อีซยา 32:7 - Northern Pwo Karen Thai Bible

⁷ โพล้ง ลกลุ้ลจ้ะ แบ อ ทโกงทแกย นอ ออ้าอซ๊าง อ เว๊ ช๊องมองเว้ ที่ ทแม้ ลู่ง ออ้าอซ๊าง บี่ซุ้ ม แม้เฌ๊ฌ้อง โพล้งซยางโพล้งน้ะ ดี๊ ทไคล้ คีงอูง ทึเมะ โพล้ง ซ้ะวี่งอางแบล้ อ ท กุ้ทาง เท่อ นอ, อเกิ้งอแบ เมะ ฌี้

อีซยา 32:7 교차 참조

ทอางปฆ้า 119:95

โพล้งอ้าโพล้งซ๊าง โอคุ้ล้างคุ้ซูง จ เกล้, แม้อ้าแม้ซ๊าง แย้ แบเด้าะ จ ม ช๊องมองแคว่ที๊ง กแช่แยว้ อลู่งอแท๊

อีซยา 1:23

น เซงคู นอ, เก โพล้ง ล มู๊ง พี่ อ กไบล้ะกแบล ดี๊ เก ฌุ้พาง โละซ้ะ ดี๊ โพล้ง ตมละตเช เท่อ กุ้แฌ้ เอ จี้ ทไซ้ะไบ้ะนุ้ ดี๊ ล้องช่อง ทเกล๊าง อ เว๊ ล นี่ ไจ้ะช้าไคล้ช้า เอะ พูฆวี แพ่ แบ ดี๊ โพล้ง มืงเม๊ อ เตา นอ เฌ๊ ล ท้อง อ ซื๊งเว๊ แบ

อีซยา 11:4

แบเด้าะ อ เว๊ ม ต้ะเซ๊ง โพล้งซยางโพล้งน้ะ ดี๊ ท อเกิ้งอแบ ดี๊ ต้ะเซ๊ง เอะ โพล้งพือโพล้งปี๊, ลู่ง ที๊งล่างค่างพ้า ดี๊ ท อเกิ้งอแบ อ เว๊ ม ท่าง ฌางคูโคล๊งคู ดี๊ นางเพ๊บ้อง เฌ๊นี่ ลู่ง อ นุ้ ดี๊ อ เว๊ ม แม้ซี๊ง โพล้งอ้าโพล้งซ๊าง ดี๊ ลี้ง เฌ๊นี่ ลู่ง อ นุ้เฌะ

อีซยา 26:10

น เมะ เนโพลทาง นบลึ้นบลาง เอะ โพล้งอ้าโพล้งซ๊าง นอ อ เว๊ ล ไฌ่ ซีงแฌ๊ ท อฌี้อแอว้ แบ อ เว๊ แม้อ้าแม้ซ๊าง เท่อ ลู่ง ที๊งล่างค่างพ้า พี่ อโต้อล้อง ดี๊ ล แด กแช่ยาเว อ ท ฆี๊งดูแล้ดู แบ

อีซยา 29:21

เมะเว๊ โพล้ง พี่ ซี๊งเคพ้ะเพิ่ง โพล้ง อ แฌ้แพ ดี๊ อ ทไคล้ ดี๊ อางกีล้าง ทดุ้ทเช ดุ้ โพล้ง พี่ อ ต้ะเซ๊ง เท่อ ลู่ง เว่ง อ ป้ะตู๊ง เลา ดี๊ ล เกม๊า ท อเกิ้งอแบ เอะ โพล้ง พี่ อ แบ ล แพ้ นอ, ดี๊ ทไคล้ พี่ อซูงอแซ ล โอ แบ

อีซยา 5:23

โพล้ง พี่ ต้ะเซ๊ง โพล้งอ้าโพล้งซ๊าง เกม๊า พ้องไฆวะ ดี๊ ทไพ้ะทแม ลู่ง จี้ทไซ้ะไบ้ะนุ้ อกย้อง ดี๊ แม้นี่ ก้ะ ท อเกิ้งอแบ พี่ โอ ดี๊ โพล้งแบกแช่แยว้อซ้ะ

อีซยา 55:7

เกม๊า โพล้งอ้าโพล้งซ๊าง ญ๊องไฆวะ อเกล้อพ้า ดี๊ เกม๊า โพล้ง ลกลุ้ลจ้ะ แบ ญ๊องไฆวะ อ ทช๊องมอง เกม๊า อ เว๊ เฌ๊ไท้ฌูง กแช่ยาเว, ดี๊ กแช่แยว้ ม ย๊างซ้ะ-อ้ะ ดี๊ เฌ๊ไท้ฌูง เฆ้อ ก กแช่แยว้, เมะเว๊ กแช่แยว้ โอ ดี๊ ท แพล่ไฆวะ ลู่ง อล๊าอฆวี้

อีซยา 59:15

ทเมะทโต้ ล้างแม่ไฆวะ ดี๊ โพล้ง พี่ ล้างแซยล้างพ้ะ ดี๊ ทอ้าทซ๊าง นอ, ดึ้ เกม๊า อ กแช่ แบ ท ตมละตเช กแช่ยาเว แด เว๊ นอ, ล แบ ทมอง ลู่ง อ เมะแซ พ้า แบ พี่ ล โอ ดี๊ ท อเกิ้งอแบ แบ

อีซยา 61:1

ทอดูทึโท๊ทึกแช่ยาเว อ วีงฌี้แล้แอว้ โอ ลู่ง จ เช๊คู เมะเว๊ กแช่ยาเว ต๊างทาง แย้ บี่ซุ้ เฌ๊โชะ ทฌี้อไฌ่ เอะ โพล้ง พี่ อ น้ะเซิงน้ะซ้ะ กแช่แยว้ โซ๊งทาง แย้ ลี้, บี่ซุ้ อางเลว๊ โพล้ง พี่ อ ซ้ะ เฌ๊ฌ้อง ดี๊ บี่ซุ้ โล้ล้าง ทพ้องพลิ้ เอะ กเย่ ทฆ่อง ลแพ นอ เลา ดี๊ โล้ล้าง ท เว่พ้ะ พ้อง เอะ โพล้ง อ แบ ท ซุ้ทะจ้าทะ

เยเรมี 18:18

ฌ้อง อ เว๊ ไจ้ะเว๊ บี่อี้ง, “เฌ๊ แดเทา, เกม๊า ก ช๊องมองเว้ทแม้แม้อ้าแม้ซ๊าง เยเรมี, อไฌ่บี่อี้ง, ทอางแม้เลา นอ, ล ล้างแม่แดไฆวะ โพล้งลื่งเท่ออคู-อ้า, ท เนฌ้าโล้ฌ้า ล ล้างแม่แดไฆวะ โพล้ง ซีงแฌ๊แน่ฌ๊า เท่อ-อ้า, ทไคล้ ล้างแม่แดไฆวะ โมไคล้คิ้กแช่แยว้-อ้า แบ, เฌ๊ แดเทา, เกม๊า ก ดึ้-อ้ะ ดี๊ พลี้, ดี๊ เกม๊า ก คุ้ช๊องแน อ ทไคล้ ล ฌี้ เฆาะ”

ดานีเอง 12:10

โพล้ง แอฌี่งแอฌ้อง ม อางกี ฌี้ ล้าง อ ซ้ะ, แม้เช๊งแม้เกล้ง ล้าง อ ซ้ะ เกล้งเน้ง, ดี๊ แบ ท ฌื่งเช๊ง, แบเด้าะ โพล้งอ้าโพล้งซ๊าง ม แม้ ทอ้าทซ๊าง ได้ะ ดี๊ โพล้งอ้าโพล้งซ๊าง ล โอ น่างแฌ้ แบ ม แน เว๊ ซี, แบเด้าะ โพล้งไพ่โพล้งแซย๊ ม แน เว๊ ซี

มีคา 2:1

ท เซงทื่งเฌ๊ฌ้อง แบ โพล้ง พี่ อ ช๊องมองเว้ ท แม้อ้าแม้ซ๊าง ดี๊ ช๊องมอง แม้ ทอ้าทซ๊าง โอ ลู่ง อ ล่างมี๊ง คู ท่อง ทพ้างทาง โฌ้โค๊ นอ, อ ซื๊งเว๊ ลี้ แม้ เว๊ เมะเว๊ ท อดู้งอยาง โอ ลู่ง อ จูง พ้า พี่ แม้ เว๊ ซี

มีคา 2:11

โพล้ง แฌ้ ฌี้ๆ, เมะ ม ลี้ ไจ ไคล้ ท พี่ อซูงอแซ ล โอ แบ, ดี๊ ไคล้ คีงอูง โล๊ไละล้าง เท่อ ไจ้ะเว๊, “จ ม ซองเท่อซ๊างเท่อ, เกม๊า น คุ้ช๊องแน, แบฆ้ะ ดี๊ ไซ้ะ ซไบ้ะแซ ที๊ง, ดี๊ ไซ้ะที๊งมี้จ้าง อไฌ่อกย้อง” แบซีงลู่ง อ เว๊ ม เก โพล้ง ซองเท่อซ๊างเท่อ ลู่ง โพล้ง ล ชื้อ อี้ง อ ฌ่าง พ้า

ม้ะทู 26:4

อซื๊งเว๊ ก้างแก้ โละ อ ซ้ะ ม พองนี่ กโช้ กแช่ เยซู, บี่ ซุ้ ม แม้ ซี๊ง เว๊ ล้อ