อีซยา 33:24 - Northern Pwo Karen Thai Bible

²⁴ โพล้ง ลู่ง เว่ง พ้า ล โอ น่างแฌ้ แบ ม ไจ้ะเว๊ บี่อี้ง, “จ ช๊องไก้ ได้ะ” โพล้ง เฌงพูฆ๊างพู พี่ อ เปิ่งโอเปิ่งช๊อง พี่นอ, ม นี่ แบ ท แพล่ไฆวะ

อีซยา 33:24 교차 참조

เยเรมี 50:20

กแช่ยาเว ไจ้ะเว๊, มื่งนี้ง พ้า ลแพ นอ, ดี๊ อช๊าอโท่ พ้า นอ, ม อางฆื๊ง ทไพ้ะทแม ทเด้บ้ะ ลู่ง อีซลาเอง พ้า ล แด แบ เฆาะ, ม อางฆื๊ง ทเด้บ้ะ ลู่ง ยูดา พ้า นอ, ม ล แด แบ เฆาะ, เมะเว๊ ก ม แพล่ไฆวะ เอะ โพล้ง ลแพ นอ, พี่ ก เกม๊า อ ล้างลื๊อ โอก้ะ นอ ล้อ”

ท​เน​โพล​ทาง 21:4

กแช่ แยว้ ม กว้ะ ไฆวะ เอะ อ เมะที๊ง กุ้ อ โพลง ลู่ง อ เมะ ล้อง, ท ซี๊ง ล โอ ล้า แบ, ท แบ มอง แบ ม้ะ ล โอ ล้า แบ, ท ฌางล้าง ย้าล้าง ล โอ ล้า แบ, ท เจ้า ท แช๊ ล โอ ล้า แบ, อ ไฌ่ บี่ อี้ง ท ล่างลี้ง ล่างล้อง ล้างแม่ ไฆวะ เย้า”

อีซยา 44:22

ก นี่ แม้ไฆวะ น ท กไบล้ะกแบล บี่ซุ้ดี๊ ทเอิง ดี๊ แม้ไฆวะ น ทเด้บ้ะ บี่ซุ้ดี๊ ทไค้ะซวี๊ง เกม๊า เฌ๊ไท้ฌูไท้ เฆ้อ, เมะเว๊ ก เทะนี่ไท้ แน้ เย้า

ยาเก้า 5:14

โพล้ง ล แฌ้ๆ, ชี่-อ้า, ลู่ง น ซื๊ง แกล้ พี่ อ แบ เจ้า แบ แช๊, เกม๊า โพล้ง ล แฌ้ นอ กุ้ นี่ โพล้ง ทื๊ง ซยอง เท่อ อ คู อ แน่, เฌ๊ อางท่าง เท่อ ลู่ง อ ฌ่าง ดี๊ เท้า-อ้ะ ดี๊ ตซู

อีซยา 58:8

ฌ้อง ทโฌ่งทพ้าง ม ซยุ้ทาง เอะ แน้, บี่ซุ้ดี๊ ทพ้าง โฌ้โค๊ ดี๊ ทแม้ ก้องแย่ น พ้าล่าง นอ, ม โอทาง เพล เพล้าเด้า น ทแบกแช่แยว้อซ้ะ ม ไจ ลี้วี่ง น เมะแซ พ้า ดี๊ กแช่ยาเว อโฌ่งอพ้าง ม ปโล่ ทะ น ล่างไค๊

โล้​ล้างที๊ง​ทอางแม้เลา 7:15

ดี๊ กแช่ยาเว ม แม้ไฆวะ เอะ น ทเจ้าทแช๊, ดี๊ ล เกม๊า ทแช๊ อ้า ด้องซุ้ ลู่ง ค่าง อีไย้ะ พ้า, พี่ น ซีงแฌ๊-อ้ะ นอ, กึทาง ดี๊ แน้ แบ, แบเด้าะ ม เกม๊า เว๊ อ กึทาง ดี๊ โพล้ง, พี่ อ แช๊เมะไฌ๊ซ้ะ แน้ นอ ล้อ

ทไจทางไฆวะ 15:26

ดี๊ ไจ้ะเว๊, “น ซื๊ง เมะ อางกีล้าง ซ้ะ คุ้ช๊องแน กแช่ยาเว น กแช่แยว้ อ ลู่ง, ดี๊ แม้ เท่อ อ ฌี้ อ แบ ลู่ง อ เมะแซ พ้า, ดี๊ ดุ้ แน่ คุ้ช๊องแน อ ทอางแม้เลา, ดี๊ แม้โพะ อ ทอเค้อะอต้าง อ ไค๊ กุ้เม้ง ฌ้อง นอ, ทเจ้าทแช๊ ล เม้ง แบ ล เม้ง, พี่ จ ดึ้ เกม๊า อ กึทาง ดี๊ โพล้ง อีไย้ะ นอ, จ ล เกม๊า อ กึทาง ดี๊ น ซื๊ง แบ เฆาะ, เมะเว๊, แย้ จ เก กแช่ยาเว, เก น โม๊ นอ ล้อ”

ท​เน​โพล​ทาง 22:2

แยว้ ล้าง เกล้ ลู่ง เว่ง อ แกล้ พ้า นอ, ที๊ง คื่อ คู คี๊ง แพ้ นอ โอ ดี๊ เซง พี่ อ เกล๊าง ท ม๊า, เซง นอ ล เนง แซ ทาง ล ชี๊ง คี๊ง พ๊า, เมะ เว๊ แซ ทาง แล้ กุ้ อ เบง, อ แล นอ เจ่ แม้ แบล โพล้ง กุ้ ชื้อ กุ้ ชะ

อีซยา 30:26

แอเละ อ นอ ได้ะ, แล้ อ พ้าง ม บี่ซุ้ดี๊ มื่ง อ พ้าง, ดี๊ มื่ง อ พ้าง ม พ้าง เก เนว๊โทะ, บี่ซุ้ดี๊ มื่ง เนว๊ นี้ง อ พ้าง, ลู่ง มื่งนี้ง พี่ กแช่แยว้ ไบ้ เอะ อพูอลี้ง อ พ้าล่าง, ดี๊ แม้ก้องแย่ เอะ เว๊ อ ล่าง ทางลึ้ทางแล๊ พี่ กแช่แยว้ ท่าง-อ้ะ นอ ล้อ

2ทกวิ้ไน 30:20

กแช่ยาเว คุ้ช๊องแน เฮเซคียา, ดี๊ แฌแซ โพล้งเฌงพูฆ๊างพู นอ ล้อ

โล้​ล้างที๊ง​ทอางแม้เลา 28:27

กแช่ยาเว ม พลี ม ท่าง แน้ ดี๊ ทเว๊ง อีไย้ะ, ดี๊ พ้าล่าง ลู่ง ออ้าอซ๊าง, ดี๊ ทแช๊ ช๊างฆวี๊ง, ดี๊ ทแช๊ ซ้ะล้องซ้ะย่าง, พี่ ม แย้-อ้ะ ล ซี แบ

อีซยา 1:5

แบทเล้ น ซื๊ง แบซ้ะ แบ ท พลี ได้ะ? แบทเล้ น ซื๊ง กไบล้ะกแบล ครึๆ? คูฆีง นอ แช๊ เลาพะ เซิงซ้ะ ล้างเพาล้างแช่ไฆวะ เลาพะ

อีซยา 40:2

เกม๊า ไคล้ ดี๊ เยรูซเลง ลู่ง ท ช๊องมอง แบ อ ฌ่าง ดี๊ เกม๊า โล้ เอะ เว่ง นอ บี่อี้ง น ทน้ะทโน๊ง ทึไฆวะ เย้า ดี๊ น ทเด้บ้ะ นี่แบ ท แพล่ไฆวะ เย้า ดี๊ น นี่แบ เตาแต๊ ลู่ง กแช่ยาเว อ จูง เย้า เก คี๊งโทะ ลู่ง น ทไพ้ะทแม เย้า’,”

เยเรมี 30:17

อไฌ่บี่อี้ง, ก ม เกม๊า ไท้ เอะ แน้ ไพ้ะมึแยฌี้ ดี๊ ก แม้ก้องแย่ น พ้าล่างพ้าเกล้ เกม๊า อ ก้องแย่ กแช่ยาเว โล้ เว๊ บี่อี้ง ล้อ เป๊งนี่ อ ซื๊งเว๊ ลแพ นอ, กุ้ แน้ บี่อี้ง, โพล้ง ลู่ง พ้อง โคล๊ง ค๊องโค๊ ซีง ลแพ ‘เมะเว๊ ซีโยง พี่ โพล้ง ล แบซ้ะ เว๊ น่างแฌ้ แบ ล้อ’

เอเซเคียง 16:63

บี่ซุ้ น ม นางแบ-อ้ะ, ดี๊ โอ ดี๊ ท ฌางแช้, น ม อ้างทาง นุ้ ไคล้ ล้า แบ, เป๊งนี่ ฌางแช้เมะฌางแช้แน๊, พี่ ก เท้าไฆวะ ทแบอ้า ลู่ง ท กุ้เม้ง พ้า, พี่ น นี่ แม้ แบ-อ้ะ เย้า นอ”, ทอดูทึโท๊ทึกแช่ยาเว โล้ เว๊ บี่อี้ง ล้อ

เซคารียา 12:8

ล นี้ง แย๊ นอ, กแช่ยาเว ม ยู่ทะแคว่ทะ โพล้ง เยรูซเลง, บี่ซุ้ เว๊ โพล้ง พี่ อเพาอแช่ ทึ ลู่ง อซุ้อแกล้ พ้า, ล นี้ง แย๊ นอ, ม เก บี่ซุ้ดี๊ ดาเว, ดี๊ ดาเว อชื้ออชะ ม เก บี่ซุ้ดี๊ กแช่แยว้, บี่ซุ้ดี๊ กแช่ยาเว อ เพล่ มุ้คูพู ลี้วี่ง ลู่ง อ ซื๊งเว๊ ซีง ลแพ อ เมะแซ พ้า