ดี๊ ฮาซาเอง อางจ้ะ-อ้ะ ไจ้ะเว๊, “จ เซงคู-เอ้อ, น ฌาง แบทเล้?”, อ เท่อ ไคล้ช๊า-อ้ะ ไจ้ะเว๊, “เมะเว๊ จ ซีงแฌ๊ เท่อ แบฆ้ะ ดี๊ ทอ้าทซ๊าง, พี่ น ม แม้ เอะ โพล้ง อีซลาเอง, น ม แม้นี่ มี เช้าไฆวะ อ ทล่าง ทุ้กดื้งซ้ะ, ดี๊ น ม แม้ซี๊ง โพล้ง น่างบางซ้ะบาง ดี๊ น้ะ, ดี๊ น ม พองนี่ พืงแซ ปี๊ เป้ล้าง-อ้ะ ท่อง อ ล้างบลิ้, ดี๊ น ม เก้าพ้ะ โพล้ง มู่ด้า อ ฌู่โพ๊ง”
จ แด ทอดูทึโท๊ทึกแช่ ชี๊เทิง โอ ลู่ง ทลื่งล่าง อ ฌ๊างไท้ะ, ดี๊ อ ไจ้ะเว๊ บี่อี้ง “เกม๊า ท่าง เฌเทิง คูทุ้, บี่ซุ้ เกม๊า ป้ะตู๊ง อ เคิง เละโละว้ะแซย๊ ดี๊ เกม๊า บุ้แค่ไฆวะ-อ้ะ, เก ล ไก้ ล โค๊, เกม๊า อ ล้างเทะ แบ โพล้ง เฌงพูฆ๊างพู กุ้แฌ้ อ คู โพล้ง พี่ อ โอ ล้างลื๊อ ก้ะ ได้ะ นอ, ก ม แม้ซี๊งไฆวะ-อ้ะ ดี๊ น้ะ โพล้ง ม ไจคุ้ซูงไฆวะ ล ซี น่างแฌ้ แบ เฆาะ ล้อ ม พ้องพลิ้ไฆวะ, ล ซี น่างแฌ้ แบ