โฮเชยา 8:10 - Northern Pwo Karen Thai Bible

¹⁰ ทึเมะ อ เว๊ อางเล้ง ทาง โพล้ง กุ้ชื้อกุ้ชะ เก อ ฌุ้พาง เท่งซ้ะ ฌี้ นอ ล ไยะ แบ, ก ม กึ้ซยอง-อ้ะ อ เว๊ ล้างแซย้ ทาง ลู่ง กจุ้แฆว้ ท อคูอแน่ ซีง ลแพ อ ทอวีงทยุ้

โฮเชยา 8:10 교차 참조

2​กจุ้แฆว้ 14:26

กแช่ยาเว แด เว๊ โพล้ง อีซลาเอง อ ทน้ะเซิงน้ะซ้ะ นอ, อ ซ้ะเฌ๊ฌ้องน้ะ มะ, เมะเว๊ โพล้ง ล ล้างลื๊อ น่าง แฌ้ ล้า แบ, ทอฆ่อง ฌี้ ล เมะ ทอฆ่อง แบ ฌี้, โพล้ง แม้ช้า โพล้ง อีซลาเอง ล โอ น่าง แฌ้ แบ

2​กจุ้แฆว้ 17:3

แซมาเนเซอ กจุ้แฆว้ ค่าง อะซีเรีย, เฌ๊ ดึ้ซึ้ โละซ้ะ ดี๊-อ้ะ, ฌ้อง โฮเชยา ญ่อง โอ เว๊ อดู้งอยาง พ้า, ดี๊ โซ๊ง ทแบเกล๊าง เอะ เว๊

2​กจุ้แฆว้ 17:4

แบเด้าะ กจุ้แฆว้ ค่าง อะซีเรีย, แด เว๊ โฮเชยา กไบล้ะ ดี๊-อ้ะ, เมะเว๊ โฮเชยา เจ่ทาง โพล้งไคล้เดิง เท่อ, ลี้ โอ โซ่ กจุ้แฆว้ ค่าง อีไย้ะ, ดี๊ ล ญ่อง โซ๊ง ทแบเกล๊าง เอะ กจุ้แฆว้ ค่าง อะซีเรีย, บี่ซุ้ อ แม้ เว๊ กุ้ เนงๆ, นอ ล้าแบ, อ กย้อง บี่นอ, กจุ้แฆว้ ค่าง อะซีเรีย เด้าทะ-อ้ะ, ดี๊ ซุ้ทะ เว๊ ลู่ง พ้อง พ้า

1​ทกวิ้ไน 5:26

อ กย้อง บี่นอ, โพล้ง อีซลาเอง อ กแช่แยว้ แม้ ชอง ปูลา กจุ้แฆว้ ค่าง อะซีเรีย อ ซ้ะ, เมะเว๊ ทีละปีเลเซอ อ ซ้ะ กจุ้แฆว้ ค่าง อะซีเรีย, ดี๊ อ เว๊ พองนี่-อ้ะ ลี้ เก ทอฆ่อง, อ นอ เมะเว๊ โพล้ง รูเบง, โพล้ง กะ, ดี๊ โพล้ง มานาเซ พุ้พ๊าง ชื้อ นอ, ดี๊ ลี้ ฌ้า อ ซื๊งเว๊ นึฆ้าง ลู่ง ฮาลา, ฮาโบ, ฮารา, ดี๊ ที๊ง เว่ง โกซาง กล้อง ท้อง กุ้ นี้งๆ, อี้ง ล้อ

อีซยา 10:8

เมะเว๊ อ เว๊ ไคล้ บี่อี้ง “จ โพล้ง ทอคูดู ลแพ นอ, เก กจุ้แฆว้ เลาพะ ล เมะแบ-อ้า?

อีซยา 30:2

กเย่ โพล้ง ลี้ ลู่ง อีไย้ะ พี่ ล นี่ อางโกอางจ้ะ เท่อ ดี๊ เฆ้อ แบ บี่ซุ้ ม ลี้ โอคุ้ซูง, ลู่ง ฟาโร อ ท ยู่ทะแคว่ทะ พ้า ดี๊ ม อางฆื๊ง ทล่าง ทุ้ กดื้ง ซ้ะ, ลู่ง อีไย้ะ อ กดื้งแล้ ซยืง พ้า

อีซยา 36:13

ฌ้อง ร้ะชาเค ชี๊เทิงทาง, ดี๊ กุ้ซย้ะ พ้ะดู อ ลู่ง เก ยูดา อ คว่าง ไจ้ะเว๊, “เกม๊า คุ้ช๊องแน กจุ้แฆว้ ดูทึ อ ทไคล้, เมะเว๊ อะซีเรีย อ กจุ้แฆว้

เยเรมี 42:2

ดี๊ ไคล้ ดี๊ เยเรมี โมไคล้คิ้กแช่แยว้ ไจ้ะเว๊, “อวีงซ้ะชู้ คุ้ช๊องแน ก ซื๊งเว๊, ดี๊ ชูแพอางท่าง เท่อ ดี๊ กแช่ยาเว น กแช่แยว้, ลู่ง ก ซื๊งเว๊ พี่ ล้างลื๊อ โอก้ะ เลาพะ อี้ง นอ อ ฌ่าง, เมะเว๊ ก ล้างลื๊อ โอก้ะ อ แฌ้ แซย้ โฆะ ล้อ, ลู่ง อ พ้องไฆวะ นอ โอ อ แฌ้ แอฌี่งแอฌ้อง, บี่ซุ้ดี๊ น แด แบ -อ้ะ ดี๊ น เมะคลี๊ง เย้า นอ

เอเซเคียง 16:33

กแคว๊ นอ แอ ลู่ง เกล๊าง ทเกล๊างมึซ้ะ เอะ กมืง เอโบ้งเอพะ เท่อ, แบเด้าะ นี๊ แด น เกล๊าง ทฆ้าทโฆ่ เอะ โพล้ง กุ้แฌ้ พี่ น เอ-อ้ะ, เกล๊าง จี้ทไซ้ะไบ้ะนุ้, โล๊ไละ อ ซื๊งเว๊ ซีง ลแพ, เฌ๊ นี่ กุ้แพ้, ลู่ง น ท โละกวี้ เอโบ้งเอพะ เท่อ อ ฌ่าง

เอเซเคียง 16:37

อกย้องบี่นอ, แคว่เซ้อ, ก ม อางกีซยอง โพล้ง พี่ น เอ-อ้ะ, อ เก โพล้ง พี่ อ มึแบพ้าแบ แน้, เมะเว๊ กุ้แฌ้ พี่ น เอ-อ้ะ, ดี๊ กุ้แฌ้ พี่ น แช๊เมะ-อ้ะ, ก ม อางกีซยอง อ ซื๊งเว๊ เฌ๊ ดึ้ซึ้ แน้ กุ้แพ้, ดี๊ ก ม โล้ล้าง น ท โบลงโกง ลู่ง อ ซื๊งเว๊ อ เมะแซ พ้า, บี่ซุ้ อ เว๊ ม แด แบ น ท โบลงโกง โปล้ปลิ้ กุ้เม้ง

เอเซเคียง 22:20

โพล้ง อางกีซยอง จี้, ท่องบ้าง, ท้ะ, ซยะ ดี๊ เจาะ ลู่ง มีอ้า อ ล่าง ฆู่ง พลี่ง เท่อ, บี่ซุ้ อูง มี เช้า เกม๊า อ พลี่งไฆวะ บี่จะเล้ นอ, ก ม อางกีซยอง แน้ ดี๊ ก ท ซ้ะไฌ๊, ดี๊ ก ท ซ้ะทาง, ก ม พลึ้ล้าง แน้, ฌ้อง ดึ้ เกม๊า น พลี่งไฆวะ บี่ นอ ล้อ

เอเซเคียง 23:5

“โอโฮลา แม้ อ ซ้ะ เก เค๊เซ๊มืง พี่ อ เว๊ เก ก เท่อ นอ, อ เว๊ เซิงไต้ะซ้ะไต้ะ ดี๊ โพล้ง พี่ อ เอเว๊กวี้งเว๊, เมะเว๊ อะซีเรีย พี่ อ เก โพล้งดึ้ซึ้เท่อพู

เอเซเคียง 26:7

“เมะเว๊ ทอดูทึโท๊ทึกแช่ยาเว ไจ้ะเว๊ บี่อี้ง, อี้งเซ้อ, ก ม เฌ๊ฌ้า เนบูคาเนซา กจุ้แฆว้ ลู่ง บาบีโลง, พี่ อ เก กจุ้แฆว้ ดูทึ, เฌ๊นี่ ลู่ง มื่งเค๊ง เฌ๊ ลู่ง ไทระ, ล พ๊าฆ่าง ดี๊ เลาะดึ้ซึ้, ซึ้พู กซี ดี๊ ซึ้พู แอฌี่งแอฌ้อง

ดานีเอง 2:37

จ กจุ้แฆว้, กจุ้แฆว้ ดูเละโท๊เละ กจุ้แฆว้ กุ้ แฌ้, พี่ กแช่แยว้ ลู่ง มุ้คู นี่ เกล๊าง เอะ แน้ บ้างมื่ง, ท อดู้งอยางอซยื๊งอซย้องแอทึ ดี๊ ทฆี๊งทแล้

โฮเชยา 10:10

ก อางกีล้าง ซ้ะ, ม แม้เตาแม้แต๊-อ้ะ โพล้ง กุ้ชื้อกุ้ชะ ซีง ลแพ นอ, ม แพโซง โละซ้ะ ดึ้ซึ้-อ้ะ พี่ อ เว๊ แบ ทจ้าทะ, ลู่ง อ ทไพ้ะทแม คี๊งเม้ง อกย้อง นอ ล้อ

โฮเชยา 12:2

กแช่ยาเว โอบ้าโอคว่าง ดี๊ ยูดา ดี๊ ม แม้เตาแม้แต๊ ยาคุ้ บี่ซุ้ดี๊ อ ทไพ้ะทแม้ ดี๊ ม แม้แกไท้ เว๊ บี่ซุ้ดี๊ อ ทแม้ นอ ล้อ

ฮะไก 2:6

เมะเว๊ กแช่ยาเว ซึ้คู ดูทึชองทึ ไจ้ะเว๊ บี่อี้ง, ล ไยะ ล้า แบ ก ม ซยี้งโซยะ ทมุ้คู ดี๊ ฌางคูโคล๊งคู ปางเล ดี๊ ฌางคู ซู๊งโคล่ ล พ๊า เด้าะ