อีซยา 28:17 - Northern Pwo Karen Thai Bible

¹⁷ ดี๊ ก ม ต๊างทาง ท อเกิ้งอแบ เก พลี้ง ทู เท่อ ดี๊ ทแบกแช่แยว้อซ้ะ เก นางทู แซ ฌ้อง มื่งแซ ม กว้ะไฆวะ ท กไบล้ะกแบล, พี่ เก ทล่าง ทุ้กดื้ง ซ้ะ ดี๊ ที๊ง ม แยว้ล้าง ล้างพะ ทล่าง ทุ้กดื้ง ซ้ะ”

อีซยา 28:17 교차 참조

2​กจุ้แฆว้ 21:13

จ ม ทูดุ้ เว่ง เยรูซเลง ดี๊ พลี้ง ล บ้อง ฆ่าง, พี่ จ ทูดุ้ เว่ง ซมาเรีย, ดี๊ จ ม เจ่ นางทูแซ พลี้ง ล บ้อง ฆ่าง, พี่ จ ทูดุ้ อาฮะ อชื้ออชะ, ดี๊ จ ม อางซฌ้ะไฆวะ เยรูซเลง, แบด้องซุ้ โพล้ง อางซฌ้ะ เจเล, เมะเว๊ ซฌ้ะ ฌ้อง คลึล้าง เว๊

โยบา 22:16

อ ซื๊งเว๊ ลแพ นอ, แบ ทซไบล้ะนี่-อ้ะ ลู่ง ล คลึ้ ท้อง อช๊าอโท่ อางกีล้าง เว้ นอ ได้ะ แบ อ เว๊ อฌี่งอเฌ้ คางไท้ะ แบ ทกว้ะล้างไฆวะ-อ้ะ ลู่ง ที๊งกล้อง พ้า

ทอางปฆ้า 94:15

เมะเว๊ ทอเกิ้งอแบ นอ, ม ไท้ฌูงไท้ ทแบกแช่แยว้อซ้ะ ดี๊ โพล้ง เซิงโต้ซ้ะโต้ กุ้แฌ้, ม ลี้โพะ อ ไค๊

อีซยา 10:22

อีซลาเอง-เอ้อ, อไฌ่บี่อี้ง ทึเมะ โพล้ง ล ชื้อ ฆ่าง ดี๊ แน้ ม เก ด้องซุ้ มิ้ ลู่ง ปางเล พ้า ฌี้ นอ, โพล้ง พี่ โอ ล้างลื๊อ ก้ะ นอ ล้อ ม เฌ๊ไท้, ทแม้ เฌ๊ฌ้อง นอ, แบ ท อางกีล้าง ดี๊ ทแบกแช่แยว้อซ้ะ ลู่ง อล๊าอฆวี้ เย้า

อีซยา 25:4

เมะเว๊ กแช่แยว้ เก ทล่าง ด้างทะ ทอ้าทซ๊าง ลู่ง โพล้งซยางโพล้งน้ะ อ ฌ่าง เก ทล่าง ด้างทะ ทอ้าทซ๊าง ลู่ง โพล้ง ลกู้งล๊า แบ อ ฌ่าง, พี่ อ เว๊ ทน้ะ แบ อ ซ้ะ เก ทล่าง ทุ้ กดื้ง ซ้ะ ลี้งเฌ๊ พ้ะดู, ดี๊ เก ทซยืง ด้างทะ ทคู่ เมะเว๊ โพล้ง พี่ อ แม้ชองแม้จุ้ เท่อ อ ทแม้อ้าแม้ซ๊าง นอ, บี่ซุ้ดี๊ ลี้งเฌ๊ พ้ะดู อูงเท้า กางแป

อีซยา 28:15

เมะเว๊ น ซื๊ง ไคล้ บี่อี้ง, “ก นี่ แม้ ทเอิ้งล้าง ดี๊ ทซี๊ง เย้า ดี๊ ก นี่ แม้ ทเอิ้งล้าง โละซ้ะ ดี๊ พลื่งค่าง ท่อง ทอ้าทน้ะ เฌ๊ แยว้ล้าง นอ ม ล เฌ๊ท้อง เฆ้อ แบ เมะเว๊ ก แม้ เกม๊า ท กไบล้ะกแบล เก ก ทล่าง ทุ้กดื้ง ซ้ะ ดี๊ ก แบ ท กดื้งทะ ดี๊ ท คีงอูง”

อีซยา 28:2

อี้งเซ้อ, ทอดูทึโท๊ทึ กแช่ อ โพล้ง โอ ล แฌ้ พี่ โอ ดี๊ อไฌ่อแบ้ ดี๊ อชองอไคล๊ บี่ซุ้ดี๊ ลี้ง มื่งแซ, บี่ซุ้ดี๊ ลี้งเฌ๊ พ้ะดู ลู่ง อ แม้เฌ๊ฌ้อง เท่อ บี่ซุ้ดี๊ ลี้งเฌ๊ ทเฌ๊ช้า พ้ะดู พี่ อ แยว้ล้าง พี่ ม เว่งว๊าง เท่อ ดี๊ อ จูง, เกม๊า ล้าง ท้อง ฌางคู

อีซยา 30:18

อกย้องบี่นอ, กแช่ยาเว โอคุ้แท๊ พี่ ม ย๊างซ้ะ แน้ อกย้องบี่นอ, กแช่แยว้ ม เฌ้เทิงทาง บี่ซุ้ ย๊างซ้ะ น ซื๊ง เมะเว๊ กแช่ยาเว เก กแช่แยว้ พี่ อเกิ้งอแบ โพล้ง กุ้แฌ้ พี่ โอคุ้แท๊ กแช่แยว้ นอ, โอมึโอพ้า

อีซยา 30:28

กแช่แยว้ อ ลี้ง แซทางแซล้าง บี่ซุ้ดี๊ ที๊งกล้อง พู พี่ กลึ้ไบ้ะ เท่อ ล้างอวีงล้างพะ พี่ กลึ้ไบ้ะ เท่อ พ้ะโท๊ ท้อง โคะบ้อง บี่ซุ้ ม ฌื่ง กเย่ โพล้ง กุ้ชื้อกุ้ชะ, ดี๊ ทฆี ฌื่ง เท่อ ลู่ง ทแม้ เฌ๊ฌ้อง พ้า ดี๊ ม ท๊างทาง กื่อ ลู่ง โพล้ง กุ้ชื้อกุ้ชะ ลแพ นอ, อ แคฆีง, บี่ซุ้ ลี้ฌ้า เว๊

อีซยา 32:2

ดี๊ โพล้ง ล แฌ้ ม เก บี่ซุ้ดี๊ ทล่าง ทุ้ กดื้ง ซ้ะ ลี้งเฌ๊ ชอง บี่ซุ้ดี๊ ทล่าง ด้างทะ ลี้ง ทเฌ๊ช้า บี่ซุ้ดี๊ ที๊งกล้อง พู ลแพ นอ, ลู่ง ทล่าง แพะคูทเคแกล้ บี่ซุ้ดี๊ โล่ง พ้ะดู อ กดื้งแล้ ซยืง, ลู่ง ที๊งล่างค่างพ้า พี่ อ ซู๊งไฆ๊

อีซยา 5:16

แบเด้าะ กแช่ยาเว ซึ้คู ดูทึชองทึ, ม นี่แบ ท อางปฆ้า ทาง ดี๊ ท อเกิ้งอแบ ดี๊ กแช่แยว้ พี่ อฌี้อแอว้ เนโพลทาง ทฌี้ทแอว้ ดี๊ ทแบกแช่แยว้อซ้ะ

อีซยา 61:8

เมะเว๊ เฆ้อ, ยาเว เอ ท อเกิ้งอแบ ก แช๊เมะ ดี๊ ท ตมละตเช, ดี๊ ทอ้าทซ๊าง ก ม เกม๊า อ ซื๊งเว๊ อ จูงเล้งคางเล๊ ลู่ง อเกิ้งอด้าง ดี๊ ก ม แม้ ทเอิ้งล้าง ล้างชู้ล้างแกย ดี๊ อ เว๊

เยเรมี 19:7

ดี๊ ลู่ง ทล่าง พ้า อี้ง นอ, ก ม ดึ้ เกม๊า ยูดา ดี๊ เยรูซเลง อ ท ช๊องมองเว้ทแม้ ล้างแม่ไฆวะ, ดี๊ ม ดึ้ เกม๊า อ เว๊ คี๊ง มู๊ง นอ, ล้างเทะเค้า ดี๊ น้ะ ลู่ง อ ซื๊งเว๊ อดีงอแด้ อ เมะแซ พ้า, ดี๊ กเย่ โพล้ง พี่ อางฆื๊ง แม้ซี๊ง-อ้ะ นอ อ จูง, ก ม เกม๊า อ ซื๊งเว๊ อ จู เก ทู ลู่ง ท พุ้พ๊าง ดี๊ ทพูแฆ่ ลู่ง ฌางคูโคล๊งคู อ ทอาง

เยเรมี 23:19

อี้งเซ้อ, กแช่ยาเว อ ลี้ง เมะเว๊ อ ท ซ้ะทาง พ้ะดู นี่ ไจทาง เย้า เก ลี้ง ว้างไร้ะ ชองโฆะ อ ม ว้างไร้ะ ลู่ง โพล้งอ้าโพล้งซ๊าง อ คูด้าง

เยเรมี 7:14

ทบี่นอ, ก ม แม้ เอะ ก ล่างโอ อี้ง, พี่ ก กุ้-อ้ะ บี่ซุ้ดี๊ กเม้งกแซ, ดี๊ พี่ น ซื๊ง นี่ อางกีล้าง ซ้ะ นอ, ดี๊ แม้ เอะ ทล่าง พี่ ก นี่ เกล๊าง เอะ แน้, ดี๊ น พี๊งชู้พู๊งชู้ ลู่ง แย๊ อู้ง, บี่ซุ้ดี๊ ก นี่ แม้ เอะ ชิ้โล

เยเรมี 7:20

ทบี่นอ, ทอดูทึโท๊ทึกแช่ยาเว ไจ้ะเว๊ บี่อี้ง, อี้งเซ้อ, ก ท เอ้งไน๊, ดี๊ ก ท ซ้ะทาง, ม ลู๊งล้าง อ ซ้ะ ลู่ง ทล่าง คู อี้ง, ลู่ง กโพล้ง อ ล้อง ดี๊ ทพูแฆ่ อ ล้อง, ลู่ง เซง ล้อง ทเคแกล้, ดี๊ ลู่ง ที๊งล่างค่างพ้า อ ทดุ้ทแล ทซูงทแซ ล้อง, ม เช้าไฆวะ เว๊, ดี๊ ม แม้ ล้างไพะ ล ซี แบ”

เอเซเคียง 38:22

ก ม ต้ะเซ๊ง แม้เตาแม้แต๊-อ้ะ ดี๊ ทแช๊ แบฌะ, ดี๊ ท ซวีง ล้าง, ก ม เกม๊า ทเฌ๊ช้า พ้ะดู, มื่งแซ คู่ลอง, มี ดี๊ มีอ้าแพลแช๊ อี, แบ ท ลู๊งล้าง ดุ้-อ้ะ ดี๊ อ ซึ้พูมู๊ง, เลา ดี๊ โพล้ง อ ชื้อ แอฌี่งแอฌ้อง พี่ โอ ดี๊-อ้ะ นอ

ดานีเอง 11:22

ซึ้พูมู๊ง ลแพ นอ, ม แบ ท พองนี่ เลาพะ เกม๊า พ้องไฆวะ ดี๊ อ เมะ, ดี๊ แบ ทแม้ เฌ๊ฌ้อง, แบเด้าะ โพล้งลื่งเท่ออคูดูทึ นอ, ม แบ ทแม้ เฌ๊ฌ้อง ปะ

นาฮูง 1:8

ลู่ง ที๊งดูล้างซยึ้ อกย้อง นอ, กแช่แยว้ ม แม้เฌ๊ฌ้อง อดีงอแด้ เกม๊า อ ล้างบลิ้ล้างเนาไฆวะ ดี๊ ม โฌ๊ไจไฆวะ อดีงอแด้, นึฆ้าง ลู่ง ทไค้ะซ๊า พ้า

ม้ะทู 7:27

ท เฌ๊ช้า ล้าง, ที๊ง ดู ล้าง, ท แม้ อ้า พ้ะดู อ ซ้ะ แบ เด้า, เด้า นอ ล้างฆ่อง เลา ปะ, เท่อ พี่ อ ล้างฆ่อง นอ ร้ะ มะ ล้อ”

โรมา 2:2

ก ซีงแฌ๊ กแช่ แยว้ แม้ เท่อ ลู่ง อ เกิ้ง อ แบ, พี่ อ ต้ะเซ๊ง โพล้ง ลู่ง อ แม้ ท ล แพ อี้ง

โรมา 2:5

แบเด้าะ น แน่ ตาง ล ญ่อง เปลง ไท้ ซ้ะ แบ, ท บี่ นอ, น อางกี ซยอง น เตา น แต๊ แอ ทาง, ท้อง ล นี้ง แย๊ กแช่ แยว้ ม แม้ เตา แม้ แต๊ เท่อ, ดี๊ ม เนโพล ทาง อ ท ต้ะเซ๊ง ลู่ง อ เกิ้ง อ แบ ล้างที๊ง ล้างช้ะ

โรมา 9:28

อ ไฌ่ บี่ อี้ง กแช่ แยว้ ม ไคล้ ล้าง โพล้ง ฌางคู โคล๊ง คู อ เตา อ แต๊ เพลๆ, ล พ๊า ล้อ”

โยชูวา 10:11

พี่ ล โท้ แย๊ อ ซื๊งเว๊, ซยู๊ไฆวะ ลู่ง โพล้ง อีซลาเอง อ เมะแย๊ ลี้ เกล้ เบโฮโรง นอ, กแช่ยาเว ไควะล้าง โล่ง พ้ะดู โอ ลู่ง มุ้คู, ล้างเทะ ซี๊ง แบ อ ซื๊งเว๊ ทึ เกล้ ท้อง ลู่ง เว่ง อาเซคา, อ ซื๊งเว๊ซีง ซี๊ง, โพล้ง พี่ อ ซี๊งนี่ ดี๊ มื่ง แซ ล้างเทะแบ-อ้ะ นอ, แอเละ โพล้ง พี่ โพล้ง อีซลาเอง แม้ซี๊ง-อ้ะ ดี๊ น้ะ นอ ได้ะ

ท​เน​โพล​ทาง 11:19

ฌ้อง กแช่ แยว้ อ เว่งฮ๊าง ลู่ง ท มุ้คู แบ ท อุ้พ้ะ ทาง-อ้ะ, จ แด ไฮะ กแช่ แยว้ อ ท เอิ้งล้าง โอ พี่ นอ, ฌ้อง ล๊าง พล้ะ เท่อ ดี๊ ล๊าง เซ๊, เซ๊ ล้างว้าง ล้างซวาง, ฌางคู ว้ะ, ดี๊ มื่ง แซ ล้าง น้ะ มะ ล้อ

ท​เน​โพล​ทาง 16:21

มื่ง แซ ล้างเทะ แบ โพล้ง, มื่ง แซ ล โพลงๆ, นอ ฆ๊า ลี่ง ชี๊ง เย่ กีโล, โพล้ง ชู อ้า แบ กแช่ แยว้ เป๊งนี่ อ แบ แบ ท น้ะ ท โน๊ง ลู่ง มื่ง แซ ล้าง อ กย้อง, เมะ เว๊ ท แม้ อ้า แม้ ซ๊าง ล พ๊า อี้ง น้ะ เต้ๆ

ท​เน​โพล​ทาง 19:2

อ ไฌ่ บี่ อี้ง กแช่ แยว้ อ ท ต้ะเซ๊ง นอ, เมะ ท อ เกิ้ง อ แบ ดี๊ อ โต้ อ ล้อง ล้อ, อ เว๊ ไคล้ ล้าง กมืง เอโบ้งเอพะเท่อ อ้า ทึ ล แฌ้ นอ อ เตา อ แต๊, พี่ อ เกม๊า โพล้ง ฌางคู โคล๊ง คู อี้ง แม้ ฆึ ท อ้า ท ซ๊าง ดี๊-อ้ะ, ลู่ง อ เว๊ อ ท แม้ กแม มืง กแม แคว๊, กแช่ แยว้ แม้ เตา แม้ แต๊ กมืง ล แฌ้ นอ, เป๊งนี่ อ เว๊ แม้ ซี๊ง กแช่ แยว้ อ เพล่ อ บาง”

ท​เน​โพล​ทาง 8:7

ท่อง ท มุ้คู พู อ ต้องคู ล แฌ้ อูง ทาง ควี้ ฌ้อง, มื่ง แซ ดี๊ มี นอ แกย้ ฆึ อ ซ้ะ ดี๊ ท ซวีง แบ ท ไควะ ล้าง-อ้ะ ลู่ง ฌางคู คู, ฌางคู โคล๊ง คู เค้ ทาง, ซ๊า โป้ง นอ มี อาง ไฆวะ-อ้ะ ล โป้ง ดี๊ เซง ซ๊า โป้ง มี อาง ไฆวะ-อ้ะ ล โป้ง, นาง พี่ อ แล๊แค๊ นอ มี อาง ไฆวะ-อ้ะ เลา ปะ