อีซยา 28:1 - Northern Pwo Karen Thai Bible

¹ ทเซงทื่งเฌ๊ฌ้อง แบ โพล้ง ม้า เท่อ ชอง ลู่ง เอฟาอีง ซีง ลแพ, อ คูคล้าง พี่ ทื่งดู ล้างซ้ะ ดี๊ ทเซงทื่งเฌ๊ฌ้อง แบ อ ทโพ๊ ลู่ง อฌี้อแอว้ ดี๊ อฆี๊งอแล้ พี่ อ ดี้งล้างไฆวะ พี่ โอ ทลู่ง อ จ้องคู ลู่ง ทแด้ พ้า อกู้งอล๊า, พี่ ล้างเคลิ่ง ดี๊ ไซ้ะ ซไบ้ะแซ ที๊ง

อีซยา 28:1 교차 참조

2​กจุ้แฆว้ 15:29

ลู่ง เปคา กจุ้แฆว้ ค่าง อีซลาเอง อ ชู้ แค๊ นอ, ทีละปีเลเซอ กจุ้แฆว้ ค่าง อะซีเรีย เฌ๊ ดึ้นี่ก้ะ เว่ง อีโยง อาเบงเบมาอาคา, ยาโนอา, คาเดะ, ฮาโซะ, กีเลอา, กาลิ้ลี, ที๊งล่างค่างพ้า นาทาลี เลาพะ, ดี๊ พองนี่ โพล้งเฌงพูฆ๊างพู, ลี้ เก ทอฆ่อง ลู่ง อะซีเรีย พ้า

2ทกวิ้ไน 28:6

เมะเว๊ เรมาลียา อ พู เปคา นอ, แม้ซี๊ง โพล้ง ล ล้าง คี๊ง ไซ แฌ้, ลู่ง ค่าง ยูดา พ้า นอ ล นี้ง ฆ่าง, โพล้ง ลแพ อี้ง นอ อ เก ซึ้พู ลู่ง อ ซ้ะน้า กุ้ แฌ้, เป๊งนี่ อ ซื๊งเว๊ ญ๊องไฆวะ กแช่ยาเว, เมะเว๊ อ พี๊ง อ พู๊ง ลู่ง แย๊ อ กแช่แยว้

ทอางด้อง 23:29

โพล้งเล้ พี่ อ กุ้ เอว๊?, โพล้งเล้ พี่ อ กุ้ เอว้? โพล้งเล้ พี่ โอ ดี๊ ท ติ้โละไอโละ?, โพล้งเล้ พี่ อ เอ้งไฌ้ เท่อ ปรื้งๆ? โพล้งเล้ โอ ดี๊ พ้าล่างพ้าเกล้ พี่ ล จ๊างเป๊ง แบ? โพล้งเล้ พี่ โอ ดี๊ เมะคลี๊ง โฌ้จีลี?

อีซยา 28:7

อ ซื๊งเว๊ ล แพ อี้ง, ว้างมื่งว้างไร้ะไฆวะ ดี๊ ไซ้ะ ซไบ้ะแซ ที๊ง บี่ซุ้ โละซ้ะ ปะ ดี๊ เด้งเค๊งแดฆ้าง ดี๊ ไซ้ะที๊งมี่จ้าง โพล้งลื่งเท่ออคู ดี๊ โมไคล้คิ้กแช่แยว้ นอ, ว้างไร้ะว้างพาง ดี๊ ไซ้ะที๊งมี่จ้าง อ ซื๊งเว๊ ลแพ นอ, คูเยิ้งแน่เยิ้ง ดี๊ ไซ้ะ ซไบ้ะแซ ที๊ง อ เว๊ เด้งเค๊งแดฆ้าง ดี๊ ไซ้ะที๊งมี่จ้าง อ ซื๊งเว๊ แด ท แด เว้ ลเมะลโต้ แบ อ เว๊ บึ้ทะ ลู่ง ท ต้ะเซ๊ง พ้า

อีซยา 5:11

ท เซงทื่งเฌ๊ฌ้อง แบ โพล้ง ลแพ นอ, พี่ เฌ้เทิงทาง ลู่ง โฌ้ ล้างคึ บี่ซุ้ ลี้ ซยู๊ ฌูง ไซ้ะ ดี๊ โพล้ง พี่ โอ ท้อง ทไค้ะทแน้ ลแพ นอ ฌ้อง ไซ้ะ ซไบ้ะแซ ที๊ง, ดึ้ เกม๊า อ เว๊ ม้า เท่อ ล้างเท้าล้างเย้

อีซยา 5:22

ท เซงทื่งเฌ๊ฌ้อง แบ โพล้ง ลแพ นอ, พี่ เก โพล้ง เซิงน้าซ้ะน้า ลู่ง ท โอ้ ไซ้ะ ซไบ้ะแซ ที๊ง ดี๊ เก โพล้ง แม้ เท่อ เบิง ลู่ง ท แพ๊ซยอง ไซ้ะ

อีซยา 8:4

เมะเว๊ ซลื๊อ พืงแซ นอ ม ซีงแฌ๊ กุ้ เท่อ, ‘มู่ แพ่’, ซี นอ, ดามากา อคองอแซย้, ดี๊ เท่อ พี่ ลู่นี่ก้ะ-อ้ะ ลู่ง ซามารียา นอ ม แบ ท ไท้โชะ ลู่ง อะซีเรีย อ กจุ้แฆว้ อ เมะแซ พ้า”

อีซยา 9:11

กแช่ยาเว แม้ช้า เรซีง อดีงอแด้ เฌ๊ ดึ้ อ ซื๊งเว๊ ลแพ นอ ดี๊ ไคล้ ชองทาง อดีงอแด้ อ ซ้ะ

อีซยา 9:8

ทอดูทึโท๊ทึ กแช่ เจ่ อลู่งอแท๊ ลี้ ดึ้ ยาคุ้ ดี๊ ม ล้างเทะ แบ โพล้ง อีซลาเอง

อีซยา 9:9

ดี๊ โพล้ง เฌงพูฆ๊างพู เลาพะ ม ซีงแฌ๊ อไฌ่อกย้อง เมะเว๊ เอฟาอีง ดี๊ โพล้ง ซมาเรีย พี่ อ ไคล้ ดี๊ ท ชีอูงพู๊ ล้าง ซ้ะ ดี๊ อ ซ้ะ ชองโฆะ บี่อี้ง

โฮเชยา 4:11

ไซ้ะ ซไบ้ะแซ ที๊ง อ ล่างลี้ง, ดี๊ ไซ้ะ ซไบ้ะแซ ที๊ง อ ซ๊าง ย้ะโละ นี่ ก้ะ ท แนซีโน้งซี

โฮเชยา 5:5

อีซลาเอง อ ท ทื่งดู ล้างซ้ะ นอ, โพลทาง เก พีงญาง ลู่ง อ เมะแซ พ้า เย้า อีซลาเอง ดี๊ เอฟาอีง ม แบท้า ลู่ง อ กแช่ อ ทไพ้ะทแม พ้า ยูดา นอ แบท้า ลี้ ดี๊ อ ซื๊งเว๊ ซีง ลแพ ปะ

โฮเชยา 5:9

ลู่ง มื่งนี้ง พี่ แม้เตาแม้แต๊ เท่อ นอ เอฟาอีง ม โอโปล้ ก้ะ ก โล้ล้าง ท พี่ อเมะอโต้ ลู่ง อีซลาเอง อ ชื้อ ล ชื้อ แบ ล ชื้อ อซุ้อแกล้ พ้า

โฮเชยา 6:10

ก แด ท ล้าง แช๊เมะไฌ๊ซ้ะ, ท ล้าง ซ้ะเมซ้ะไพล้ ลู่ง อีซลาเอง อ เด้กแช่แยว้อล่างโอ พ้า เอฟาอีง อ ท โละกวี้ เอโบ้งเอพะ เท่อ โอ พี่ นอ, อีซลาเอง แม้ แบอ้า ล้าง อ ซ้ะ

โฮเชยา 7:5

ลู่ง ก กจุ้แฆว้ อ มื่งนี้ง แม้มึอางอวีง นอ, ท อคูอแน่ ช๊องไก้มี๊งน้าง ดี๊ ไซ้ะ ซไบ้ะแซ ที๊ง อ จืง กจุ้แฆว้ นึซยอง ซกุ้ โละซ้ะ ดี๊ โพล้ง พี่ อ เอ ทไคล้ ไฌ๊ซ้ะ ลแพ นอ

เลวี​อ​ไฌ่ 26:19

ก ม แม้ เฌ๊ฌ้องไฆวะ น ท อางกี ดู ซ้ะ, นไฌ่นแบ้ อดู้งอยาง พ้า, ก ม ดึ้ เกม๊า น ทมุ้คู นอ, บี่ซุ้ดี๊ ท้ะ, ดี๊ น ฌางคู นอ, บี่ซุ้ดี๊ ท่องบ้าง

อาโม 2:12

“แบเด้าะ น ซื๊งเว๊ ซีง ลแพ, ดึ้ เกม๊า โพล้ง นาซี ลแพ นอ, โอ้ ไซ้ะ ซไบ้ะแซ ที๊ง ดี๊ อางแบเลา โมไคล้คิ้กแช่แยว้ ลแพ นอ บี่อี้ง, ‘น ล แบ โล้ล้าง กแช่แยว้ อลู่งอแท๊ แบ เฆาะ’

อาโม 2:8

อ ซื๊งเว๊ มี๊งน้าง ทลื่งล่าง ฌ๊างไท้ะ กุ้จอง โอ ไช๊ช้าง คู พี่ อ แม้นี่ก้ะ เว๊ เก ท อางกีล้างทะ ดี๊ ลู่ง อ กแช่แยว้อล่างโอ พ้า โอ ดี๊ ท โอ้ ไซ้ะ ซไบ้ะแซ ที๊ง, พี่ แม้นี่ เว๊ ดี๊ โพล้ง พี่ อ ซื๊งเว๊ อางลุ้อาง เว๊ นอ

อาโม 4:1

งู้ มื้งแซย่ ลู่ง เว่ง บาชาง ลแพ ซีง-เอ้อ, เกม๊า คุ้ช๊องแน ทไคล้ อี้ง ไช้ะ เมะเว๊ โพล้ง พี่ โอ ทลู่ง ซมาเรีย คู โพล้ง พี่ แคแนแคแก้ โพล้ง ซยาง, ดี๊ ไน้ะเน้า โพล้ง ลกู้งลล๊า แบ โพล้ง พี่ โล้ เอะ อ แว้ ไจ้ะเว๊, “เฌ๊โชะ-เซ้อ, ก ม นี่ โอ้ เท่อ”

อาโม 6:1

“ท เซงทื่งเฌ๊ฌ้อง แบ โพล้ง, พี่ โอโบโอโย๊ ลู่ง ซีโยง พ้า ดี๊ แบ โพล้ง พี่ อางกีล้าง อ ซ้ะ ลู่ง ทลู่ง ซมาเรีย พ้า เมะเว๊ โพล้ง พี่ โอ ดี๊ อ เม้งลื้อแซท้อง ฌี้ ทึ, ลู่ง โพล้ง กุ้ชื้อกุ้ชะ โพล้ง พี่ อีซลาเอง อชื้ออชะ เฌ๊ฌูง เว๊ นอ ล้อ

อาโม 6:4

“ท เซงทื่งเฌ๊ฌ้อง แบ โพล้ง พี่ อ มี๊งน้าง ล่างมี๊ง กช๊างเม คู ดี๊ โพล้ง พี่ จองเละ อ ซ้ะ โอ ลู่ง คะ มี๊งน้าง คู ดี๊ อาง แกะพู พี่ นี่ แบ ลู่ง แกะ น๊างมู๊ง พ้า ดี๊ งู้พู ลู่ง งู้ อ ร้อง พ้า

อาโม 6:6

โพล้ง พี่ เจ่ โท๊กีง ควี้งล้าง โอ้ ไซ้ะ ซไบ้ะแซ ที๊ง ดี๊ เท้าล้าง อล้องอย่าง ดี๊ ทซู ลู่ง อ ฌี้ ทึ แบเด้าะ ล เมะมองแน๊อึ้ ลู่ง โยซิ้ อ ท เซงทื่งเฌ๊ฌ้อง อไฌ่อ กย้อง พ้า แบ

อาโม 6:8

ทอดูทึโท๊ทึกแช่ยาเว, นี่ เอิ้งล้าง เท่อ แด กแช่ เว๊ บี่อี้ง (กแช่ยาเว กแช่แยว้ ซึ้คู ดูทึชองทึ ไจ้ะเว๊) “ก ซ้ะลูซ้ะไล้ะ ยาคุ้ อ ท ทื่งดูล้างซ้ะ ดี๊ ก แช๊เมะไฌ๊ซ้ะ ดี๊ อ ทล่างแคว่จู้เท่อ ลแพ นอ ก ม อางกีล้าง เว่ง นอ, ดี๊ ท กุ้เม้งกุ้เจ้ง พี่ โอ ลู่ง เว่ง พ้า นอ เอะ อดีงอแด้”