จ้องม๊อง คู, ลู่ง น ทลู่ง คางไท้ะ, ดี๊ ลู่ง น ที๊งกล้อง พ้า กุ้จอง

อาโม 1:11

กแช่ยาเว ไจ้ะเว๊ บี่อี้ง “ลู่ง เว่ง เอโดง อ ท ลือค๊างพะ พ๊าๆ, เย้า พ๊าๆ, เด้าะ อกย้องนอ ก ล ญ่อง ไบล้ะกแด้ไท้ ท แม้เตาแม้แต๊ แบ เป๊งนี่ อ เว๊ นี่ ล้องช่อง อ พื่ง ดี๊ น้ะ ดี๊ ไพละพลู๊ไฆวะ ท ย๊างซ้ะ เลาพะ อ ท ซ้ะทาง แม้ เฌ๊ฌ้อง เท่อ น๊างชู้น๊างแกย ดี๊ อ ท ซ้ะทาง พ้ะดู นอ โอ เว๊ ล้างชู้ล้างแกย ล้อ

เซฟางยา 1:7

เกม๊า โอกโช้ ลู่ง ทอดูทึโท๊ทึกแช่ยาเว อ เมะแซ พ้า เมะเว๊ กแช่ยาเว อ มื่งนี้ง เฌ๊ เบ้าทาง เย้า กแช่ยาเว แด้เว้ ทลื่งทาง เย้า ดี๊ อางน้างพ้ะไฆวะ โพล้ง พี่ กแช่แยว้ กุ้นี่ เว๊, เกม๊า อเช๊งอเกล้ง ลแพ นอ

โล้​ล้างที๊ง​ทอางแม้เลา 32:14

เกม๊า เว๊ นี่แบ งู้ นู่งที๊ง, ดี๊ แกะ แมะ อ นู่ง ที๊ง นี่แบ แกะ พู อซูอไย้ ดี๊ แกะ แพ๊ อ ชื้อ บาชาง, ดี๊ แมะ ดี๊ บืง ซาลี ลู่ง อ ฌี้ ทึ ดี๊ นี่แบ ซไบ้ะแซ อ ซวีง, น นี่ โอ้ แบ ไซ้ะ ซไบ้ะแซที๊ง

โล้​ล้างที๊ง​ทอางแม้เลา 32:41

จ เมะ ไกล้ จ น้ะ พี่ อ โฌ่ง ค้ะ ดี๊ จ จูง พองทะ ทต้ะเซ๊ง จ ม แม้แกไท้ จดีงจแด้ ดี๊ แม้ช๊าไท้ โพล้ง พี่ อ แช๊เมะไฌ๊ซ้ะ ดี๊ แย้