ฮีบรู 5:4
16 교차 참조
ดี๊ อ ซื๊งเว๊ซีง แม้ ไทะทะ กจุ้แฆว้ อูซียา ดี๊ ไจ้ะเว๊, “อูซียา-เอ้อ, พี่ ม เช้า ทน๊าม๊า เทว๊ เอะ กแช่ยาเว นอ, ล เมะ เก น ทแม้ แบ, แบเด้าะ เก โพล้งลื่งเท่ออคู เมะเว๊ อาโรง อ พู อ ลี้ง, พี่ แบ ทอางกี ฌี้-อ้ะ, บี่ซุ้ ม เช้า ทน๊าม๊า นอ ล้อ, เกม๊าเต้ น ไจทางไฆวะ ทแบ้แยว้ล่างลู่งอฌี้ พ้า อี้ง, เมะเว๊ น แม้ เท่อ นอ ลโต้ลล้อง แบ, ดี๊ น ล นี่ ทแม้ฆี๊งแม้แล้ ดี๊ กแช่ยาเว เมะเว๊ กแช่แยว้ นอ น่าง เม้ง แบ เฆาะ”
บี่ซุ้ เกม๊า เว๊ อ เก โพล้ง อีซลาเอง อ ทนาง ล้าง ไท้ ซ้ะ บี่อี้ง, โพล้ง แด เท่อ พี่ ล เมะ อ เก อาโรง อชื้ออชะ แบ นอ, เกม๊า อ ลี้นึฆ้าง เช้า ทน๊าม๊า เทว๊-อ้ะ ลู่ง กแช่ยาเว อ เมะแซ พ้า ล ฌี้, ล แม้ บี่นอ แบ นอ, ม เก บี่ซุ้ดี๊ โครา ดี๊ อ มู๊ง อ ซกุ้ ลแพ นอ, ทแม้ อ ซ้ะ บี่ซุ้ดี๊ กแช่ยาเว ไคล้ ดี๊ เอเลอาซา เฌ๊ เว๊ ลู่ง โมเซ นอ ล้อ
อ เว๊ ไคล้ ดี๊ โครา ดี๊ อ มู๊ง อ ซกุ้ ลแพ นอ ไจ้ะเว๊, “ลู่ง โฌ้ โฆะ นอ, กแช่ยาเว ม เนโพลทาง ล้างที๊ง เว๊ โพล้ง พี่ แฌ้ เล้ เก อ เว๊ อ เท่อ, ดี๊ โพล้ง พี่ แฌ้ เล้ เก โพล้ง ลู่ง อฌี้อแอว้ นอ, ดี๊ ม เกม๊า โพล้ง ล แฌ้ นอ ลี้ฆ้าง โอ เบ้า-อ้ะ, โพล้ง พี่ แฌ้ เล้ พี่ อ อางลึนี่ เว๊ นอ, อ เว๊ ม เกม๊า โพล้ง ล แฌ้ นอ ลี้ฆ้าง โอ เบ้า-อ้ะ
เมะ แน้ ดี๊ กเย่ น พูแคว๊ นอ, เกม๊า น แม้ ซกุ้ เท่อ ลู่ง ทแม้ เก โพล้งลื่งเท่ออคู, ลู่ง ทแม้ กุ้เม้ง อ ฌ่าง, พี่ อ แบฆ้ะ ดี๊ ทลื่งล่าง, ดี๊ เท่อ พี่ อ โอ ลู่ง ตไก้ยะ กางทะ เท่อ อ พ้า นอ, เกม๊า น ซื๊ง โอ แม้เท่อไพ้ะเท่อ, แย้, จ เกล๊าง เอะ น ซื๊ง ทแม้ เก โพล้งลื่งเท่ออคู, เก ทเกล๊าง, แบเด้าะ โพล้ง อ แฌ้แพ พี่ อ เฌ๊ฆ้าง เบ้า นอ ม แบ ซี๊ง ล้อ”
광고