15 ดี๊ แม้ พ้อง พลิ้ โพล้ง พี่ อ เก ท ฆ่อง เพล้า ชู้ ลู่ง อ ซ้ะเม ท ซี๊ง อ กย้อง
เท่อ ล้าง ซ้ะกลึ, ดึ้เกม๊า อ เว๊ ซยึ้ เท่อ โอ วะ กุ้ แพ้ ดี๊ ล้อง ตไก้ะ อ คางโนงไค๊ ล้อ
อ เว๊ แบ ททึ้ทางไฆวะ-อ้ะ, ลู่ง อ เด้ พี่ อ เว๊ อางกีล้าง อ ซ้ะ นอ ดี๊ แบ ทเฌ๊ฌ้า ลู่ง ทไพ้ะฆิ้โค๊ฆิ้ อ กจุ้แฆว้ อ โอ
เป๊งนี่ ทไค้ะซ๊าโญ๊ง นอ, เก บี่ซุ้ดี๊ มโฌ้โค๊ ลู่ง อ ซื๊ง เว๊ กุ้ แฌ้ อ ฌ่าง ล้อ เมะเว๊ อ ซื๊ง เว๊ แดลี้ง ทไค้ะซ๊าโญ๊ง อ ทไพ้ะฆิ้โค๊ฆิ้
บี่ซุ้ ม แม้พ้องพลิ้ อซื๊งเว๊, เกม๊า พ้องไฆวะ ดี๊ ทซี๊ง ดี๊ บี่ซุ้ เกม๊า อเว๊ โอม๊า ซี ได้ะ, ลู่ง ทอางทโอ้ ล โอ แบ อ แค๊ นอ
จซ้ะ เฌ๊ฌ้อง โอ ลู่ง แย๊โค๊ ดี๊ ทซี๊ง อ ทไพ้ะฆิ้โค๊ฆิ้ นอ, โท๊งไบ้ะ แย้
เมะเว๊ กแช่แยว้ แม้พ้องพลิ้ จ ทโอม๊า, พ้องไฆวะ ดี๊ ทซี๊ง อ กแช่ กแช่แยว้ แม้พ้องพลิ้ จ คาง, เกม๊า พ้องไฆวะ ดี๊ ททุ้พลุ้ทุ้เชง ลเมะแบ-อ้า? บี่ซุ้ จ ม โอม๊าโอเฌ้ ลู่ง กแช่แยว้ อ เมะแซ พ้า ลู่ง ทโอม๊า อโฌ่งอพ้าง พ้า
อ๊า, อซื๊งเว๊ ลแพ นอ, แบ ทแม้เฌ๊ฌ้องไฆวะ ล ชู่พู เฆาะ แบ ท ไพ้ะฆิ้โค๊ฆิ้ กว้ะไฆวะ-อ้ะ เลาพะ
กโพล้ง พี่ แฌ้ เล้, โอม๊า ซี ลู่ง ล แบ แด ทซี๊ง แบ? โพล้ง พี่ แฌ้ เล้, ม แม้ช้า อ ทโอม๊า, พ้องไฆวะ ดี๊ พลื่งค่าง อ จูง ซี? เซ่-ลา
อ ไฌ่ บี่ อี้ง วีง ฌี้ แล้ แอว้ พี่ กแช่ แยว้ เกล๊าง น ซื๊ง นอ, ล เกม๊า น เก ท ฆ่อง ลู่ง อ ซ้ะเม ซ้ะไพล้ เท่อ แบ, แบเด้าะ เกม๊า น เกก้ะ กแช่ แยว้ อ พู อ ลี้ง, ฌ้อง ก กุ้ ทาง-อ้ะ ซี บี่ อี้ง, “แพ่ แพ่-เอ้อ”
ม โอ โคะ ล นี้ง, พี่ กแช่ แยว้ ม แม้ พ้อง พลิ้ กเย่ เท่อ ลู่ง อ ไต้ ล้าง เว๊ นอ, บี่ ซุ้ ล ล้างอืง ล้างแกล ล้า แบ, ดี๊ ม นี่ แบ ฆึ กแช่ แยว้ อ พู อ ลี้ง อ ท พ้อง ท พลิ้ ลู่ง อ ฆี๊ง อ แล้
ลู่ง เอะ อู้ง นอ, อ เว๊ แม้ พ้อง พลิ้ เฆ้อ ดี๊ ท แบ ซี๊ง ชอง ซี๊ง โน้ง ล แพ อี้ง เย้า, ดี๊ ม แม้ พ้อง พลิ้ เฆ้อ เด้าะ, ก อางกี ล้าง ซ้ะ ดี๊-อ้ะ พี่ อ เว๊ ม แม้ พ้อง พลิ้ เฆ้อ ครึๆ
เกม๊า จ อางจ้ะ โพล้ง พี่ อ แบ ซ้ะ โอ ลู่ง ทอางแม้เลา อ พ๊างละ บี่ อี้ง, น ซื๊ง ล แน่ฌ๊า แบ-อ้า, ทอางแม้เลา โล้ เว๊ บี่ จะ เล้
อ ไฌ่ บี่ อี้ง, วีง ฌี้ แล้ แอว้ พี่ กแช่ แยว้ เกล๊าง เฆ้อ นอ, ล เกม๊า ก ซ้ะเม เท่อ แบ, แบเด้าะ เกล๊าง เฆ้อ อ ดู้ง อ ยาง ท เอ ท กวี้ง, ดี๊ เกม๊า ก ซีงแฌ๊ แคแน ล้าง ซ้ะ
เต้ๆ, นอ ล เมะ ท มุ้คู พู แบ พี่ กแช่ เยซู แม้ช้า เว๊, แบเด้าะ แม้ช้า อาบราฮาง อ ชื้อ อ ชะ ล้อ
