28 ล เนง แย๊ พี่ กจุ้แฆว้ อาฮ้ะ ซี๊ง นอ ทไคล้ พี่ อ ชอง อี้ง เฌ๊ เว๊ บี่อี้ง
อาฮ้ะ ซี๊ง ไท้ โอ ดี๊ อ พี๊ง อ พู๊ง ลู่ง แย๊ ดี๊ แบ ทเคิงล้างบ้าฆึ-อ้ะ ดี๊ อ พี๊ง อ พู๊ง ลู่ง แย๊, ลู่ง เว่ง ดาเว พ้า, ฌ้อง อ พูแคว๊ เฮเซคียา ทาง โพะคอง เท่อ เท่งก้ะ อ ล่าง นอ ล้อ
อ เว๊ ไต้ทางนี่ ทล่างซยื๊งซย้องพ้ะโท๊, ลู่ง ยูดา อ เว่ง พ้า กุ้ อ เว่ง, บี่ซุ้ ม เช้า ทน๊าม๊า เทว๊ เอะ ทกโช้งกแช่ อ แฌ้แพ, อ นอ ดึ้ เกม๊า กแช่ยาเว, เมะเว๊ อ พี๊ง อ พู๊ง ลู่ง แย๊ อ กแช่แยว้ นอ อ ซ้ะทาง
ฌ้อง อาฮ้ะ ซี๊ง ไท้ โอ ดี๊ อ พี๊ง อ พู๊ง ลู่ง แย๊, โพล้ง เคิงล้างบ้า เว๊ อ จู ลู่ง เว่ง พ้า, เมะเว๊ เว่ง เยรูซเลง, แบเด้าะ โพล้ง ล นี่ ลี้ โชะ เว๊ อ จู ลู่ง อีซลาเอง อ กจุ้แฆว้ อ ทพ้า แบ, ดี๊ อ พูแคว๊ เฮเซคียา ทาง โพะคอง เท่งก้ะ อ ล่าง นอ ล้อ
ทไคล้ พี่ อ ชอง แบฆ้ะ ดี๊ บาบีโลง บี่ซุ้ดี๊ อามอ อ พูแคว๊ อีซยา แด แบ เว๊
ล เนง แย๊ พี่ กจุ้แฆว้ อูซียา ซี๊ง นอ จ แด ทอดูทึโท๊ทึ กแช่ ชี๊น้าง ลู่ง ทล่าง ชี๊น้าง พี่ อ ดู อ โท๊ คู, ดี๊ นี่แบ ทอางปฆ้า ทาง, ดี๊ อ ไช๊ คางไท้ะ ฆวี้ทะ เว่งฮ๊าง พ้า
ทอดูทึโท๊ทึกแช่ยาเว ไจ้ะเว๊ บี่อี้ง, “เป๊งนี่ โพล้ง ฟีลีเตีย นี่ แม้แกไท้ เท่อ, ดี๊ แม้แกไท้ เท่อ ดี๊ ท แบซ้ะ ลู่ง ออ้าอซ๊าง, แบซ้ะ แม้ เฌ๊ฌ้องไฆวะ ดีงแด้ ล่างลี้ง
เว่ง อะเคโลง ม แด ดี๊ ซ้ะเม เว๊ เว่ง กาซา ม แด เว๊ ดี๊ ว้ะโทะ เทาทื้ง ดูมะ เว่ง เอโครง ปะ ล้อ, เป๊งนี่ เว่ง อี้ง อ ทมื้งแล่ ม เลาไฆวะ กจุ้แฆว้ ม ซี๊งแดไฆวะ เว่ง กาซา โพล้ง ม ล โอ เปิ่งโอเปิ่งช๊อง เว่ง อะเคโลง พ้า น่างแฌ้ แบ
