7 อ ซื๊งเว๊ ลแพ นอ, ม เฌ๊ไท้ โอไท้ ลู่ง ก กดื้งแล้ อ ซยืง เช๊ละ อ เว๊ ม ดูทางโท๊ทาง บี่ซุ้ดี๊ บืง ม โพ๊ทาง บี่ซุ้ดี๊ ซไบ้ะ มื่ง ดี๊ ม โอ ดี๊ อ กลื่ง, บี่ซุ้ดี๊ ไซ้ะ ซไบ้ะแซ ที๊ง ลู่ง เลบาโนง
ทึเมะ จ ไจ โอ ลู่ง ทน้ะทโน๊ง อ แกล้ พ้า ฌี้ นอ กแช่แยว้ แฌแซกต้าง ทะ จ ทโอม๊า กแช่แยว้ เยาฆ้าง อ จูง, ด้างทะ จดีงจแด้ อ ทซ้ะทาง ดี๊ กแช่แยว้ อ จูงฆุ้ นอ, แม้ช้า แย้ เกม๊า พ้องพลิ้ ล้อ
กแช่แยว้ ล้อ ม แม้ เฌิ่งแม้ชอง ทาง เฆ้อ ลเมะแบ-อ้า? บี่ซุ้ กแช่แยว้ อพูอลี้ง ม นี่ เซิงมึซ้ะมึ เท่อ ลู่ง กแช่แยว้ อ ซุ้
โพล้ง พี่ อ เปิ่งโอเปิ่งช๊อง, ลู่ง กแช่แยว้ ดูทึโท๊ทึ อ ทล่างทุ้กดื้งซ้ะ นอ ม โอซยืง ลู่ง กแช่แยว้, พี่ โอ ดี๊ ดู้งยางซยื๊งซย้องแอทึ อ กดื้งแล้ พ้า
ท๊อ มื่งเทิง เกทาง โอ ลู่ง เซง เม้ง แกล้ บี่จะเล้ นอ โพล้ง พี่ จ เอ-อ้ะ นอ, โอ ลู่ง กแคว๊ น่างบางซ้ะบาง อ แฌ้แพ อซุ้อแกล้ บี่นอ ล้อ จ ชี๊น้าง โอ ซยืง อ เช๊ละ มึ มะ ดี๊ อซูงอแซ พี่ จ อาง ดุ้-อ้ะ นอ, ช๊า ฌี้ มะ
โอ้, จ เม้ากแช่ มืง-เอ้อ, นี๊จ้าง ล้างช้าง นี่ ลู่ง น นุ้เฌะ นี๊จ้าง ดี๊ นู่ง ที๊ง โอ น พลี้ เช๊ละ นไช๊นช้าง อ กลื่ง น๊าม๊า, ด้องซุ้ เลบาโนง อ กลื่ง น๊าม๊า
จ ลี้ ล้าง ลู่ง โซ๊ง วองนะ บี่ซุ้ ม แคว่ เซง น๊างโป้ง แล๊แค๊ ลู่ง ทแด้คู บี่ซุ้ ม แคว่ เว๊ ซไบ้ะแซ มื่ง ดุ้ทาง เย้า-อ้า ดี๊ บี่ซุ้ ม แคว่ เว๊ ม้างเกาะ มื่งเทิง อ โพ๊ โอ เย้า-อ้า
เมะเว๊ ที๊งล่างค่างพ้า ดึ้ เกม๊า อ บาง เมทาง ดี๊ โซ๊ง ดึ้ เกม๊า ท พี่ ฆวีงล้าง เว๊ ลู่ง อ พ้า นอ, เมทาง บี่จะเล้ นอ ทอดูทึโท๊ทึกแช่ยาเว, ม ดึ้ เกม๊า ทแบอซ้ะ, ดี๊ ทอางปฆ้า เมทาง ลู่ง โพล้งกุ้ชื้อกุ้ชะ อ เมะแซ พ้า บี่นอ ล้อ
ก ม เซิงล้าง-อ้ะ ลู่ง อีซลาเอง อ ทลู่ง พ้ะโท๊ คู ฌ้อง อ ได้ ม ทาง ดี๊ ซูงทางแซทาง ดี๊ เกทางก้ะ ซย๊องซีดา มื่งเทิง พี่ ฆี๊งฌี้แล้ฌี้ ฌ้อง ทู กุ้เม้งกุ้มยู๊ ม เฌ๊ เปิ่งโอเปิ่งช๊อง ลู่ง อ เช๊ละ ทู กุ้เม้ง ม เฌ๊ แม้ อ ซวี๊ง ลู่ง อ ได้ ซยืง ละ
ก ม เก เอะ อีซลาเอง บี่ซุ้ดี๊ ปช้างที๊ง อ เว๊ ม เซิงฆวี๊งซ้ะโย้, พ้ะ ด้องซุ้ ลีงลี้ โพ๊ อ เว๊ ม เช้ล้าง อ ฌี่ง, บี่ซุ้ดี๊ เซง มื่งเทิง ลู่ง เลบาโนง
กแช่ยาเว ไจ้ะเว๊, “ล นี้ง แย๊ นอ ก ม ไคล้ช๊า ทมุ้คู ดี๊ ทมุ้คู ม ไคล้ช๊า ฌางคูโคล๊ง คู
ดี๊ ฌางคูโคล๊ง คู ม ไคล้ช๊า บืง, ไซ้ะ ซไบ้ะแซ ที๊ง, ดี๊ ทซู ท ลแพ อี้ง ม ไคล้ช๊า ยีซเรเอง
คี๊งนี้ง เด้าะ นอ, กแช่แยว้ ม เกม๊า ก ม๊าทางไท้ ท่อง อ ท้อง ซ๊านี้ง ล นี้ง นอ, ม โชะทาง เฆ้อ บี่ซุ้ ก ม โอม๊า ลู่ง อ เมะแซ พ้า
อไฌ่บี่อี้ง, ม โอ ดี๊ ท ฆวีงล้าง ทล๊าทฆวี้ อซยืงอบ้ะ, ซไบ้ะ มื่ง ม โอ ดี๊ อ แซ, ดี๊ ที๊งล่างค่างพ้า ม เกม๊า ทซูงทแซ, ดี๊ ทมุ้คู ม เกม๊า ปช้างที๊ง, ดี๊ ก ม ดึ้ เกม๊า โพล้งเฌงพูฆ๊างพู พี่ ล้างลื๊อ โอก้ะ อี้ง นอ, นี่แบก้ะ ท ลแพ อี้ง เลาพะ
กแช่ เยซู โล้ แบ-อ้ะ ไจ้ะ เว๊, “แย้ จ เก โพล้ง แม้ ม๊า ทาง ไท้ โพล้ง ซี๊ง ดี๊ จ เก ท ม๊า อ กแช่, โพล้ง เมะ ชู่ง แย้ นะ แย้ ล แฌ้ๆ, นอ เมะ ซี๊ง ฌี้, ม โอ ม๊า ได้ะ
จ โล้ เอะ น ซื๊ง โต้ๆ, ล้อ, บืง คลี๊ง ล โพลง เมะ ล ล้าง แบ ฌางคู อ พ้า แบ, ดี๊ เมะ ล ล้างอืง ซี๊ง แบ นอ ม โอ เว๊ ล โพลง บี่ อ ล่าง ครึๆ, ล้อ, แบเด้าะ เมะ ซี๊ง ฌ้อง นอ ม ซูง ทาง แซ ทาง แอ ล้อ
