อีซยา 30:30 - Northern Pwo Karen Thai Bible

³⁰ ดี๊ กแช่ยาเว ม ดึ้ เกม๊า โพล้ง แน่ฌ๊า อ ลู่ง เซ๊ พ้ะดู, ดี๊ ม ดึ้ เกม๊า แด อ จูง พี่ เป้ล้าง เท่อ ดี๊ ท ซ้ะทาง พ้ะดู, ดี๊ มีเค้ อาง เฌ๊ฌ้อง เท่อ, เลา ดี๊ ทเฌ๊ช้า พ้ะดู ดี๊ ลี้งเฌ๊ พ้ะดู ดี๊ มื่งแซ ล้าง

อีซยา 30:30 교차 참조

โยบา 38:22

“น ลี้ นึฆ้าง ลู่ง แน๊วะ อ ล่าง โอซยอง พ้า เย้า-อ้า? น แด มื่งแซ อ ล่าง โอซยอง

โยบา 38:23

พี่ จ อางกีนี่-อ้ะ, ลู่ง ทน้ะทโน๊ง แค๊ อ ฌ่าง ลู่ง มื่งนี้ง ทดึ้ซึ้ ดี๊ ทดึ้ทชาง อ ฌ่าง นอ เย้า-อ้า?

โยบา 40:9

น จูงดูง โอ บี่ซุ้ดี๊ กแช่แยว้-อ้า? ดี๊ น แม้ น ลู่ง เซ๊ ล้างว้าง บี่ซุ้ดี๊ กแช่แยว้ อ ลู่ง ซี ชี่-อ้า?

ทอางปฆ้า 2:5

ฌ้อง ไคล้ ดี๊ อ ซื๊งเว๊ ซีงลแพ นอ, ดี๊ ทซ้ะทาง ดี๊ ทซ้ะทาง พ้ะดู นอ, ดึ้ เกม๊า อซื๊งเว๊ ซ้ะเมซ้ะไพล้ เท่อ ไจ้ะเว๊ บี่อี้ง

ทอางปฆ้า 46:6

กเย่ โพล้ง กุ้ที๊งกุ้ค่าง นอ เติ้งทางเติ้งล้าง, ดี๊ บ้างมื่ง เลาพะ นอ ลเฌิ่งลค๊า แบ กแช่แยว้ กุ้ซย้ะทาง อ ลู่ง, ฌางคูโคล๊งคู พลี่งไฆวะ เว๊ ล้อ

ทอางปฆ้า 98:1

เกม๊า ซ้ะอวีง แท๊ อ ซ๊าง, เทว๊ เอะ กแช่ยาเว เมะเว๊ กแช่แยว้, นี่ แม้ ทล้ะทเล่ ล เม้ง แบ ล เม้ง กแช่แยว้ อ จูง ฆุ้, ดี๊ อ จูง พี่ อฌี้อแอว้ นอ นี่ เกม๊า เอะ อเว๊ น้าเท่อฆ่างเท่อ

ทไจทางไฆวะ 15:16

ทไพ้ะฆิ้โค๊ฆิ้, ดี๊ ทซ้ะไพ่ ซ้ะเม โอทาง อ ซ้ะ พ้า ดี๊ น ลู่ง น จูง อดู้งอยาง อกย้อง นอ, อ ซื๊งเว๊ โอโท๊ ไก้ไม่ บี่ซุ้ดี๊ โล่ง จ กแช่ยาเว-เอ้อ, ท้อง ลู่ง น โพล้งเฌงพูฆ๊างพู ลี้ พ้องไฆวะ ท้อง ลู่ง โพล้ง ล ชื้อ, พี่ น ฆวี้นี่ไท้-อ้ะ เย้า นอ ลี้ พ้องไฆวะ

ทไจทางไฆวะ 9:23

โมเซ เยาทาง อ นางทุ้บ้อง ลู่ง ทพุ้พ๊าง, ฌ้อง กแช่ยาเว ดึ้ เกม๊า ล๊าง เซ๊, มื่งแซ โอ, ดี๊ มี ล้างเทะ ลู่ง ฌางคู คู, กแช่ยาเว เกม๊า มื่งแซ ล้างเทะ ค่าง อีไย้ะ พ้า

ทไจทางไฆวะ 9:24

มื่งแซ, ดี๊ มี ค้ะ พ้าง ลู่ง มื่งแซ แกล้, มื่งแซ ล้างเทะ แอ เต้ๆ, เฆ้ง ค่าง อีไย้ะ พ้า บี่อี้ง นอ, ล โอ น่าง พ๊า ได้ะ แบ, ล โค๊ ลู่ง ทดึ้ เกทาง มื่ง เกทาง บ้าง อี้ง นอ

อีซยา 10:16

ทบี่นอ, ทอดูทึโท๊ทึ กแช่, กแช่ยาเว ซึ้คู ดูทึชองทึ ม ดึ้ เกม๊า ทแช๊ ฆวี่กิ้ เฌ๊ ลู่ง อ โพล้ง เค่งดูฌ้างโท๊ ลแพ นอ อ โป้ง พ้า ดี๊ ม โอ ดี๊ ท เช้า เค้ทาง ลู่ง อฆี๊งอแล้ เช๊ละ บี่ซุ้ดี๊ มีอาง เท่อ

อีซยา 10:26

ดี๊ กแช่ยาเว ซึ้คู ดูทึชองทึ ม เว่งว๊าง นางพลี เฌ๊ ดึ้-อ้ะ, บี่ซุ้ดี๊ พี่ กแช่แยว้ ดึ้ซึ้ โพล้ง มีเดียง ลู่ง ไล๊ โอเระ, ดี๊ อ นางทุ้ พี่ โอ แบ ลู่ง ปางเล คูด้าง นอ, กแช่แยว้ ม โชะทาง เว๊ ด้องซุ้ พี่ อ แม้ เว๊ ลู่ง อีไย้ะ พ้า

อีซยา 10:5

ท เซงทื่งเฌ๊ฌ้อง แบ โพล้ง อะซีเรีย พี่ เก ก นางมื่งคืง ลู่ง ก ท ซ้ะทาง ดี๊ นางทุ้ ลู่ง อ ซื๊งเว๊ อ จูง พ้า เก ก ท ซ้ะทาง พ้ะดู

อีซยา 28:2

อี้งเซ้อ, ทอดูทึโท๊ทึ กแช่ อ โพล้ง โอ ล แฌ้ พี่ โอ ดี๊ อไฌ่อแบ้ ดี๊ อชองอไคล๊ บี่ซุ้ดี๊ ลี้ง มื่งแซ, บี่ซุ้ดี๊ ลี้งเฌ๊ พ้ะดู ลู่ง อ แม้เฌ๊ฌ้อง เท่อ บี่ซุ้ดี๊ ลี้งเฌ๊ ทเฌ๊ช้า พ้ะดู พี่ อ แยว้ล้าง พี่ ม เว่งว๊าง เท่อ ดี๊ อ จูง, เกม๊า ล้าง ท้อง ฌางคู

อีซยา 29:6

กแช่ยาเว ซึ้คู ดูทึชองทึ ม ลี้ไจ โอ แน้ ดี๊ ล๊างเซ๊, ดี๊ ฌางคู ว้ะ, ดี๊ ท อ ลู่ง เซ๊ พ้ะดู เลา ดี๊ ลี้ง ว้างไร้ะ, ลี้งเฌ๊ พ้ะดู, ดี๊ มีอ้า เค้ทาง พี่ อาง เฌ๊ฌ้อง เท่อ

อีซยา 30:29

น ซื๊ง ม โอ ดี๊ แท๊ซ้ะอวีง บี่ซุ้ดี๊ มื่งแน้ พี่ โอ ดี๊ ท อ ไฌ่ แม้มึอางอวีง ซยื๊งซย้อง, ดี๊ โอ ดี๊ ทเซิงมึซ้ะมึ บี่ซุ้ดี๊ โพล้ง พี่ ไจทาง โพะ ปี้ง เซ๊ อ ไค๊, บี่ซุ้ ม ลี้ ลู่ง กแช่ยาเว อ ทลู่ง, ท้อง อีซลาเอง อ กแช่ ไล๊

อีซยา 30:31

โพล้ง อะซีเรีย ม ไพ้ะฆิ้โค๊ฆิ้ ดี๊ กแช่ยาเว อ ลู่ง เซ๊, กแช่แยว้ ม ท่าง เท่อ ดี๊ อ เซง

อีซยา 31:4

เมะเว๊ กแช่ยาเว ไคล้ ดี๊ แย้ บี่อี้ง ไจ้ะเว๊ “บี่ซุ้ดี๊ คี๊ยื่ง-อ้า, คี๊ยื่ง แพ๊-อ้า, พี่ เคิ่ง เท่อ โอ ลู่ง อ แชอาง เช๊คู ดี๊ ท่อง อ เว๊ กุ้ นี่ โพล้ง ลื่งแกะ ล มู๊ง เฌ๊ ดึ้-อ้ะ นอ อ เว๊ ล ซ้ะเมซ้ะไพล้ อ ซื๊งเว๊ ลแพ นอ, อ ลู่ง กุ้ซย้ะ เท่อ แบ ดี๊ ล เซิงไพ่ซ้ะว้ะ ดี๊ อ ซื๊งเว๊ อ ลู่ง เซ๊ ตทูงล้างคล้าง นอ แบ ทบี่นอ, กแช่ยาเว ซึ้คู ดูทึชองทึ ม เฌ๊ล้าง บี่ซุ้ ดึ้ซึ้ ลู่ง ทลู่ง ซีโยง คู ดี๊ อ ท จ้องม๊อง คู

อีซยา 32:19

ทึเมะ ทเคแกล้ ล้างซู๊งล้างล่อง พี่ มืงแซ ล้างเทะ ดี๊ เว่ง ม ล้างซย้าง เลาพะ ฌี้ นอ

อีซยา 33:14

โพล้ง ทเด้บ้ะ ซีง ลแพ ลู่ง ซีโยง พ้า นอ, ซ้ะเมซ้ะไพล้ เท่อ ท ตทูงตพล้าง นึ กลึ้ไบ้ะ โพล้ง พี่ อ กแช่แยว้ ล โอ แบ โพล้ง ลู่ง กซุ้กแกล้ โอ ดี๊ มี, พี่ อ อางล้างเทา เท่อ ซี โอ ล แฌ้ๆ, ชี่-อ้า? โพล้ง ลู่ง กซุ้กแกล้ โอ ดี๊ มี, อางเฌ๊ฌ้อง เท่อ ล้างชู้ล้างแกย ซี โอ ล แฌ้ๆ, ชี่-อ้า?

อีซยา 4:6

ดี๊ ม เก กดื้งแล้ ซยืง กดื้งทะ ทคู่ ลู่ง มแช๊แค๊, เลา ดี๊ เก ทล่าง โอคุ้ซูง, ดี๊ เก ทล่าง โอกดื้งไฆวะ ลี้งล๊าง ดี๊ ทเฌ๊ช้า

อีซยา 51:9

จ กแช่ยาเว อ จูง-เอ้อ เกม๊า นางทาง ซ้ะ ไช้ะ, นางทาง ซ้ะ ไช้ะ, เกม๊า ซุ้ทาง ไฌ่แบ้ นางทาง ซ้ะ ด้องซุ้ ลู่ง เอะอู้ อู้ง ด้องซุ้ โพล้ง กุ้ชู้กุ้ว๊าง อ ชู้ แค๊, ลู่ง อไยะอเช้ เย้า นอ แน้ ล เมะ แบ-อ้า, พี่ กล้างเทะ ราฮ้ะ เก ล กึ้ๆ ดี๊ ชิ้ ฌู่ง พ้ะดู พล๊องจเฌิ่ง?

อีซยา 52:10

กแช่ยาเว ปล้ะล้าง อ จูง พี่ อฌี้อแอว้ ลู่ง โพล้ง กุ้ชื้อกุ้ชะ เลาพะ อ เมะแซ พ้า ดี๊ มุ้คูทึ ฌางคูทึ เลาพะ ม แด เว๊ ก กแช่แยว้ อ ทพ้องทพลิ้

อีซยา 62:8

กแช่ยาเว อืงล้าง เท่อ ดี๊ อ จูงฆุ้ ดี๊ อ จูง พี่ อชองอไคล๊ บี่อี้ง “ก ล เกม๊า น บืง เก นดีงนแด้ อ ทอาง ล้า แบ ดี๊ โพล้งลชื้อแด ม ล โอ้ น ไซ้ะ ซไบ้ะแซ ที๊ง แบ พี่ น นี่ แบ-อ้ะ ลู่ง แม้-อ้ะ น้ะ นอ แบ

อีซยา 66:15

เมะเว๊ แคว่เซ้อ, กแช่ยาเว ม เฌ๊ ดี๊ มี ดี๊ อ เลาะ ดึ้ซึ้ บี่ซุ้ดี๊ ลี้งเฌ๊ พ้ะดู บี่ซุ้ เนโพลทาง อ ท ซ้ะทาง พ้ะดู ดี๊ เนโพลทาง อ ท แม้น้าแม้ฆ่าง ดี๊ มี

อีซยา 66:16

เมะเว๊ กแช่ยาเว ม ต้ะเซ๊ง เท่อ ดี๊ มี เลา ดี๊ อ น้ะ ลู่ง กโพล้ง กุ้แฌ้ อ เช๊คู ดี๊ โพล้ง พี่ กแช่ยาเว แม้ซี๊ง เว๊ นอ, ม โอ แอฌี่งแอฌ้อง ล้อ

เยเรมี 25:32

กแช่ยาเว ซึ้คู ดูทึชองทึ ไจ้ะเว๊ “อี้งเซ้อ, ท กึทาง อ ซ้ะ ลู่ง ออ้าอซ๊าง, ม ไจแดไฆวะ โพล้ง กุ้ชื้อกุ้ชะ อี้ง, ลี้ท้อง โพล้ง กุ้ชื้อกุ้ชะ นอ ดี๊ ลี้งเฌ๊ พ้ะดู ม โก๊ทาง อ ซ้ะ โอ นี่ ลู่ง ฌางคูโคล๊งคู พี่ อ ไย้ ทึ”

เอเซเคียง 10:5

เมะ เครุ้ ลแพ นอ, อ ได้ะ เซ๊ แน่ฌ๊า ท้อง อ ล่าง พ้ะเล่ ค๊องโค๊ ล ท๊า นอ, บี่ซุ้ดี๊ กแช่แยว้ พี่ โอ ดี๊ อดู้งอยาง อซยื๊งอซย้อง แอทึ อ ลู่ง เซ๊ พี่ อ ไคล้ แค๊ นอ

เอเซเคียง 13:13

อกย้องบี่นอ, ทอดูทึโท๊ทึกแช่ยาเว ไจ้ะเว๊ บี่อี้ง, ก ม ดึ้ เกม๊า ลี้งเฌ๊ พ้ะดู กึทาง ดี๊ ก ท ซ้ะทาง, ดี๊ เกม๊า ทเฌ๊ช้า กลึ้ไบ้ะ เท่อ ดี๊ ก ท ซ้ะทาง, ดี๊ ม โอ ดี๊ มื่งแซ พ้ะดู แม้ เฌ๊ฌ้อง เท่อ ดี๊ ก ท ซ้ะทาง

โยเอง 2:5

บี่ซุ้ดี๊ เลาะ ดึ้ซึ้ ลแพ นอ ล้อ อ ซื๊งเว๊ พื๊งซยุ้ โอ ลู่ง ทลู่ง อ จ้องคู บี่ซุ้ดี๊ มีแล อ ลู่ง เท้พ้ะ เซ๊ พี่ อ อาง โล่ทุ้ บี่ซุ้ดี๊ ซึ้พูมู๊ง พี่ อดูอโท๊ พี่ ฆ่าง ฆ้าง อ ซ้ะ น๊างมู๊ง นึ ดึ้ซึ้

อาโม 1:14

ทบี่นอ, ก ม เช้าเค้ทางมี ลู่ง เว่ง ร้ะบา อ กางแป คู ดี๊ มี ม อางไฆวะ เว่ง อ ทล่างแคว่จู้เท่อ ลแพ นอ ลู่ง ท อ ลู่ง ซองลี้ อซุ้อแกล้ พ้า, ลู่ง มื่งนี้ง แม้ ทดึ้ซึ้ ลู่ง ลี้งอูง พ้ะดู เท่อ อซุ้อแกล้ พ้า, ลู่ง มื่งนี้ง โอ ดี๊ ท แม้อ้า ว้างไร้ะ อ ซ้ะ

มีคา 1:4

ทลู่ง ลแพ นอ, ม พลี่งไฆวะ ลู่ง กแช่แยว้ อ เช๊ละ ดี๊ กเย่ ทลู่ง คางไท้ะ ซีง ลแพ, ม แบ ท อางน้าง พ้ะ บี่ซุ้ดี๊ นี๊ฆุ้ ลู่ง มีไท้ะ บี่ซุ้ดี๊ ที๊ง พี่ ลู๊งล้าง ลู่ง ทไบล้ล้อง

ม้ะทู 24:7

โพล้ง ล ชื้อ ม ดึ้ โละ ซ้ะ ดี๊ โพล้ง ล ชื้อ แด เด้าะ, ค่าง ล ค่าง ม ดึ้ โละ ซ้ะ ดี๊ ล ค่าง แด เด้าะ, ท ซ้ะวี่ง ล้างดุ้ ม โอ ทาง ล จองๆ, ดี๊ ฌางคู ม ว้ะ ล จองๆ

ลูกา 1:51

อ เว๊ เยา ทาง อ จูง เนโพล ทาง อ ซยื๊ง อ ซย้อง เกม๊า โพล้ง พี่ อ อางกี โท๊ อ ซ้ะ ลู่ง อ ท ไพ้ะ ท แม้ ล แพ นอ ที่พ้ะ ที่ล้าง โละ ซ้ะ

2​เทซาโลนีเก 1:8

กแช่ เยซู คริ้ ม แม้ เตา แม้ แต๊ โพล้ง ลู่ง อ ล ฮะ นี่ กแช่ แยว้ แบ, ดี๊ ล คุ้ช๊องแน ท ฌี้ อ ไฌ่ แบฆ้ะ ดี๊ ก กแช่ เยซู คริ้ นอ แบ

โยชูวา 10:10

กแช่ยาเว เกม๊า โพล้ง ลแพ นอ ซยึ้ เท่อ เติ้งทาง เติ้งล้าง ลู่ง โพล้ง อีซลาเอง อ เมะแซ พ้า, ฌ้อง โพล้ง อีซลาเอง แม้ซี๊ง อ ซื๊งเว๊ ลู่ง ทล่าง กีเบโอง พ้า, ดี๊ ลี้ ล้อง เว๊ ลู่ง เกล้ ลี้ทาง ทลู่ง เบโฮโรง, ดี๊ ล้อง แม้ซี๊ง โพล้ง ลแพ นอ ลี้ ท้อง ลู่ง เว่ง อาเซคา ดี๊ เว่ง มาเคดา

โยชูวา 10:11

พี่ ล โท้ แย๊ อ ซื๊งเว๊, ซยู๊ไฆวะ ลู่ง โพล้ง อีซลาเอง อ เมะแย๊ ลี้ เกล้ เบโฮโรง นอ, กแช่ยาเว ไควะล้าง โล่ง พ้ะดู โอ ลู่ง มุ้คู, ล้างเทะ ซี๊ง แบ อ ซื๊งเว๊ ทึ เกล้ ท้อง ลู่ง เว่ง อาเซคา, อ ซื๊งเว๊ซีง ซี๊ง, โพล้ง พี่ อ ซี๊งนี่ ดี๊ มื่ง แซ ล้างเทะแบ-อ้ะ นอ, แอเละ โพล้ง พี่ โพล้ง อีซลาเอง แม้ซี๊ง-อ้ะ ดี๊ น้ะ นอ ได้ะ

ท​เน​โพล​ทาง 1:15

อ คาง นอ แบ ด้อง ท่องบ้าง, พี่ อ แบ ท พลึ้ ล้าง-อ้ะ มี อ้า พ้า, ฌ้อง แบ ท เท้า พลี๊-อ้ะ พุ้ กเล้เด้, อ ลู่ง นอ เซ๊ พ้ะดู บี่ ซุ้ ดี๊ ที๊ง ล้างชู๊ง เซ๊

ท​เน​โพล​ทาง 11:19

ฌ้อง กแช่ แยว้ อ เว่งฮ๊าง ลู่ง ท มุ้คู แบ ท อุ้พ้ะ ทาง-อ้ะ, จ แด ไฮะ กแช่ แยว้ อ ท เอิ้งล้าง โอ พี่ นอ, ฌ้อง ล๊าง พล้ะ เท่อ ดี๊ ล๊าง เซ๊, เซ๊ ล้างว้าง ล้างซวาง, ฌางคู ว้ะ, ดี๊ มื่ง แซ ล้าง น้ะ มะ ล้อ

1ซามูเอง 7:10

พี่ ซามูเอง เทว๊ ทลื่งทาง เช้า ทพูแฆ่ น๊างดื้ง ได้ะ อ แค๊ นอ, โพล้ง ฟีลีเตีย เฌ๊ฆ้าง เบ้า, บี่ซุ้ ม ดึ้ซึ้ โพล้ง อีซลาเอง, แบเด้าะ กแช่ยาเว เกม๊า ล๊าง เซ๊ พ้ะดู เต้ๆ, ล นี้ง แย๊ นอ กแช่แยว้ ดึ้ซึ้ โพล้ง ฟีลีเตีย, เกม๊า เว๊ อ ตุ้ เท่อ อ คู อ ไค๊ ล แบ น่าง เม้ง ล้าแบ, ลู่ง โพล้ง อีซลาเอง อ เมะแซ พ้า