อีซยา 30:31 - Northern Pwo Karen Thai Bible

³¹ โพล้ง อะซีเรีย ม ไพ้ะฆิ้โค๊ฆิ้ ดี๊ กแช่ยาเว อ ลู่ง เซ๊, กแช่แยว้ ม ท่าง เท่อ ดี๊ อ เซง

อีซยา 30:31 교차 참조

ทอางปฆ้า 125:5

แบเด้าะ ลู่ง โพล้ง พี่ แกยฆ้าง อ ซ้ะ, อางฆื๊ง เกล้ ไกกอง อ ฌ่าง นอ กแช่ยาเว ม ลี้ฌ้า อซื๊งเว๊, ลี้ ล พ๊าฆ่าง ดี๊ โพล้ง, พี่ อ แม้ ทอ้าทซ๊าง เกม๊าเต้ ทฆู๊งทพุ้ โอ ลู่ง อีซลาเอง พ้า

อีซยา 10:12

ท่อง ทอดูทึโท๊ทึ กแช่ แม้ อ ทไพ้ะทแม้ เลาพะ, ลู่ง ทลู่ง ซีโยง ดี๊ ลู่ง เยรูซเลง ฌ้องทางเกทาง เย้า นอ, กแช่แยว้ ม แม้เตา แม้แต๊ ท อางปฆ้า, เฌ๊นี่ ลู่ง อะซีเรีย อ กจุ้แฆว้ อ เซิงพ้าซ้ะพ้า ทื่งดูล้าง ซ้ะ, ดี๊ ท ชีอูพู๊ ล้าง ซ้ะ ลู่ง อ เมะคลี้ง แคว่แช้แคว่เด เท่อ

อีซยา 10:15

แกว้ ม ไคล้ เคิ่ง โพล้ง พี่ เจ่ เว๊ กล้าง เท่อ นอ-อ้า? ท้ะลว้ะ ม ทื่งล้าง อ ซ้ะ โท๊เละโพล้ง พี่ เจ่ เว๊ ลว้ะ เท่อ นอ-อ้า? บี่ซุ้ดี๊ นางมื่งคืง ม โชะทาง โพล้ง พี่ โชะ-อ้ะ นอ ซี-อ้า? นางทุ้ ม โชะทาง โพล้ง พี่ ล เมะ เซงกึ้ แบ ซี ชี่-อ้า?

อีซยา 10:24

ทบี่นอ, ทอดูทึโท๊ทึ กแช่ยาเว พี่ เก ซึ้คู ดูทึชองทึ ไจ้ะเว๊ บี่อี้ง “โพล้ง เฆ้อ ก ชื้อ พี่ โอ ซีโยง พ้า-เอ้อ, ซ้ะเม โพล้ง อะซีเรีย พี่ อ ท่าง น ซื๊ง ดี๊ นางมื่งคืง, ดี๊ โชะทาง อ นางทุ้ ดึ้ แน้ บี่ซุ้ดี๊ โอ ลู่ง อีไย้ะ พ้า อู้ง นอ ล ฌี้

อีซยา 10:26

ดี๊ กแช่ยาเว ซึ้คู ดูทึชองทึ ม เว่งว๊าง นางพลี เฌ๊ ดึ้-อ้ะ, บี่ซุ้ดี๊ พี่ กแช่แยว้ ดึ้ซึ้ โพล้ง มีเดียง ลู่ง ไล๊ โอเระ, ดี๊ อ นางทุ้ พี่ โอ แบ ลู่ง ปางเล คูด้าง นอ, กแช่แยว้ ม โชะทาง เว๊ ด้องซุ้ พี่ อ แม้ เว๊ ลู่ง อีไย้ะ พ้า

อีซยา 10:5

ท เซงทื่งเฌ๊ฌ้อง แบ โพล้ง อะซีเรีย พี่ เก ก นางมื่งคืง ลู่ง ก ท ซ้ะทาง ดี๊ นางทุ้ ลู่ง อ ซื๊งเว๊ อ จูง พ้า เก ก ท ซ้ะทาง พ้ะดู

อีซยา 11:4

แบเด้าะ อ เว๊ ม ต้ะเซ๊ง โพล้งซยางโพล้งน้ะ ดี๊ ท อเกิ้งอแบ ดี๊ ต้ะเซ๊ง เอะ โพล้งพือโพล้งปี๊, ลู่ง ที๊งล่างค่างพ้า ดี๊ ท อเกิ้งอแบ อ เว๊ ม ท่าง ฌางคูโคล๊งคู ดี๊ นางเพ๊บ้อง เฌ๊นี่ ลู่ง อ นุ้ ดี๊ อ เว๊ ม แม้ซี๊ง โพล้งอ้าโพล้งซ๊าง ดี๊ ลี้ง เฌ๊นี่ ลู่ง อ นุ้เฌะ

อีซยา 14:25

เมะเว๊ ก ม ดึ้ โพล้ง อะซีเรีย เกม๊า อ ที่มื่งที่พ้ะ ลู่ง ก ที๊งล่างค่างพ้า ดี๊ ก ม ไย่เละค๊างพะ-อ้ะ ลู่ง ก ทลู่ง คู ฌ้อง อ แอะ ม แบ ท โชะไฆวะ ดี๊ อ ซื๊งเว๊ ซีง ลแพ นอ ดี๊ โชะไฆวะ อ ทอวีงทยุ้ ลู่ง อ ซื๊งเว๊ อ จื๊งแป คู”

อีซยา 27:7

กแช่แยว้ ม เป้ อีซลาเอง บี่ซุ้ดี๊ เป้ โพล้ง พี่ อ เป้-อ้ะ ชี่-อ้า? อีซลาเอง ม แบ ทแม้ซี๊ง บี่ซุ้ดี๊ โพล้ง แม้ซี๊ง-อ้ะ นอ, แบ ทแม้ซี๊ง-อ้า?

อีซยา 30:30

ดี๊ กแช่ยาเว ม ดึ้ เกม๊า โพล้ง แน่ฌ๊า อ ลู่ง เซ๊ พ้ะดู, ดี๊ ม ดึ้ เกม๊า แด อ จูง พี่ เป้ล้าง เท่อ ดี๊ ท ซ้ะทาง พ้ะดู, ดี๊ มีเค้ อาง เฌ๊ฌ้อง เท่อ, เลา ดี๊ ทเฌ๊ช้า พ้ะดู ดี๊ ลี้งเฌ๊ พ้ะดู ดี๊ มื่งแซ ล้าง

อีซยา 31:8

ฌ้อง โพล้ง อะซีเรีย ม ล้างเทะเค้า ดี๊ น้ะ พี่ ล เมะ กโพล้ง อ เท่อ แบ ดี๊ น้ะ พี่ ล เมะ กโพล้ง อ เท่อ แบ นอ, ม อางไฆวะ-อ้ะ ดี๊ อ เว๊ ม ซยู๊คุ้ซูงไฆวะ น้ะ ดี๊ อ โพล้ง แคว๊ น่างบางซ้ะบาง นอ, ม แบ ท แคแน เจ่ไฌ่เจ่แบ้

อีซยา 9:4

อไฌ่บี่อี้ง, แอะ พี่ เก อ ทอวีงทยุ้ ฆ๊า เมะ ฌี้ นางทุ้ พี่ ท่าง อ จื๊งแป เมะ ฌี้ โพล้ง แคแนแคแก้-อ้ะ อ นางมื่งคืง เมะ ฌี้ นอ กแช่แยว้ บุ้แค่ไฆวะ เว๊ บี่ซุ้ดี๊ โพล้ง มีเดียง อ มื่งนี้ง พ้า