ฮีบรู 9:7 - Northern Pwo Karen Thai Bible

⁷ แบเด้าะ ที่ โพล้ง ลื่ง เท่อ อ คู ดู ทึ ล แฌ้ ล้อ พี่ อ ลี้ นึ ฆ้าง ลู่ง แย๊ โค๊ ล เช้า นอ, ลี้ นึ ฆ้าง เว๊ ล เนง ล พ๊า ล้อ, ลี้ โชะ ดี๊ ท ซวีง พี่ อ เทว๊ เอะ กแช่ แยว้ ลู่ง อ กแช่ อ ท เด้บ้ะ อ ฌ่าง, ดี๊ โพล้ง เฌงพูฆ๊างพู ล ซีงแฌ๊ ล้าง ซ้ะ แม้ ไพ้ะ เท่อ แบ นอ อ ท เด้บ้ะ อ ฌ่าง

ฮีบรู 9:7 교차 참조

2​ซามูเอง 6:7

ล ทีง ฆ่าง นอ, กแช่ยาเว อ ทซ้ะทาง ซยุ้ทาง แบ อุ้ซา, ดี๊ กแช่แยว้ แม้ซี๊ง-อ้ะ พี่ นอ, เป๊งนี่ ลู่ง อ เว๊ อ ทไพ้ะทแม นอ ล้อ, อ เว๊ ซี๊ง ลู่ง กแช่แยว้ อ ไฮะ ฆ้อง นอ ล้อ

2ทกวิ้ไน 33:9

มานาเซ อางโก้ไละนี่ โพล้ง ยูดา ดี๊ โพล้ง เยรูซเลง, เกม๊า อ เฌ๊ พลุ้, อ ซื๊งเว๊ แม้ ทอ้าทซ๊าง น้ะเละ โพล้ง กุ้ ชื้อ, พี่ กแช่แยว้ แม้เฌ๊ฌ้อง เว๊ พ้องไฆวะ ดี๊ โพล้ง อีซลาเอง อ เมะ อ แน๊ นอ ได้ะ

ทอางปฆ้า 19:12

แบเด้าะ โพล้งเล้?, ม แด ล้างไท้ อ กแช่ อ ทไพ้ะทแม ซี เกม๊าเต้ กแช่แยว้ แม้เช๊งแม้เกล้ง แย้, เกม๊า พ้องไฆวะ ดี๊ ทไพ้ะทแม, พี่ โอคุ้ซูง นอ ไช้ะ

ทอางปฆ้า 95:10

จ แช๊เมะไฌ๊ซ้ะ ดี๊ โพล้ง ล ชื้อ นอ, ลี่งชี๊ง เนง ดี๊ ไจ้ะ บี่อี้ง, “อซื๊งเว๊ เก ชื้อชะ, พี่ โอ ดี๊ อ ซ้ะ เฌ๊พลุ้เฌ๊เชง ดี๊ อซื๊งเว๊ ล ซีงแฌ๊ จเกล้จพ้า แบ”

ทไจทางไฆวะ 30:10

เกม๊า อาโรง แม้ ทไฌ่ เท้าไฆวะ ทแบอ้า ลู่ง ทลื่งล่าง อ ฌ่าง นอ, ล เนง ล พ๊า, เกม๊า อ เว๊ แม้นี่ ทซวีง ลู่ง ทลื่งทาง แพล่ไฆวะ ทเด้บ้ะ เว๊ นอ, เท้า ทลื่งล่าง อ โน้ง นอ, อ นอ แม้-อ้ะ ล เนง ล พ๊า ท้อง น ซื๊ง พู ชู้ ลี้ง ชู้, ลู่ง ทแม้ อี้ง อกย้อง นอ, ทลื่งล่าง นอ ม เก ทฌี้ทึแอว้ทึ ลู่ง กแช่ยาเว อ ฌ่าง นอ ล้อ

อีซยา 28:7

อ ซื๊งเว๊ ล แพ อี้ง, ว้างมื่งว้างไร้ะไฆวะ ดี๊ ไซ้ะ ซไบ้ะแซ ที๊ง บี่ซุ้ โละซ้ะ ปะ ดี๊ เด้งเค๊งแดฆ้าง ดี๊ ไซ้ะที๊งมี่จ้าง โพล้งลื่งเท่ออคู ดี๊ โมไคล้คิ้กแช่แยว้ นอ, ว้างไร้ะว้างพาง ดี๊ ไซ้ะที๊งมี่จ้าง อ ซื๊งเว๊ ลแพ นอ, คูเยิ้งแน่เยิ้ง ดี๊ ไซ้ะ ซไบ้ะแซ ที๊ง อ เว๊ เด้งเค๊งแดฆ้าง ดี๊ ไซ้ะที๊งมี่จ้าง อ ซื๊งเว๊ แด ท แด เว้ ลเมะลโต้ แบ อ เว๊ บึ้ทะ ลู่ง ท ต้ะเซ๊ง พ้า

อีซยา 29:14

อกย้องบี่นอ, แคว่เซ้อ, ก ม แม้ ทล้ะทเล่ ดี๊ โพล้ง ล ชื้อ อี้ง ได้ะ เมะเว๊ ล้างลู่ล้างล้ะ ดี๊ อล้ะอเล่ อ โพล้ง โอ ดี๊ ทโกงซีมองแบ นอ, อ ทโกงซีมองแบ ม เซงทื่งเฌ๊ฌ้องไฆวะ ดี๊ โพล้ง แน เท่อ ซี อ ท แนซีโน้งซี ม แบ ท กาไบ้ะ ทะ”

อีซยา 3:12

แบเด้าะ โพล้ง ล ชื้อ ฆ่าง ดี๊ เฆ้อ นอ, พืงดี้งพืงแซ เก โพล้ง แคแน-อ้ะ ดี๊ กมืง โพะคอง อ ซื๊งเว๊ โอ้, โพล้ง ล ชื้อ ดี๊ เฆ้อ-เอ้อ, นคูนแน่ ดึ้ เกม๊า น เฌ๊พลุ้ เกล้ เลา ดี๊ ดึ้ เกม๊า น ซื๊ง เกล้ บีงบูง

อีซยา 9:16

อไฌ่บี่อี้ง, กเย่ โพล้ง พี่ ลี้ฌ้า โพล้ง ล ชื้อ อี้ง นอ, นี่ ลี้ฌ้า อ ซื๊งเว๊ ซีง ลแพ เกม๊า อ เฌ๊พลุ้ ดี๊ โพล้ง พี่ แบ อ ซื๊งเว๊ ลี้ฌ้า-อ้ะ นอ, แบ ท อางยื่งคล่องไฆวะ-อ้ะ ล้อ

โฮเชยา 4:12

กพูกลี้ง ลี้ อางท่าง นี่ ท ช๊องมอง ดี๊ ท พี่ อ แม้ เว๊ ดี๊ เซง ดี๊ นางยุ้บ้อง เก ท โล้เว้พ้ะเว้ เอะ อ เท่อ เป๊งนี่ วีงแล้ ลู่ง ท โละกวี้ เอโบ้งเอพะ เท่อ นอ, ลี้ฌ้า-อ้ะ เกม๊า อ เว๊ เฌ๊พลุ้ไฆวะ ดี๊ อ ซื๊งเว๊ ซีง ลแพ ญ๊องไฆวะ อ กแช่แยว้, บี่ซุ้ ลี้ โละกวี้ เอโบ้งเอพะ เท่อ

เลวี​อ​ไฌ่ 16:34

อ อี้ง นอ, เกม๊า อ เก ทอเค้อะอต้าง ลู่ง น ซื๊ง ฌ่าง ล้างชู้ล้างแกย, เกม๊า อ แม้ ทไฌ่เท้าไฆวะทแบอ้า, ลู่ง โพล้ง อีซลาเอง อ ทเด้บ้ะ อ ฌ่าง, ล เนง ล พ๊า, เป๊งนี่ ลู่ง อ ทเด้บ้ะ กุ้เม้ง อกย้อง นอ ล้อ”, โมเซ แม้ เว๊ บี่ซุ้ดี๊ กแช่ยาเว อางแบเลา-อ้ะ นอ ล้อ

เลวี​อ​ไฌ่ 5:18

เกม๊า โพล้ง ล แฌ้ นอ, แม้นี่ แกะ แพ๊ ลู่ง อ ฌี้ ทึ, ลู่ง อ ฌุ้พาง น๊างมู๊ง พ้า, เฌ๊โชะ เอะ โพล้งลื่งเท่ออคู, บี่ซุ้ดี๊ น กุ้ อ ฆวี้ นอ, เก ทลื่งทางแพล่ไฆวะทไพ้ะทแม, โพล้งลื่งเท่ออคู ม แพล่ไฆวะ อ ทเด้บ้ะ, ท๊อง ทไพ้ะทแม พี่ อ แม้ แบ เว๊ ลู่ง ล โอทาง อ ซ้ะ แบ นอ, ดี๊ อ เว๊ ม นี่แบ ท แพล่ไฆวะ ล้อ

อาโม 2:14

โพล้ง พี่ อเพลอเพล้า นอ, ม ไจคุ้ซูง ล คลึ้ แบ โพล้ง พี่ อชองอไคล๊ นอ, อไฌ่อแบ้ ม เลาไฆวะ โพล้ง พี่ อ เซิงน้าซ้ะน้า นอ, ม แม้ช้าล้าง อ ซ้ะ ล ซี แบ

เกล้​ท​ซ้ะวี่ง 15:25

ดี๊ เกม๊า โพล้งลื่งเท่ออคู แม้ ทไฌ่ เท้าไฆวะ ทแบอ้า เอะ โพล้ง อีซลาเอง น๊างมู๊ง, ฌ้อง อ ซื๊งเว๊ ม พ้องไฆวะ ดี๊ อ ทไพ้ะทแม, พี่ อ แม้ แบ เว๊ ลู่ง ล โอทาง อ ซ้ะ แม้ เว๊ แบ นอ, ดี๊ อ ซื๊งเว๊ นี่ เทว๊ อ ทลื่งทาง เอะ กแช่ยาเว, ดี๊ เทว๊ ทลื่งทาง แพล่ไฆวะ ทเด้บ้ะ ลู่ง กแช่ยาเว อ เมะแซ พ้า, ลู่ง ทไพ้ะทแม, พี่ อ ซื๊ง ล โอทาง อ ซ้ะ แม้ เว๊ แบ อกย้อง นอ ล้อ

เอเฟโซ 4:18

ดี๊ อ แน่ ตาง แน เท่อ ล ซี แบ เฆาะ, ท ม๊า อ ซ๊าง พี่ กแช่ แยว้ เกล๊าง เอะ โพล้ง นอ อซื๊งเว๊ ล นี่ แบ เว๊ แบ, อ ไฌ่ บี่ อี้ง, อซื๊งเว๊ ล ซีงแฌ๊ ท น่าง เม้ง แบ, ดี๊ ล แบ ซ้ะ ซีงแฌ๊ เท่อ แบ ปะ

ฮีบรู 10:3

แบเด้าะ ท ลื่ง ทาง นอ, เกม๊า โพล้ง นาง แบ ไท้ อ ท เด้บ้ะ กุ้ อ เนง

ฮีบรู 6:19

ท มื้งแล่ อี้ง เกม๊า ก เซิง ก ซ้ะ โอ มึ โอ พ้า โอ เฌิ่ง โอ ค๊า, บี่ ซุ้ ท้ะ แม้ ค๊า คลี๊ง, ท มื้งแล่ อี้ง ลี้ นึ ลู่ง ท ฌี้ ทึ แอว้ ทึ อ ล่าง พี่ กางทะ เว๊ ดี๊ ตไก้ยะ

ฮีบรู 7:27

อ เว๊ ล บี่ ซุ้ โพล้ง ลื่ง เท่อ อ คู ดู ทึ อ แฌ้แพ แบ, ล แบ เฌ๊ โชะ ท พู ท แฆ่ พี่ ม ลื่ง ทาง กแช่ แยว้ กุ้ อ นี้ง แบ, บี่ ซุ้ ม เทว๊ วี่ง เว๊ ลู่ง อ กแช่ อ ท เด้บ้ะ อ ฌ่าง, ฌ้อง ลู่ง โพล้ง เฌงพูฆ๊างพู อ ท เด้บ้ะ อ ฌ่าง, อ เว๊ เทว๊ ท โบง ท แบ้ ลู่ง โพล้ง อ ฌ่าง ล พ๊า ล้อ, พี่ อ กแช่ แด เว๊ เทว๊ ล้าง อ ซ้ะ ดี๊ กแช่ แยว้

ฮีบรู 9:3

แย๊ โค๊ ล เช้า พี่ อ โอ ลู่ง ตไก้ยะ คี๊ง เบง ล เบง อ ล่างไค๊ นอ, แบ ท กุ้-อ้ะ ท ฌี้ ทึ แอว้ ทึ อ ล่าง