โฮเชยา 4:10 - Northern Pwo Karen Thai Bible

¹⁰ อ เว๊ ม อาง ม โอ้ เท่อ, แบเด้าะ ล ซีงแฌ๊ บลิ้อางบลิ้โอ้ แบ อ เว๊ ม โละกวี้ เอโบ้งเอพะ เท่อ, แบเด้าะ ซูงทางแซทาง ล แอ แบ เป๊งนี่ อ เว๊ ญ๊องไฆวะ กแช่ยาเว บี่ซุ้ ม ทูแพล่ ล้าง อ ซ้ะ โละกวี้ เอโบ้งเอพะ เท่อ

โฮเชยา 4:10 교차 참조

2ทกวิ้ไน 24:17

ท่อง เยโฮยาดา ซี๊ง พ้องไค๊ ไฆวะ เย้า นอ, กเย่ ทอดูอแซย่ ลู่ง ยูดา พ้า นอ, เฌ๊ฆ้าง ไคล้ ดี๊ กจุ้แฆว้, ฌ้อง กจุ้แฆว้, ช๊องแน อ ซื๊งเว๊ นอ ล้อ

ทอางปฆ้า 125:5

แบเด้าะ ลู่ง โพล้ง พี่ แกยฆ้าง อ ซ้ะ, อางฆื๊ง เกล้ ไกกอง อ ฌ่าง นอ กแช่ยาเว ม ลี้ฌ้า อซื๊งเว๊, ลี้ ล พ๊าฆ่าง ดี๊ โพล้ง, พี่ อ แม้ ทอ้าทซ๊าง เกม๊าเต้ ทฆู๊งทพุ้ โอ ลู่ง อีซลาเอง พ้า

ทอางปฆ้า 36:3

ทไคล้ ลู่ง อ นุ้ พ้า นอ, ออ้าอซ๊าง, ดี๊ อางโล๊ไละ เท่อ อเว๊ ล แม้ เท่อ ลู่ง อไพ่อแซย๊ ล้าแบ, ดี๊ ล แม้ ทฌี้ทแอว้ ล้าแบ

ทอางด้อง 13:25

โพล้งแบกแช่แยว้อซ้ะ อาง เท่อ บลิ้อาง แบเด้าะ โพล้งอ้าโพล้งซ๊าง อ ฌู่โพ๊ง นอ, ทอาง ลโอแบ

เยเรมี 34:15

พี่ อ โม่โฆะ ได้ะ อี้ง นอ, น นี่ เปลงไท้ ซ้ะ, ดี๊ แม้ ท พี่ อ แบเมาะ ลู่ง ก เมะแซ พ้า, พี่ กุ้แฌ้ โล้ล้าง ท พ้องพลิ้ เอะ อ ฌุ้พาง, ดี๊ น นี่ แม้ ทเอิ้งล้าง ลู่ง ก เมะแซ พ้า, ลู่ง ก ล่างโอ พ้า พี่ กุ้ เว๊ บี่ซุ้ดี๊ กเม้งกแซ นอ

เยเรมี 9:12

โพล้งเล้ เก โพล้ง โอ ดี๊ ทโกงซีมองแบ, พี่ ม แนซีโน้งซี ทไคล้ อี้ง?, ดี๊ โพล้ง ล แฌ้ ชี่-อ้า, พี่ กแช่ยาเว อ นุ้, นี่ ไคล้ ดี๊-อ้ะ, อ เว๊ โล้ล้าง ทไคล้ นอ ซี?, แบทเล้ ค่าง ล้างฆ่องล้างซว๊าง, ดี๊ ญ๊องไฆวะ โอก้ะ โปล้ปลิ้, บี่ซุ้ดี๊ แพะคูทเคแกล้, โพล้ง ล โอ ลี้แพ๊ ไท้แพ๊ เว๊ น่างแฌ้ แบ?

เอเซเคียง 18:24

แบเด้าะ พี่ โพล้งแบกแช่แยว้อซ้ะ แกยไฆวะ อ ซ้ะ ดี๊ อ ทฌี้ทแอว้, ดี๊ แม้ ทเด้บ้ะ, เลา ดี๊ แม้ ท ล้าง ซ้ะลูซ้ะไล้ะ บี่ซุ้ดี๊ โพล้งอ้าโพล้งซ๊าง นี่ แม้ เว๊ นอ, อ เว๊ ม โอม๊า โบ่?, ทฌี้ทแอว้ พี่ อ นี่ แม้ เว๊ เย้า นอ, ม ล แบ ท นางแบเย้แบ ล้า แบ, อ เว๊ ม แบ ซี๊ง, เป๊งนี่ ลู่ง อ ท กไบล้ะกแบล พี่ อ นี่ แม้ เว๊, ดี๊ ทเด้บ้ะ พี่ อ แม้ เว๊ อกย้อง ล้อ

เอเซเคียง 22:9

โอ ดี๊ โพล้ง ซี๊งเค เท่อ, บี่ซุ้ ม ดึ้ เกม๊า ทซวีง ล้าง โอ ดี๊ แน้, ลู่ง นซุ้นแกล้ นอ โอ ดี๊ โพล้ง พี่ อาง เท่อ ลู่ง ทลู่ง คู, ดี๊ นซุ้นแกล้ นอ, โอ ดี๊ โพล้ง พี่ แม้ อ ซ้ะ ซ้ะกวี้งล๊องก้อง เท่อ แอ ลู่ง ท มี๊งฆึ พ้า

โฮเชยา 4:14

พี่ น พูมืง โละกวี้ เอโบ้งเอพะ เท่อ นอ, ก ล แม้เตาแม้แต๊ แบ ดี๊ พี่ น เด แม้ กแมมืง กแมแคว๊ นอ, ก ล แม้เตาแม้แต๊ แบ เมะเว๊ กแคว๊ อ กแช่ ฌี้ นอ, แกยไฆวะ อ ซ้ะ ลี้ ดี๊ กมืง เอโบ้งเอพะ เท่อ ดี๊ เทว๊ ทพูแฆ่ ลื่งทาง เท่อ ดี๊ เค๊เซ๊มืง ลู่ง ททื๊งทนะ ท กโช้งกแช่ อ ฌ่าง ทบี่นอ, โพล้ง อ ชื้อ พี่ ล โอ ดี๊ ท แนซีโน้งซี แบ, ม เฌ๊ ท้อง ท เซงทื่งเฌ๊ฌ้อง

โฮเชยา 7:4

อ เว๊ กุ้แฌ้ เก โพล้ง แม้ กแมมืง กแมแคว๊ อ เว๊ เก บี่ซุ้ดี๊ มีอ้า อ ล่าง, ฆู่งเม๊ง ท พี่ อ คู่เล้าคู่ล๊าง พี่ ซแล้ แม้ กู ซี ล แบ แม้เค้ ดูทาง มี แบ ล โค๊ ลู่ง ท แกย้ ฌื๊งไน้ะ, ท้อง ลู่ง ฌื๊งไน้ะ พู๊ลู๊ ทาง

เลวี​อ​ไฌ่ 26:26

ท่อง ก แม้ เฌ๊ฌ้อง น ทอาง พี่ น ซื๊ง อาง ลี้ง-อ้ะ นอ, ทล่าง ฆู่ง เม๊ง เท่อ ล ช๊อง นอ, แอ เมาะ พี่ ม เกม๊า โพล้ง มืง อ แฌ้ ล ชี๊ง, อางฆู น ซื๊ง ซีง ลแพ อ กู, ฌ้อง แม้นี่ กู เค๊ง เว๊, บี่ซุ้ อางน้าง เอะ น ซื๊ง ซีง ลแพ ล น้าง, น ซื๊ง ม อาง-อ้ะ, แบเด้าะ ล บลิ้อาง แบ

มีคา 6:14

น ม อาง เท่อ, แบเด้าะ ม ล บลิ้อาง แบ ดี๊ ท ซู๊อางซ้ะ เท่อ ม โอ นซุ้นแกล้ พ้า น ม อางกี นี่ ท พี่ อ ลื่งดูฆวี้ดู, แบเด้าะ ม อางกี ค๊า-อ้ะ ล ซี แบ ทเม้งเล้ พี่ น อางกี ค๊า-อ้ะ นอ, ก ม เกล๊าง เอะ น้ะ

เซฟางยา 1:6

เลา ฆึ ดี๊ โพล้ง ลแพ นอ, พี่ แกยไฆวะไท้ อ ซ้ะ ดี๊ ท โพะ กแช่ยาเว อ ไค๊ เมะเว๊ โพล้ง ลแพ นอ, พี่ ล นี่ อางฆื๊ง กแช่ยาเว-อ้า, ล นี่ อางโกอางจ้ะ เว๊-อ้า แบ”

ฮะไก 1:6

น ซื๊ง ฆวีงล้าง เท่อ แอ, แบเด้าะ น ดิ้อางเก้าอาง แซย้, น ซื๊ง อาง เท่อ, แบเด้าะ ล บลิ้อาง น่างชุ้ แบ, น ซื๊ง โอ้ เท่อ, แบเด้าะ นอ ท ซู๊ โอ้ ซ้ะ เท่อ ล โอโท๊ แบ, น ซื๊ง ซุ้เท่อก้องเท่อ, แบเด้าะ นอ ล ล้า แบ, โพล้ง พี่ นี่แบ จูงเล้งคางเล๊ นอ, นี่แบ เว๊ เฌ๊ไท้ ชวี๊งล้าง โทง พี่ โอ ดี๊ อ ไค๊พล๊อง