7 ดี๊ กเย่ โพล้ง กุ้ชื้อกุ้ชะ เลาพะ พี่ ดึ้ โละซ้ะ ดี๊ อารีเอง เลาพะ พี่ ดึ้ โละซ้ะ ดี๊-อ้ะ, ดี๊ อ ทล่าง ทุ้กดื้งซ้ะ พี่ อเฌิ่งอค๊า, เลา ดี๊ แม้ น้ะเซิงน้ะซ้ะ เว๊ นอ ม เก บี่ซุ้ดี๊ ทอางมี๊งม่าง-อ้า, ท แด เว้ ลู่ง มแน้แค๊-อ้า นอ ล้อ
อ เว๊ ม ยู้งไฆวะ บี่ซุ้ดี๊ ทอางมี๊งม่าง, ดี๊ โพล้ง ม ล โอ แด-อ้ะ น่าง แฌ้ ล้าแบ อ เว๊ ม แบ ทโฌ๊ไจไฆวะ-อ้ะ, ด้องซุ้ ทแดเว้ ลู่ง มแน้ แค๊
ทอดูทึโท๊ทึ จ กแช่แยว้-เอ้อ, บี่ซุ้ดี๊ ทอางมี๊งม่าง, พี่ ล้างแม่ไฆวะ ท่อง นางทาง ซ้ะ เย้า นอ ล้อ ท่อง นางทาง ซ้ะ เย้า นอ, กแช่แยว้ ดึ้เดวทื่งแช้ อ ซื๊งเว๊ อ ฌ้าง
แคว่เซ้อ, ลู่ง มแฌล้างโค๊ นอ โอ ดี๊ ท ไพ้ะฆิ้โค๊ฆิ้ ลู่ง ท ล คลึ้ พ้างทาง ได้ะ แบ นอ, อ ซื๊งเว๊ ซีง ลแพ ล โอ ล้า แบ อ อี้ง เก โพล้ง อมยู๊อจะ พี่ ย้ะโละ นี่ ก้ะ กคองกแซย้ ดี๊ เก โพล้ง พี่ ตมละ เฆ้อ อ เท่อ ล น้าง
กแช่ยาเว อ เพล่ มุ้คู พู ไจทาง, ดี๊ แม้ซี๊ง โพล้ง ลู่ง อะซีเรีย อ ล่าง โอซยอง พ้า, ล ล้าง โฆะไซ เย่ม๊า แฌ้, ดี๊ ท้อง อช๊าอโท่ ลู่ง โฌ้ ล้างคึ, ท่อง โพล้ง นางทาง อ ซ้ะ นอ, แคว่เซ้อ, อ ซื๊งเว๊ ลแพ นอ, เกทางก้ะ ทจู เลาพะ
ลู่ง กแช่แยว้ อ ฌ่าง นอ, โพล้ง กุ้ชื้อกุ้ชะ เลาพะ นอ, บี่ซุ้ดี๊ ท ล โอ น่างเม้ง แบ กแช่แยว้ ทื่ง อ ซื๊งเว๊ เก ท พี่ อ แซย้เละ ท ล โอ น่างเม้ง แบ, ดี๊ ท โปล้ปลิ้ ได้ะ
แคว่ แดเทา, โพล้ง เฌ๊โชะ ทฌี้ อ ไฌ่ อ คาง เฌ๊ ลู่ง ทลู่ง คู โพล้ง พี่ อ เฌ๊ โล้ล้าง ทฆู๊งทพุ้ โอ้, ยูดา-เอ้อ, เกม๊า น แด้เว้ ท แม้มึอางอวีง เกม๊า น แม้ชิ้เทาไท้ น ท อืงล้าง แดเทา เมะเว๊ โพล้งอ้าโพล้งซ๊าง ม ล ดึ้ซึ้ แน้ ล้าแบ อ เว๊ แบ ท แม้ไฆวะ เลาเทาเช๊งเทา เย้า
โพล้ง ดึ้เท่อชางเท่อ เฌ๊ทาง ดึ้ซึ้ โละซ้ะ ดี๊ แน้ เย้า เกม๊า แฌแซกต้าง ทล่างทุ้กดื้งซ้ะ เกม๊า โอคุ้ทะ เกล้ เกม๊า เรา ย่างเด้ง เกม๊า อางกีซยอง นี่ ไฌ่แบ้ ท่อง อ เลา
ล นี้ง แย๊ นอ, ก ม อางฆื๊ง อช๊าอโท่, แม้เฌ๊ฌ้อง โพล้ง กุ้ที๊งกุ้ค่าง, พี่ เฌ๊ฆ้าง ดึ้ เยรูซเลง นอ
