อีซยา 28:7 - Northern Pwo Karen Thai Bible

⁷ อ ซื๊งเว๊ ล แพ อี้ง, ว้างมื่งว้างไร้ะไฆวะ ดี๊ ไซ้ะ ซไบ้ะแซ ที๊ง บี่ซุ้ โละซ้ะ ปะ ดี๊ เด้งเค๊งแดฆ้าง ดี๊ ไซ้ะที๊งมี่จ้าง โพล้งลื่งเท่ออคู ดี๊ โมไคล้คิ้กแช่แยว้ นอ, ว้างไร้ะว้างพาง ดี๊ ไซ้ะที๊งมี่จ้าง อ ซื๊งเว๊ ลแพ นอ, คูเยิ้งแน่เยิ้ง ดี๊ ไซ้ะ ซไบ้ะแซ ที๊ง อ เว๊ เด้งเค๊งแดฆ้าง ดี๊ ไซ้ะที๊งมี่จ้าง อ ซื๊งเว๊ แด ท แด เว้ ลเมะลโต้ แบ อ เว๊ บึ้ทะ ลู่ง ท ต้ะเซ๊ง พ้า

อีซยา 28:7 교차 참조

ทอางปฆ้า 107:27

อซื๊งเว๊ ลแพ นอ, จุ้ลุ้ ดี๊ ไร้ะมื่งไร้ะไฆวะ, ด้องซุ้ โพล้ง ม้า เท่อ ดี๊ ทโกงซีมองแบ ล โอ ล้าแบ

ทอางด้อง 20:1

ไซ้ะ ซไบ้ะแซ ที๊ง นอ, ดึ้ เกม๊า แม้ไฌ๊ซ้ะ เท่อ, ดี๊ ไซ้ะ นอ, ดึ้ เกม๊า นุ้โท่งนุ้ทะ อางฆื๊งนี่ เท่อ โพล้งเล้ ญ่อง เกม๊า อ ลี้ฌ้าเฌ๊พลุ้ไฆวะ นอ, ล โอ ดี๊ ท โกงทมอง แบ

ทอางด้อง 23:30

เมะเว๊ โพล้ง ลแพนอ, พี่ ชี๊น้าง โอท๊าง ดี๊ ไซ้ะซไบ้ะแซที๊ง โพล้ง ลแพนอ พี่ ลี้ โอ้ดุ้ ไซ้ะ แพ๊ซยอง เว๊ นอ ล้อ

ทโกงซีมองแบ 10:17

โอ้, ฌางคูโคล๊งคู-เอ้อ, น ม โอมึโอพ้า พี่ น กจุ้แฆว้ เฌ๊นี่ ลู่ง เพล่ดูแม้เท่อบลางพ้า อ ชื้อ พ้า ดี๊ น เซงคู โอ ดี๊ ท ลื่งอางลื่งโอ้ พี่ อเกิ้งอด้าง บี่ซุ้ ม โอ ดี๊ ไฌ่แบ้, ล เมะ ม โอ้ เกม๊า อ ม้า เท่อ แบ

อีซยา 19:14

กแช่ยาเว แกย้ฆึ วีงแล้ ลู่ง ท กไบล้ะกแบล ลี้ล้าง ลู่ง อีไย้ะ พ้า ดี๊ อ ซื๊งเว๊ ดึ้ เกม๊า อีไย้ะ ว้างไร้ะว้างพาง ลู่ง ทไพ้ะทแม้ พ้า กุ้เม้ง บี่ซุ้ดี๊ โพล้ง ม้า เท่อ ว้างไร้ะว้างพาง, โอ ลู่ง เท่อ พี่ อ ปยุ้ทาง เว๊ นอ อ คู

อีซยา 22:13

แบเด้าะ แคว่เซ้อ, โอ ไท้ ดี๊ ท แม้มึอางอวีง ดี๊ เซิงมึซ้ะมึ ล โค๊ ล้อ โอ ดี๊ ท แม้ซี๊ง งู้ ดี๊ แม้ซี๊ง แกะ เลา ดี๊ อาง ทไพ้ะทแย ดี๊ โอ้ ไซ้ะ ซไบ้ะแซ ที๊ง “เกม๊า ก อาง เท่อ ดี๊ โอ้ เท่อ แดเทา เมะเว๊ ลู่ง โฌ้โฆะ นอ, ก ม ซี๊ง ล้อ”

อีซยา 24:2

ม กึทาง ดี๊ โพล้งลื่งเท่ออคู ลเม้งฆ่าง ดี๊ โพล้งเฌงพูฆ๊างพู กึทาง ดี๊ เซงคู แคว๊ ลเม้งฆ่าง ดี๊ อ ฆ่อง กึทาง ดี๊ เซงคู มืง ลเม้งฆ่าง ดี๊ เพล่ มืง กึทาง ดี๊ โพล้ง อางแช๊ เท่อ ลเม้งฆ่าง ดี๊ โพล้ง ฆวี้ เท่อ กึทาง ดี๊ โพล้ง อางล่อง เท่อ, ลเม้งฆ่าง ดี๊ โพล้ง เกม๊า อางล่อง เท่อ กึทาง ดี๊ โพล้ง ทางแม่ ลเม้งฆ่าง ดี๊ โพล้ง เก แม่ อ กแช่

อีซยา 24:20

ฌางคูโคล๊งคู นอ เด้งเค๊งแดฆ้าง บี่ซุ้ดี๊ โพล้ง ม้า เท่อ อ ว้ะลี้ว้ะไท้ บี่ซุ้ดี๊ เด้ พู ฌางคูโคล๊งคู อ ท ลือค๊างพะ ชางล้าง โอ ฆ๊า ฌางคูโคล๊งคู อ ล้างเทะเค้า, ฌ้อง ม เฌ้เทิงทาง ล นี่ ล้า แบ

อีซยา 28:1

ทเซงทื่งเฌ๊ฌ้อง แบ โพล้ง ม้า เท่อ ชอง ลู่ง เอฟาอีง ซีง ลแพ, อ คูคล้าง พี่ ทื่งดู ล้างซ้ะ ดี๊ ทเซงทื่งเฌ๊ฌ้อง แบ อ ทโพ๊ ลู่ง อฌี้อแอว้ ดี๊ อฆี๊งอแล้ พี่ อ ดี้งล้างไฆวะ พี่ โอ ทลู่ง อ จ้องคู ลู่ง ทแด้ พ้า อกู้งอล๊า, พี่ ล้างเคลิ่ง ดี๊ ไซ้ะ ซไบ้ะแซ ที๊ง

อีซยา 29:11

ดี๊ ท แด เว้ เลาพะ อี้ง, เกทาง ก้ะ บี่ซุ้ดี๊ ทไคล้ ลู่ง ไละทื๊ง พ้า, พี่ แบ ทแม้ไน เอะ น ซื๊ง ซีง ลแพ, พี่ อ เว๊ เกม๊า เอะ โพล้ง พี่ พ้ะ เว๊ ซี ดี๊ ไจ้ะเว๊ บี่อี้ง, “อวีงซ้ะชู้ พ้ะ ไละ ล ปะ อี้ง”, อ เว๊ ไจ้ะ บี่อี้ง, “จ พ้ะ ล ซี แบ, เป๊งนี่ โอ ดี๊ ทแม้ไน กาไบ้ะ ทะ เว๊”

อีซยา 3:12

แบเด้าะ โพล้ง ล ชื้อ ฆ่าง ดี๊ เฆ้อ นอ, พืงดี้งพืงแซ เก โพล้ง แคแน-อ้ะ ดี๊ กมืง โพะคอง อ ซื๊งเว๊ โอ้, โพล้ง ล ชื้อ ดี๊ เฆ้อ-เอ้อ, นคูนแน่ ดึ้ เกม๊า น เฌ๊พลุ้ เกล้ เลา ดี๊ ดึ้ เกม๊า น ซื๊ง เกล้ บีงบูง

อีซยา 43:27

นพี๊งนพู๊ง ลู่ง แย๊ อู้ง, อ ต้องคู ล แฌ้ นอ, แม้ ทเด้บ้ะ ดี๊ น โพล้ง พี่ อ ไคล้ช้า แน้ นอ, กไบล้ะกแบล ดี๊ เฆ้อ

อีซยา 5:11

ท เซงทื่งเฌ๊ฌ้อง แบ โพล้ง ลแพ นอ, พี่ เฌ้เทิงทาง ลู่ง โฌ้ ล้างคึ บี่ซุ้ ลี้ ซยู๊ ฌูง ไซ้ะ ดี๊ โพล้ง พี่ โอ ท้อง ทไค้ะทแน้ ลแพ นอ ฌ้อง ไซ้ะ ซไบ้ะแซ ที๊ง, ดึ้ เกม๊า อ เว๊ ม้า เท่อ ล้างเท้าล้างเย้

อีซยา 5:22

ท เซงทื่งเฌ๊ฌ้อง แบ โพล้ง ลแพ นอ, พี่ เก โพล้ง เซิงน้าซ้ะน้า ลู่ง ท โอ้ ไซ้ะ ซไบ้ะแซ ที๊ง ดี๊ เก โพล้ง แม้ เท่อ เบิง ลู่ง ท แพ๊ซยอง ไซ้ะ

อีซยา 5:23

โพล้ง พี่ ต้ะเซ๊ง โพล้งอ้าโพล้งซ๊าง เกม๊า พ้องไฆวะ ดี๊ ทไพ้ะทแม ลู่ง จี้ทไซ้ะไบ้ะนุ้ อกย้อง ดี๊ แม้นี่ ก้ะ ท อเกิ้งอแบ พี่ โอ ดี๊ โพล้งแบกแช่แยว้อซ้ะ

เยเรมี 14:14

ดี๊ กแช่ยาเว ไคล้ ดี๊ แย้ บี่อี้ง, “โมไคล้คิ้ เท่อ ลแพ นอ, โล้ กไบล้ะกแบล เท่อ ลู่ง กเม้งกแซ พ้า, ก ล นี่ เจ่ อ ซื๊งเว๊ แบ, ดี๊ ก ล นี่ อางแบเลา-อ้ะ-อ้า, ไคล้ ดี๊-อ้ะ-อ้า แบ, อ เว๊ โล้ล้าง ทแดเว้ กไบล้ะกแบล เอะ น ซื๊งเว๊, เก ทโล้เว้ พี่ ล ล้างเปิ่งล้างเอ้ง แบ, เก ทโล๊ไละล้าง อ กแช่ ล้อ

เยเรมี 23:13

“กเย่ โมไคล้คิ้ เท่อ ลู่ง ซมาเรีย อซุ้อแกล้ นอ ก แด แบ เท่อ พี่ ลเกิ้งลด้าง แบ น้ะ มะ อ ซื๊งเว๊ นี่ โล้ล้าง ท อลู่งอแท๊ ลู่ง ท กโช้งกแช่ บาอาง อเม้งอแซ พ้า ดี๊ นี่ เกม๊า กพูกลี้ง อีซลาเอง เฌ๊พลุ้ไฆวะ

เยเรมี 23:16

กแช่ยาเว ซึ้คู ดูทึชองทึ ไจ้ะเว๊, “คุ้ช๊องแน โมไคล้คิ้ เท่อ อ ทไคล้ ล ฌี้, โพล้ง พี่ โล้ล้าง เท่อ เกม๊า น คุ้ช๊องแน, ดึ้ เกม๊า น โอ ฆวี้ ดี๊ ทมื้งแล่ อซูงอแซ ล โอ แบ, อ เว๊ ไคล้ แบฆ้ะ ดี๊ ทแดเว้ ลู่ง อ กแช่ อ ซ้ะ พ้า, ล เมะ อ เฌ๊นี่ ดี๊ กแช่ยาเว อ นุ้ แบ

ท​ฌางล้างย้าล้าง 2:4

กแช่แยว้ ไพทาง อ คลีงแช บ้อง, ด้องซุ้ อ เกดีงเกแด้ อ เว๊ เยาทาง จูง ฆุ้, ด้องซุ้ เก โพล้ง โอเว้งโอก๊าง ดี๊ นี่ แม้ซี๊ง โพล้ง กุ้แฌ้, พี่ ก เมะคลี๊ง แคว่-อ้ะ มึ นอ ลู่ง ซีโยง อ พูมืง อ ล่าง โอ พ้า กแช่แยว้ แม้ ไจทาง อ ท ซ้ะทาง พ้ะดู ด้องซุ้ มีเค้

เอเซเคียง 13:7

อ ซื๊งเว๊ แด ทแดเว้ ลเมะลโต้ แบ, ดี๊ ทพ้ะเว้โล้เว้ กไบล้ะกแบล ล เมะ แบ-อ้า?, เมะเว๊ น ซื๊ง ไจ้ะ บี่อี้ง, ‘กแช่ยาเว โล้ เว๊ บี่อี้ง’, ทึเมะ ก ล นี่ ไคล้ แบ ฌี้ นอ

เอเซเคียง 44:21

โพล้งลื่งเท่ออคู กุ้แฌ้ พี่ ม ลี้ นึฆ้าง ทล่าง พ้ะเล่ พ้า แย๊โค๊ นอ, เกม๊า อ โอ้ ไซ้ะ ซไบ้ะแซที๊ง ล ฌี้

โฮเชยา 7:5

ลู่ง ก กจุ้แฆว้ อ มื่งนี้ง แม้มึอางอวีง นอ, ท อคูอแน่ ช๊องไก้มี๊งน้าง ดี๊ ไซ้ะ ซไบ้ะแซ ที๊ง อ จืง กจุ้แฆว้ นึซยอง ซกุ้ โละซ้ะ ดี๊ โพล้ง พี่ อ เอ ทไคล้ ไฌ๊ซ้ะ ลแพ นอ

มีคา 2:11

โพล้ง แฌ้ ฌี้ๆ, เมะ ม ลี้ ไจ ไคล้ ท พี่ อซูงอแซ ล โอ แบ, ดี๊ ไคล้ คีงอูง โล๊ไละล้าง เท่อ ไจ้ะเว๊, “จ ม ซองเท่อซ๊างเท่อ, เกม๊า น คุ้ช๊องแน, แบฆ้ะ ดี๊ ไซ้ะ ซไบ้ะแซ ที๊ง, ดี๊ ไซ้ะที๊งมี้จ้าง อไฌ่อกย้อง” แบซีงลู่ง อ เว๊ ม เก โพล้ง ซองเท่อซ๊างเท่อ ลู่ง โพล้ง ล ชื้อ อี้ง อ ฌ่าง พ้า

ฮาบากุ้ 2:15

“ท เซงทื่งเฌ๊ฌ้อง แบ โพล้ง พี่ ดึ้ เกม๊า อ ฌุ้พาง โอ้ ไซ้ะ โพล้ง พี่ แม้ ล้างฆึ อ ท ซ้ะทาง ปะ, ดี๊ ดึ้ เกม๊า เว๊ อ คูเยิ้งแน่เยิ้ง ม้า เท่อ บี่ซุ้ ม แคว่ท๊าง เว๊ อ ท โบลงโกงไล้ไท้

ฮาบากุ้ 2:16

น ม โอ ฆวี้ ดี๊ ท ฌางแช้ฌางเด, ล เมะ ดี๊ ทฆี๊งทแล้ แบ เกม๊า น โอ้ แด กแช่ เว๊ เซ้อ, ฌ้อง นอ โอ โบลงโกง โท๊กีง พี่ โอ กแช่ยาเว อ จูง ฆุ้ พ้า นอ ม เฌ๊ ว้าง ท้อง แน้ ฌ้อง ท ฌางแช้ฌางเด ม คลึไบ้ะ นฆี๊งนแล้

ม้ะทู 24:29

เมาะ มื่ง นี้ง ลู่ง ท น้ะ ท โน๊ง ล แพ นอ พ้อง ไฆวะ เย้า, มื่ง ม ไค้ะ, แล้ ล พ้าง ล้าง ล้า แบ, แซย โอ ลู่ง มุ้คู ม ล้างเทะ ไฆวะ เว๊ ล้อ, เท่อ พี่ อ โอ ดี๊ อ ดู้ง อ ยาง ลู่ง ท พุ้พ๊าง ล แพ นอ, ม ตทูง ตพล้าง นอ ล้อ

ลูกา 21:34

ปโล่ ล้าง น ซื๊ง ซ้ะ เมะ ฌี้ ไช้ะ, เกม๊า น ช๊องมอง ที่ ท โอ้ ไซ้ะ อาง มี้, ท ลื่ง อาง ลื่ง โอ้, ดี๊ ท แบคู่ แบโฌ้ ลู่ง ท โอ ม๊า อ กย้อง ล ฌี้, แบ ซีง ลู่ง ล นี้ง แย๊ นอ ม เฌ๊ ท้อง ล ทีง ฆ่าง, ฌ้อง น ซื๊ง ม เก บี่ ซุ้ แยพู แบ พ๊อง

เอเฟโซ 5:28

โพล้ง แคว๊ แบ เอ อ แม๊ บี่ ซุ้ อ เอ ล้าง อ กแช่ อ ล้อง อ ย่าง, โพล้ง แคว๊ พี่ เอ อ แม๊ นอ เอ ล้าง อ กแช่ ปะ