อีซยา 30:28 - Northern Pwo Karen Thai Bible

²⁸ กแช่แยว้ อ ลี้ง แซทางแซล้าง บี่ซุ้ดี๊ ที๊งกล้อง พู พี่ กลึ้ไบ้ะ เท่อ ล้างอวีงล้างพะ พี่ กลึ้ไบ้ะ เท่อ พ้ะโท๊ ท้อง โคะบ้อง บี่ซุ้ ม ฌื่ง กเย่ โพล้ง กุ้ชื้อกุ้ชะ, ดี๊ ทฆี ฌื่ง เท่อ ลู่ง ทแม้ เฌ๊ฌ้อง พ้า ดี๊ ม ท๊างทาง กื่อ ลู่ง โพล้ง กุ้ชื้อกุ้ชะ ลแพ นอ, อ แคฆีง, บี่ซุ้ ลี้ฌ้า เว๊

อีซยา 30:28 교차 참조

2​ซามูเอง 17:14

อะซาโลง ดี๊ โพล้ง อีซลาเอง กุ้ แฌ้ ไจ้ะเว๊, “ฮุ้ไช โพล้ง อาคี อ ทเนฌ้าโล้ฌ้า อี้ง, ฌี้เละ อาฮีโทเฟ อ ทเนฌ้าโล้ฌ้า ได้ะ”, เมะเว๊ กแช่ยาเว ดึ้ เกม๊า เว๊ อาฮีโทเฟ, อ ทเนฌ้าโล้ฌ้า ลู่ง อ ฌี้ นอ, ล น้า เท่อ แบ, บี่ซุ้ กแช่ยาเว ม เกม๊า ทอ้าทซ๊าง, เฌ๊ แบ อะซาโลง นอ ล้อ

2​กจุ้แฆว้ 19:28

เป๊งนี่ ลู่ง น ทซ้ะทาง พ้ะดู ดี๊ แย้ ดี๊ น ทชีอูงพู๊ น ซ้ะ นอ, เฌ๊ ท้อง จ แน่ ทบี่นอ, จ ม แม้นี่ จ นางไค้ บล้ะ น แน๊พู๊ง ดี๊ แม้นี่ จ กื่อ บล้ะทาง ลู่ง น นุ้ ล้อง ดี๊ จ ม วีง ไท้ แน้, ไท้ โพะ ไท้ เกล้ พี่ น เฌ๊ นอ

โยบา 39:17

เมะเว๊ กแช่แยว้, ดึ้เกม๊า เว๊ อ ซ้ะนาง, ทโกงซีมองแบ ดี๊ ล นี่ เกม๊า เว๊, อ โอ ดี๊ ทแน ซี แบ

ทอางปฆ้า 18:15

ฌ้อง ปางเล อ ไค๊ด้ะ โพลทาง เลา ดี๊ ฌางคูโคล๊งคู อ ฌี่ง คางไท้ะ นอ, ทางโพล ท่อง กแช่แยว้ ไน้ะไซ้ะ ปางเล นอ, กแช่ยาเว-เอ้อ ดี๊ ลี้ง พี่ อ ซยุ้ทางนี่ ลู่ง น แน๊เด้ง พ้า

ทอางปฆ้า 32:9

เก บี่ซุ้ดี๊ กซี-อ้า, แนว้-อ้า, พี่ อ แน เท่อ ลซีแบ นอ ล ฌี้ พี่ แบ จ้าทาง พลี้ง พ้ะตไระ อ นุ้ ดี๊ กื่ง เมะ ล แม้ บี่นอ แบ นอ, อ ล เฌ๊เบ้า แน้ แบ

ทอางด้อง 26:3

นางเป้ ลู่ง กซี อ ฌ่าง, กื่อ ลู่ง แลว้ อ ฌ่าง ดี๊ นางพลี ลู่ง โพล้งเซ๊กูเฌ๊ฌ้อง อ โคล๊ง อ ฌ่าง

อีซยา 11:4

แบเด้าะ อ เว๊ ม ต้ะเซ๊ง โพล้งซยางโพล้งน้ะ ดี๊ ท อเกิ้งอแบ ดี๊ ต้ะเซ๊ง เอะ โพล้งพือโพล้งปี๊, ลู่ง ที๊งล่างค่างพ้า ดี๊ ท อเกิ้งอแบ อ เว๊ ม ท่าง ฌางคูโคล๊งคู ดี๊ นางเพ๊บ้อง เฌ๊นี่ ลู่ง อ นุ้ ดี๊ อ เว๊ ม แม้ซี๊ง โพล้งอ้าโพล้งซ๊าง ดี๊ ลี้ง เฌ๊นี่ ลู่ง อ นุ้เฌะ

อีซยา 17:13

กเย่ โพล้ง กุ้ชื้อกุ้ชะ, แม้ เซ๊ อ ลู่ง ล้างว้างล้างซวาง, บี่ซุ้ดี๊ ที๊ง แอฌี่งแอฌ้อง อ ลู่ง แบเด้าะ กแช่แยว้ ม แม้น้าแม้ฆ่าง -อ้ะ, ดี๊ อ เว๊ ม ไจคุ้ซูงไฆวะ ไย้โยะ แบ ท โฌ๊ไจไฆวะ บี่ซุ้ดี๊ พี๊ซวิ้, พี่ แบ ลี้งอูง-อ้ะ ลู่ง ทลู่ง คู บี่ซุ้ดี๊ ทมูงทมวี๊ง พี่ อ ดี้งไฆวะ ลู่ง ลี้ง อ เมะแซ พ้า

อีซยา 17:14

แคว่เซ้อ, ลู่ง มแฌล้างโค๊ นอ โอ ดี๊ ท ไพ้ะฆิ้โค๊ฆิ้ ลู่ง ท ล คลึ้ พ้างทาง ได้ะ แบ นอ, อ ซื๊งเว๊ ซีง ลแพ ล โอ ล้า แบ อ อี้ง เก โพล้ง อมยู๊อจะ พี่ ย้ะโละ นี่ ก้ะ กคองกแซย้ ดี๊ เก โพล้ง พี่ ตมละ เฆ้อ อ เท่อ ล น้าง

อีซยา 19:3

ดี๊ โพล้ง อีไย้ะ อ ซ้ะ ม ล มึ แบ น้ะ มะ ลู่ง อ คี่งพ้าบ้องพ้า ดี๊ ก ม เกม๊า อ ท ช๊องมองเว้ทแม้ บีงบูงโช้งไท๊ อ ซื๊งเว๊ ม เปิ่ง ทเค่งทฌ้าง อ ท เนฌ้าโล้ฌ้า, ดี๊ โพล้ง ไคล้เดิง โพล้ง ซี๊ง อวีงอแล้ เลา ดี๊ โพล้ง ซูงล้าง เท่อ ดี๊ ซระ ทมื้งทแฆ่

อีซยา 28:15

เมะเว๊ น ซื๊ง ไคล้ บี่อี้ง, “ก นี่ แม้ ทเอิ้งล้าง ดี๊ ทซี๊ง เย้า ดี๊ ก นี่ แม้ ทเอิ้งล้าง โละซ้ะ ดี๊ พลื่งค่าง ท่อง ทอ้าทน้ะ เฌ๊ แยว้ล้าง นอ ม ล เฌ๊ท้อง เฆ้อ แบ เมะเว๊ ก แม้ เกม๊า ท กไบล้ะกแบล เก ก ทล่าง ทุ้กดื้ง ซ้ะ ดี๊ ก แบ ท กดื้งทะ ดี๊ ท คีงอูง”

อีซยา 28:2

อี้งเซ้อ, ทอดูทึโท๊ทึ กแช่ อ โพล้ง โอ ล แฌ้ พี่ โอ ดี๊ อไฌ่อแบ้ ดี๊ อชองอไคล๊ บี่ซุ้ดี๊ ลี้ง มื่งแซ, บี่ซุ้ดี๊ ลี้งเฌ๊ พ้ะดู ลู่ง อ แม้เฌ๊ฌ้อง เท่อ บี่ซุ้ดี๊ ลี้งเฌ๊ ทเฌ๊ช้า พ้ะดู พี่ อ แยว้ล้าง พี่ ม เว่งว๊าง เท่อ ดี๊ อ จูง, เกม๊า ล้าง ท้อง ฌางคู

อีซยา 29:6

กแช่ยาเว ซึ้คู ดูทึชองทึ ม ลี้ไจ โอ แน้ ดี๊ ล๊างเซ๊, ดี๊ ฌางคู ว้ะ, ดี๊ ท อ ลู่ง เซ๊ พ้ะดู เลา ดี๊ ลี้ง ว้างไร้ะ, ลี้งเฌ๊ พ้ะดู, ดี๊ มีอ้า เค้ทาง พี่ อาง เฌ๊ฌ้อง เท่อ

อีซยา 30:29

น ซื๊ง ม โอ ดี๊ แท๊ซ้ะอวีง บี่ซุ้ดี๊ มื่งแน้ พี่ โอ ดี๊ ท อ ไฌ่ แม้มึอางอวีง ซยื๊งซย้อง, ดี๊ โอ ดี๊ ทเซิงมึซ้ะมึ บี่ซุ้ดี๊ โพล้ง พี่ ไจทาง โพะ ปี้ง เซ๊ อ ไค๊, บี่ซุ้ ม ลี้ ลู่ง กแช่ยาเว อ ทลู่ง, ท้อง อีซลาเอง อ กแช่ ไล๊

อีซยา 30:33

เมะเว๊ ทล่าง ลู่ง เช้า เท่อ อ ฌ่าง นอ, เตะ เว้ เว๊ ไยะเย้า, เอ้อ, แด้ เว้ เว๊ ลู่ง กจุ้แฆว้ อ ฌ่าง, ทล่าง ล้างด้ะ อ เทิง นอ โยะ ดี๊ เล่, ล พ๊าฆ่าง ดี๊ มี ดี๊ เซงมื่ง แอฌี่งแอฌ้อง, เมะเว๊ กแช่ยาเว อ ลี้ง แซทางแซล้าง นอ, บี่ซุ้ดี๊ มีอ้าแพลแช๊ อี อ กล้อง, พี่ เช้า เว๊ เกม๊า อ เค้ทาง นอ ล้อ

อีซยา 37:29

เป๊งนี่ น ซ้ะทาง พ้ะดู ดี๊ เฆ้อ ดี๊ น ท ชีอูงพู๊ ล้างซ้ะ เฌ๊ นึฆ้าง ก แน่ ทบี่นอ, ก ม แม้นี่ ก นางไค้ บล้ะ น แน๊พู๊ง ดี๊ แม้นี่ กื่อ พลางทะ น นุ้ ดี๊ ก ม แกย แน้ ไท้ไท้ ลู่ง เกล้ พี่ น เฌ๊ นึฆ้าง นอ’

อีซยา 59:19

ฌ้อง อ ซื๊งเว๊ ม ดู้งแบยางแบ กแช่ยาเว อเม้งอแซ ลู่ง มื่งนึ ล โค๊ ดี๊ ดู้งแบยางแบ กแช่แยว้ อโฌ่งอพ้าง ลู่ง มื่งทาง ล โค๊ เมะเว๊ กแช่แยว้ ม เฌ๊ บี่ซุ้ดี๊ ที๊งกล้อง แยว้ล้าง ชอง พี่ กแช่ยาเว อ ลี้ง ชองโฆะ อูงเทว๊ เว๊

อีซยา 63:17

จ กแช่ยาเว-เอ้อ, แบทเล้ น เกม๊า ก ซื๊งเว๊ เฌ๊พลุ้ไฆวะ ดี๊ น เกล้? ดี๊ เกม๊า ก ซื๊งเว๊ ก ซ้ะ ชองโฆะ, ท้อง ลู่ง ล ดู้งแบยางแบ กแช่แยว้ แบ อวีงซ้ะชู้ กแช่แยว้ เฌ๊ไท้, ลู่ง น เพล่ ซีง ลแพ อ ฌ่าง เมะเว๊ โพล้ง อ ชื้อ ลแพ นอ, พี่ เก นคองนแซย้

อีซยา 8:8

ดี๊ ม กว้ะ เว๊ เด้าะ ลี้ นึฆ้าง ลู่ง ยูดา พ้า, อ ม กลึ้ไบ้ะ ดี๊ แยว้ล้าง พะไฆวะ ท๊อง อ ท้อง โคะบ้อง, ดี๊ อ ได้ะ พี่ ย้างแย่ ทาง อ ซ้ะ นอ, ม คลึไบ้ะ น ที๊งล่างค่างพ้า อเล่อโท๊ ล้อ, แน้ อีงมานูเอง-เอ้อ

โฮเชยา 13:3

อกย้องบี่นอ, อ เว๊ ม เก บี่ซุ้ดี๊ ทไค้ะซวี๊ง ลู่ง โฌ้โค๊-อ้า บี่ซุ้ดี๊ ปช้างที๊ง พี่ ล้างแม่ไฆวะ โค๊ ลู่ง ทพ้างทาง โฌ้โค๊-อ้า นอ บี่ซุ้ดี๊ พี๊ซวิ้ พี่ ลี้งอูงไฆวะ เว๊ ลู่ง ทล่าง เพา ล้าง บืง-อ้า บี่ซุ้ดี๊ ท อ คูง พี่ ไจทาง นี่ ลู่ง ป้อง อ เช้า พ้า-อ้า นอ ล้อ

อาโม 9:9

“เมะเว๊ อี้งเซ้อ, ก ม อางแบเลา เท่อ ดี๊ ซยี้งโซยะ อีซลาเอง อชื้ออชะ, ลู่ง โพล้ง กุ้ชื้อกุ้ชะ อซุ้อแกล้ พ้า ด้องซุ้ ดี๊ ซยี้งโซยะ ทฆี แบเด้าะ โล่ง ล โอ ล้างเทะ ท้อง ล้าง ฌางคูคู น่างลอง แบ

ม้ะทู 3:12

อ เว๊ โชะ ดี๊ เคล้, พี่ ม ฆะ ไฆวะ บืง, ฌ้อง บืง ลู่ง อ ช้ะ นอ, ม อางกี ซยอง เว๊ ลู่ง พ๊าง พ้า, แบ เด้าะ เมะ บืง ซู นอ, ม เช้า ไฆวะ เว๊ ดี๊ มี, พี่ อ ล ล้างไพะ น่าง พ๊า แบ ล้อ”

ลูกา 22:31

ซีโมง, ซีโมง-เอ้อ, ม้างโค้ไล่ อางท่าง นี่ น ซื๊ง กุ้ อ แฌ้, พี่ ม ลองดุ้ น ซื๊ง บี่ ซุ้ โพล้ง ฌื่ง ไฆวะ อ บืง

2​เทซาโลนีเก 2:11

ท บี่ นอ, กแช่ แยว้ ม ญ่อง เกม๊า อ ช๊องมอง เท่อ ไพ้ะ, บี่ ซุ้ ม ชู่ง ม นะ เท่อ ลู่ง ล เมะ ล โต้ แบ

2​เทซาโลนีเก 2:8

ฌ้อง โพล้ง อ้า โพล้ง ซ๊าง ล แฌ้ นอ, ม เนโพล ทาง อ ซ้ะ, แบเด้าะ พี่ กแช่ เยซู คริ้ เฌ๊ ไท้ โคะ นอ, ม อูง ซยู๊ ซี๊ง ไฆวะ โพล้ง ล แฌ้ นอ, ดี๊ กแช่ เยซู คริ้ อ ฆี๊ง อ แล้ ม แม้ เฌ๊ฌ้อง-อ้ะ

ฮีบรู 4:12

กแช่ แยว้ อ ลู่ง อ แท๊ นอ โอ ม๊า, โอ ดี๊ อ ซยื๊ง อ ซย้อง, ไอ ฌี้ นี่ น้ะ พี่ อ แน่ ไอ คี๊ง แพ้, ชิ้ เท่อ นึ โยะ ล โยะ นอ ท้อง ลู่ง ม อางน้าง พ้ะ เซิง ซ้ะ ดี๊ วีง แล้, ดี๊ อางน้าง พ้ะ ฆีง ดูโมะ ดี๊ ฆีง อ คี่ง อ ซอง, ดี๊ ต้ะเซ๊ง โพล้ง อ ท ช๊องมอง ดี๊ อ ท แบ ซ้ะ

ท​เน​โพล​ทาง 1:16

อ จูง ฆุ้ ล โค๊ นอ โชะ ดี๊ แซย เนว๊ โพลง, น้ะ อ แน่ ไอ คี๊ง แพ้ โอ ลู่ง อ นุ้ พ้า เฌ๊ ทาง, ดี๊ อ เมะแซ นอ แบ ด้อง มื่ง พ้าง ล้าง เล๊เก้

ท​เน​โพล​ทาง 2:16

ท บี่ นอ เปลง ไท้ น ซ้ะ อ ซ๊าง ไช้ะ, เมะ ล แม้ บี่ นอ แบ จ ม เฌ๊ ฌู แน้ เพลๆ, อี้ง ล้อ, ฌ้อง จ ม เจ่ น้ะ พี่ อ โอ จ นุ้ พ้า เฌ๊ ทาง นอ กล้าง โพล้ง ล แพ นอ