อีซยา 31:8 - Northern Pwo Karen Thai Bible

⁸ ฌ้อง โพล้ง อะซีเรีย ม ล้างเทะเค้า ดี๊ น้ะ พี่ ล เมะ กโพล้ง อ เท่อ แบ ดี๊ น้ะ พี่ ล เมะ กโพล้ง อ เท่อ แบ นอ, ม อางไฆวะ-อ้ะ ดี๊ อ เว๊ ม ซยู๊คุ้ซูงไฆวะ น้ะ ดี๊ อ โพล้ง แคว๊ น่างบางซ้ะบาง นอ, ม แบ ท แคแน เจ่ไฌ่เจ่แบ้

อีซยา 31:8 교차 참조

ทอคางไท้ะ 49:15

อ เว๊ แด ทล่าง โอไปว้ะ ลู่ง อ ฌี้ ดี๊ ที๊งล่างค่างพ้า ลู่ง อ มึ อกย้องบี่นอ, อ เว๊ ดุ้ล้าง อ จื๊งแป ฮะนี่ เว๊ เกทางก้ะ ท อ ฆ่อง เจ่ไฌ่เจ่แบ้

2ทกวิ้ไน 32:21

ฌ้อง กแช่ยาเว เจ่ทาง ทมุ้คู พู ล แฌ้, ลี้ แม้เฌ๊ฌ้อง ซึ้พู ลู่ง อ ซ้ะน้า, โพล้ง คุ้ อางแบเลา ซึ้พูมู๊ง อ เท่อ, ดี๊ ทอคูดู เลาพะ ลู่ง กจุ้แฆว้ อะซีเรีย อ ทล่างโอซยอง พ้า นอ, ทบี่นอ, อ เว๊ ไท้ๆ, ลู่ง อ ที๊งล่างค่างพ้า ดี๊ ท ฌางแช้เมะฌางแช้แน๊, พี่ อ เว๊ ลี้ นึฆ้าง ลู่ง กแช่แยว้ อ เว่งฮ๊าง พ้า นอ, อ พูแคว๊ แบ ล แฌ้ๆ, แม้ซี๊ง-อ้ะ ดี๊ น้ะ พี่ นอ

อีซยา 10:12

ท่อง ทอดูทึโท๊ทึ กแช่ แม้ อ ทไพ้ะทแม้ เลาพะ, ลู่ง ทลู่ง ซีโยง ดี๊ ลู่ง เยรูซเลง ฌ้องทางเกทาง เย้า นอ, กแช่แยว้ ม แม้เตา แม้แต๊ ท อางปฆ้า, เฌ๊นี่ ลู่ง อะซีเรีย อ กจุ้แฆว้ อ เซิงพ้าซ้ะพ้า ทื่งดูล้าง ซ้ะ, ดี๊ ท ชีอูพู๊ ล้าง ซ้ะ ลู่ง อ เมะคลี้ง แคว่แช้แคว่เด เท่อ

อีซยา 10:25

เมะเว๊ ล ไยะ ล้า แบ นอ, ก ท ซ้ะทาง ม ทึไฆวะ, ดี๊ ก ท ซ้ะทาง ม ลี้ ลู่ง ทแม้ เฌ๊ฌ้อง อ ซื๊งเว๊ ล้อ”

อีซยา 14:2

โพล้ง กุ้ชื้อกุ้ชะ ลแพ นอ, ม ฮะนี่ อ ซื๊งเว๊ ดี๊ เฌ๊ฌ้า อ ซื๊งเว๊ ลู่ง อ ทล่างทเกล้, ดี๊ อีซลาเอง อชื้ออชะ ม นี่แบ โพล้ง กุ้ชื้อกุ้ชะ ลแพ นอ เก อ เท่อ, เกม๊า เว๊ อ เก ฆ่อง แคว๊ ดี๊ ฆ่อง มืง ลู่ง กแช่ยาเว อ ที๊งล่างค่างพ้า, โพล้ง พี่ พองนี่ อ ซื๊งเว๊ ซีง ลแพ เก ทฆ่อง นอ, ม แบ อ ซื๊งเว๊ อ ท พองนี่ เก ก้ะ ทฆ่อง, ดี๊ อ ซื๊งเว๊ ม โพะคอง โพล้ง พี่ แคแนแคแก้ แบ-อ้ะ

อีซยา 14:25

เมะเว๊ ก ม ดึ้ โพล้ง อะซีเรีย เกม๊า อ ที่มื่งที่พ้ะ ลู่ง ก ที๊งล่างค่างพ้า ดี๊ ก ม ไย่เละค๊างพะ-อ้ะ ลู่ง ก ทลู่ง คู ฌ้อง อ แอะ ม แบ ท โชะไฆวะ ดี๊ อ ซื๊งเว๊ ซีง ลแพ นอ ดี๊ โชะไฆวะ อ ทอวีงทยุ้ ลู่ง อ ซื๊งเว๊ อ จื๊งแป คู”

อีซยา 17:13

กเย่ โพล้ง กุ้ชื้อกุ้ชะ, แม้ เซ๊ อ ลู่ง ล้างว้างล้างซวาง, บี่ซุ้ดี๊ ที๊ง แอฌี่งแอฌ้อง อ ลู่ง แบเด้าะ กแช่แยว้ ม แม้น้าแม้ฆ่าง -อ้ะ, ดี๊ อ เว๊ ม ไจคุ้ซูงไฆวะ ไย้โยะ แบ ท โฌ๊ไจไฆวะ บี่ซุ้ดี๊ พี๊ซวิ้, พี่ แบ ลี้งอูง-อ้ะ ลู่ง ทลู่ง คู บี่ซุ้ดี๊ ทมูงทมวี๊ง พี่ อ ดี้งไฆวะ ลู่ง ลี้ง อ เมะแซ พ้า

อีซยา 21:15

อไฌ่บี่อี้ง, อ เว๊ ไจคุ้ซูงแดไฆวะ น้ะ ไจแดไฆวะ น้ะ พี่ ทึ้ทาง อ ซ้ะ ไจแดไฆวะ คลีง พี่ ไพทาง อ ซ้ะ ดี๊ ไจแดไฆวะ ทดึ้ทชาง พี่ ออ้าอซ๊าง

อีซยา 27:7

กแช่แยว้ ม เป้ อีซลาเอง บี่ซุ้ดี๊ เป้ โพล้ง พี่ อ เป้-อ้ะ ชี่-อ้า? อีซลาเอง ม แบ ทแม้ซี๊ง บี่ซุ้ดี๊ โพล้ง แม้ซี๊ง-อ้ะ นอ, แบ ทแม้ซี๊ง-อ้า?

อีซยา 29:5

แบเด้าะ กเย่ นดีงนแด้ ลแพ นอ, ม บี่ซุ้ดี๊ ฌางคูมูง บลิ้ กมูงคลูง ดี๊ กเย่ โพล้ง พี่ อ ล้าง ซ้ะเม นอ, ม บี่ซุ้ดี๊ พี๊ซวิ้ เชงทางเชงล้าง ลชู่ลล่าง เฆาะ ดี๊ ล ทีงฆ่าง ล้อ

อีซยา 33:1

ท เซงทื่งเฌ๊ฌ้อง แบ แน้, พี่ แม้เฌ๊ฌ้อง เท่อ ดี๊ น กแช่ ล แบ ท แม้เฌ๊ฌ้อง แบ ท เซงทื่งเฌ๊ฌ้อง แบ แน้, โพล้ง กไบล้ะ กแบล ดี๊ โพล้ง กไบล้ะกแบล ดี๊ แน้ ล โอ น่างแฌ้ แบ พี่ น โอโท๊ไฆวะ ดี๊ ท แม้เฌ๊ฌ้อง นอ น ม แบ ท แม้เฌ๊ฌ้อง ดี๊ ท่อง น โอโท๊ไฆวะ ทแม้ กไบล้ะกแบล นอ อ ซื๊งเว๊ ซีง ลแพ ม กไบล้ะกแบล ดี๊ แน้

อีซยา 37:7

อี้งเซ้อ, ก ม ชวี๊งล้าง วีงแล้ ล เม้ง ลู่ง อล้องอย่าง พ้า, บี่ซุ้ อ เว๊ ม แน่ฌ๊า ทโล้โค, ฌ้อง ไท้ไท้ ลู่ง อ ที๊งล่างค่างพ้า, ดี๊ ก ม เกม๊า อ เว๊ ล้างเทะเค้า ดี๊ น้ะ ลู่ง อ กแช่ อ ที๊งล่างค่างพ้า ล้อ’, ”

อีซยา 66:16

เมะเว๊ กแช่ยาเว ม ต้ะเซ๊ง เท่อ ดี๊ มี เลา ดี๊ อ น้ะ ลู่ง กโพล้ง กุ้แฌ้ อ เช๊คู ดี๊ โพล้ง พี่ กแช่ยาเว แม้ซี๊ง เว๊ นอ, ม โอ แอฌี่งแอฌ้อง ล้อ

เยเรมี 46:10

ล นี้ง แย๊ นอ, เก มื่งนี้ง ลู่ง กแช่ยาเว ซึ้คู ดูทึชองทึ เก มื่งนี้ง ลู่ง ท แม้แกไท้ พี่ ม แม้แกไท้ อดีงอแด้ น้ะ ม อาง เท่อ ท่อง อ บลิ้อาง ดี๊ โอ้ อ ซวีง ท่อง ฆวี้ อบึ้อบ้าง เมะเว๊ ทอดูทึโท๊ทึกแช่ยาเว, พี่ อ เก ซึ้คู ดูทึชองทึ นอ, แด้เว้ ทพูแฆ่ ลื่งทาง เท่อ ลู่ง ค่าง มื่งเค๊ง ที๊ง ยูเฟตี อ ฆ้อง

เอเซเคียง 21:28

“เมะ แน้ นอ, กโพล้ง อ พู-เอ้อ, เกม๊า โล้ล้าง ท อลู่งอแท๊, ดี๊ โล้ บี่อี้ง, ทอดูทึโท๊ทึกแช่ยาเว ไจ้ะเว๊ บี่อี้ง แบฆ้ะ ดี๊ โพล้ง อางโมง ดี๊ แบฆ้ะ ดี๊ อ ซื๊งเว๊ ซีง ลแพ อ ทไคล้ ไฌ๊ซ้ะ บี่อี้ง น้ะ ล เบง, น้ะ พี่ แบ ท ทึ้ทาง ลู่ง ท แม้ซี๊งแม้แช๊ อ ฌ่าง แบ ท เท้าพลี๊ซู เกม๊า โอ้ ทซวีง, ดี๊ เท้า เกม๊า โฌ่งค้ะ บี่ซุ้ดี๊ ล๊างแว่ได้ะ

โฮเชยา 1:7

แบเด้าะ ก ม ย๊างซ้ะ แบ ยูดา อชื้ออชะ, ดี๊ ก ม แม้พ้องพลิ้-อ้ะ ดี๊ อ กแช่ยาเว กแช่แยว้, ก ล แม้พ้องพลิ้-อ้ะ ดี๊ คลีง บ้อง-อ้า, ดี๊ น้ะ-อ้า, ดี๊ ทดึ้ทชาง-อ้า, ดี๊ กซี ดึ้ซึ้-อ้า, ดี๊ ซึ้พู กซี-อ้า นอ แบ”