อีซยา 29:8 - Northern Pwo Karen Thai Bible

⁸ บี่ซุ้ดี๊ โพล้ง ซู๊อางซ้ะ เท่อ มี๊งม่าง เว๊ อ อาง เท่อ ดี๊ ท่อง นางทาง อ ซ้ะ นอ, อ เว๊ ซู๊อางซ้ะ เท่อ ได้ะ บี่ซุ้ดี๊ โพล้ง ซู๊โอ้ซ้ะ เท่อ มี๊งม่าง เว๊ อ โอ้ เท่อ ฌ้อง ท่อง นางทาง อ ซ้ะ นอ, ล้างเพาล้างเบ้ ดี๊ อ โคะ ซู๊งไฆ๊ ได้ะ ดี๊ ม แม้ อ ซ้ะ บี่นอ ดี๊ กเย่ โพล้ง กุ้ชื้อกุ้ชะ เลาพะ พี่ เฌ๊ ดึ้ โละซ้ะ ดี๊ ทลู่ง ซีโยง นอ

อีซยา 29:8 교차 참조

2ทกวิ้ไน 32:21

ฌ้อง กแช่ยาเว เจ่ทาง ทมุ้คู พู ล แฌ้, ลี้ แม้เฌ๊ฌ้อง ซึ้พู ลู่ง อ ซ้ะน้า, โพล้ง คุ้ อางแบเลา ซึ้พูมู๊ง อ เท่อ, ดี๊ ทอคูดู เลาพะ ลู่ง กจุ้แฆว้ อะซีเรีย อ ทล่างโอซยอง พ้า นอ, ทบี่นอ, อ เว๊ ไท้ๆ, ลู่ง อ ที๊งล่างค่างพ้า ดี๊ ท ฌางแช้เมะฌางแช้แน๊, พี่ อ เว๊ ลี้ นึฆ้าง ลู่ง กแช่แยว้ อ เว่งฮ๊าง พ้า นอ, อ พูแคว๊ แบ ล แฌ้ๆ, แม้ซี๊ง-อ้ะ ดี๊ น้ะ พี่ นอ

ทอางปฆ้า 129:5

เกม๊า โพล้ง กุ้แฌ้ พี่ แช๊เมะไฌ๊ซ้ะ ดี๊ ซีโยง นอ ฌางแช้ฌางเด, ดี๊ แบ ฌ้าไท้ อ ซ้ะ

ทอางปฆ้า 73:20

ทอดูทึโท๊ทึ จ กแช่แยว้-เอ้อ, บี่ซุ้ดี๊ ทอางมี๊งม่าง, พี่ ล้างแม่ไฆวะ ท่อง นางทาง ซ้ะ เย้า นอ ล้อ ท่อง นางทาง ซ้ะ เย้า นอ, กแช่แยว้ ดึ้เดวทื่งแช้ อ ซื๊งเว๊ อ ฌ้าง

อีซยา 41:11

อี้งเซ้อ, โพล้ง กุ้แฌ้ พี่ อ ซ้ะทาง ดี๊ แน้ นอ ม แบ ฌางแช้ ดี๊ ล้างไช้ะล้างย่อง โพล้ง ลแพ นอ, พี่ อ ดึ้ โละซ้ะ ดี๊ แน้ ม เกทางก้ะ ท โปล้ปลิ้, ดี๊ เซงทื่งเฌ๊ฌ้องไฆวะ

อีซยา 41:12

น ม อางฆื๊งคู๊ โพล้ง พี่ อ ดึ้ โละซ้ะ ดี๊ แน้ แบเด้าะ น ล แด-อ้ะ แบ โพล้ง พี่ อ แม้ ทดึ้ทชาง โละซ้ะ ดี๊ แน้ ม เกทางก้ะ ท ล โอ น่างเม้ง แบ, ดี๊ ล โอ ล้างลื๊อ แบ

อีซยา 44:12

ซแล้ แม้ ท้ะ นอ, แม้ เท่อ โอ ลู่ง แซวท่อง เช๊คู ดี๊ ทฆ้าทโฆ่, ดี๊ ไน๊ เว๊ อเค่งอฌ้าง ดี๊ คีคู, ดี๊ แม้ เว๊ ดี๊ อ จูงดูง พี่ โอ ดี๊ อไฌ่อแบ้, เอ้อ, อ เว๊ ซู๊อางซ้ะ เท่อ ดี๊ อไฌ่อแบ้ เลาไฆวะ, อ เว๊ ล โอ้ แบ ที๊ง แบ เฆาะ, ดี๊ อ เว๊ ล้างเพาล้างเบ้ ล้อ

อีซยา 54:17

นางดึ้นางชาง กุ้เม้งกุ้มยู๊, พี่ แม้ทาง เว๊ บี่ซุ้ ดึ้ แน้ นอ, ม ล น้า เท่อ แบ ดี๊ น ม ลองแม้แคว่ดุ้ -อ้ะ, พลี้ กุ้ เบง พี่ โค่งทาง ซ้ะ ซู๊ง แน้ ลู่ง ท ต้ะเซ๊ง พ้า นอ, ออ้าอซ๊าง ล้อ อ อี้ง นอ, เก กแช่ยาเว อ เพล่ ลแพ นอ, อคองอแซย้ ดี๊ ท เกล๊าง เอะ อ ซื๊งเว๊ ท อเกิ้งอแบ นอ, เฌ๊นี่ ดี๊ เฆ้อ” กแช่ยาเว โล้ เว๊ บี่อี้ง ล้อ

นาฮูง 1:15

แคว่ แดเทา, โพล้ง เฌ๊โชะ ทฌี้ อ ไฌ่ อ คาง เฌ๊ ลู่ง ทลู่ง คู โพล้ง พี่ อ เฌ๊ โล้ล้าง ทฆู๊งทพุ้ โอ้, ยูดา-เอ้อ, เกม๊า น แด้เว้ ท แม้มึอางอวีง เกม๊า น แม้ชิ้เทาไท้ น ท อืงล้าง แดเทา เมะเว๊ โพล้งอ้าโพล้งซ๊าง ม ล ดึ้ซึ้ แน้ ล้าแบ อ เว๊ แบ ท แม้ไฆวะ เลาเทาเช๊งเทา เย้า

นาฮูง 2:1

โพล้ง ดึ้เท่อชางเท่อ เฌ๊ทาง ดึ้ซึ้ โละซ้ะ ดี๊ แน้ เย้า เกม๊า แฌแซกต้าง ทล่างทุ้กดื้งซ้ะ เกม๊า โอคุ้ทะ เกล้ เกม๊า เรา ย่างเด้ง เกม๊า อางกีซยอง นี่ ไฌ่แบ้ ท่อง อ เลา