ฮีบรู 11:34 - Northern Pwo Karen Thai Bible

³⁴ แม้ ไพะ มี พี่ อ คู่เล้า คู่ล๊าง, ไจ พ้อง ไฆวะ ดี๊ น้ะ อ แน่, อซื๊งเว๊ อ ไฌ่ แช่ แบ้ แช่, แบเด้าะ เกก้ะ โพล้ง อ ไฌ่ ชอง แบ้ ชอง, ดี๊ ดึ้ซึ้ เท่อ ซี, น้า ซึ้พู ล ชื้อ แด ตบลึ้ มู๊ง

ฮีบรู 11:34 교차 참조

โพล้งต้ะเซ๊งเท่อ 15:8

ฌ้อง เซงซาง แม้ซี๊ง โพล้ง ลแพ นอ เก ทแม้ซี๊ง พ้ะดู ล พ๊า, อ เว๊ ลี้ล้าง โอ ลู่ง ไล๊ เช้า เอตาง พ้า

อีซยา 43:2

พี่ น ล้าง ค๊างฌะ ที๊ง นอ, ก ม โอ ดี๊ แน้ ดี๊ พี่ น ค๊างฌะ ที๊งกล้อง นอ, ที๊ง ม ล กลึ้ไบ้ะ แน้ แบ พี่ น ไจ มีอ้า พ้า นอ, น ล แบ มีอาง แบ ดี๊ มีอ้า แล ม ล อางลิ้ แน้ แบ

ทอางปฆ้า 144:10

กแช่แยว้ เก โพล้ง พี่ เกล๊าง ทน้าทฆ่าง เอะ กจุ้แฆว้ ดี๊ เก โพล้ง ซไบล้ะ นี่ อ เพล่ ดาเว, เกม๊า พ้องไฆวะ ดี๊ น้ะ ลู่ง ออ้าอซ๊าง

2​กจุ้แฆว้ 6:32

แบเด้าะ เอลีชา ชี๊น้าง โอ ลู่ง อ เด้า พ้า, ดี๊ โพล้งเม้งโพล้งแซย่ ชี๊น้าง โอ ดี๊-อ้ะ ปะ, กจุ้แฆว้ เจ่ทาง โพล้ง ลู่ง กจุ้แฆว้ อ เด้า พ้า, แบเด้าะ พี่ โพล้งไคล้เดิงเท่อ เฌ๊ ล คลึ้ ท้อง ได้ะ แบ นอ, เอลีชา ไคล้ ดี๊ โพล้งเม้งโพล้งแซย่ ลแพ นอ ไจ้ะเว๊, “น ซื๊ง แด ชี่-อ้า?, โพล้ง แม้ซี๊ง เท่อ ล แฌ้ อี้ง เจ่ทาง โพล้ง เฌ๊ แม้นี่ จ คูฆีง, แคว่เซ้อ, ท่อง โพล้งไคล้เดิงเท่อ เฌ๊ ท้อง นอ, ม๊า กาไบ้ะทะ เกล้ ดี๊ เจ้ทะ-อ้ะ ไชะไนะ, โอ นุ้ทะ-อ้ะ, อ เซงคู อ คาง เฌ๊ เซ๊ โพะ อ เว๊ อ ไค๊ ล เมะ แบ-อ้า?”

1​กจุ้แฆว้ 19:3

ท่อง เอลียา ซีงแฌ๊ เว๊ นอ อ เว๊ เฌ้เทิงทาง ไจพ้องไฆวะ ดี๊ ทแม้ซี๊ง, ดี๊ เฌ๊ ท้อง เบเออเชบา ยูดา อ ค่างช๊า พ้า, ฌ้อง อ เว๊ อางกีโท่ อ เพล่ พี่ นอ ล้อ

1เปโต 4:12

ฌุ้พาง ลู่ง จ เอ-อ้ะ ซีง-เอ้อ, ล้ะ เซิง ล้ะ ซ้ะ ล ฌี้, พี่ น ซื๊ง โท่ง ท น้ะ ท โน๊ง ลู่ง น แบ ท ลองดุ้ น ซ้ะ แช๊ เต้ๆ, อ นอ ช๊องมอง-อ้ะ เก ท คึ้ ท แน๊ พี่ อ เก ทาง ดี๊ น ซื๊ง นอ ล ฌี้

เยเรมี 26:24

แบเด้าะ ชาฟาง อ พู อาฮีคาง นี่ แม้ช้า เยเรมี, ทบี่นอ, เยเรมี ล แบ ท อางกีล้าง เกม๊า โพล้ง เฌงพูฆ๊างพู แม้ซี๊ง-อ้ะ แบ ล้อ

ทอางปฆ้า 66:12

กแช่แยว้ เกม๊า โพล้ง คะ เลาะดึ้ซึ้ เท่อ, ลี้ ไนะเท่ง เฆ้อ ซีงลแพ ก คูฆีง เฆ้อ ซีงลแพ ก แบ ค๊างที๊ง ค๊างมี แบเด้าะ กแช่แยว้, เฌ๊ฌ้า เฆ้อ ซีงลแพ, เฌ๊ ลู่ง ทล่าง พ้ะเล่พ้ะโท๊ พ้า

ทอางปฆ้า 6:8

น ซื๊ง กุ้ แฌ้ พี่ แม้ ทอ้าทซ๊าง-เอ้อ, เกม๊า ล้างแซยล้างพ้ะไฆวะ ดี๊ แย้ เมะเว๊ กแช่ยาเว คุ้ช๊องแน จ ลู่ง ฌาง เย้า

โยบา 42:10

ดี๊ กแช่ยาเว เกม๊า โยบา โอฌี้โอแอว้ ไท้ ท่อง อ เว๊ ชูแพ อางท่าง เท่อ ลู่ง อ ซกุ้ นอ อ ฌ่าง, ดี๊ กแช่ยาเว เกล๊าง โยบา อ ทโอทช๊อง, แอเละ ไท้ อ ล่าง พี่ อ ทโอ ลู่ง อ พ้องไฆวะ นอ คี๊ง โทะ

โยบา 5:20

ลู่ง ทซ้ะวี่งล้างดุ้ อ แค๊ นอ, กแช่แยว้ ม เทะนี่ไท้ แน้ ไจทางแดไฆวะ ทซี๊ง ดี๊ ลู่ง ทดึ้ทชาง พ้า นอ, ไจทาง พ้องไฆวะ ดี๊ น้ะ

1ซามูเอง 20:1

ดาเว ไจแดไฆวะ นาโยะ เว่ง รามา พ้า, ดี๊ เฌ๊ โล้ เว๊ ลู่ง โยนาทาง อ เมะแซ พ้า ไจ้ะเว๊, “จ แม้ แบ ทเม้งเล้?, ทเม้งเล้, เก จ ทไพ้ะทแม?, ดี๊ จ แม้ ทเด้บ้ะ แบ น แพ่ บี่จะเล้?, อ เว๊ แบ อ ซ้ะ แม้ซี๊ง มะ แย้?”

ทไจทางไฆวะ 18:4

ล แฌ้ เด้าะ นอ อ เม้ง, เอลีเอเซอ เมะเว๊ อ เว๊ ไจ้ะเว๊, “จ แพ่ อ กแช่แยว้ นอ, เก โพล้ง พี่ อ แม้ช้า แย้, ดี๊ แม้ พ้องพลิ้ แย้ เกม๊า พ้องไฆวะ ดี๊ ฟาโร อ น้ะ

1ซามูเอง 18:11

ดี๊ ซาอู ซยุ้ฆ้าง อ พ้าง, ช๊องมอง เว๊ บี่อี้ง, “จ ม ซยุ้ ดาเว, เกม๊า อ แบชุ้เท่ง ดี๊ พี๊แด้ดอง”, แบเด้าะ ดาเว ไจซยู๊ไฆวะ นี่ คี๊ง พ๊า

1ซามูเอง 19:10

ดี๊ ซาอู เฌาโละ ซยุ้ อ พ้าง, ม เกม๊า แบชุ้เท่ง ดาเว บึ้เบง ดี๊ พี๊แด้ดอง, แบเด้าะ ดาเว ไจคุ้ซูงไฆวะ ซาอู, ซาอู ซยุ้ พ้าง แบชุ้ท๊าง พี๊แด้ดอง ล้อง, ดี๊ ดาเว ไจ พ้องไฆวะ เว๊ ล แน้ แย๊ นอ ล้อ

1​กจุ้แฆว้ 19:1

อาฮะ โล้ เอะ น่าง เยเซเบง กุ้เม้ง พี่ เอลียา แม้ เว๊, เลา ดี๊ พี่ อ แม้ซี๊ง โม ไคล้คิ้ ทกโช้งกแช่ บาอาง เลาพะ นอ ดี๊ น้ะ

2​กจุ้แฆว้ 6:1

กเย่ โมไคล้คิ้กแช่แยว้ ลแพ นอ, ไคล้ ดี๊ เอลีชา ไจ้ะเว๊, “แคว่เซ้อ, ทล่าง พี่ เฆ้อ ซีงลแพ ก โอ-อ้ะ ดี๊ แน้ นอ ปี๊ น้ะ

ทอางปฆ้า 124:7

ก ไจคุ้ซูง พ้องไฆวะ ซี, ด้องซุ้ ทู พ้องไฆวะ ดี๊ โพล้ง อ ทดุ้ทเช ทดุ้ทเช นอ แค่เทา, ดี๊ ก ไจคุ้ซูงไฆวะ ซี

ลูกา 21:24

โพล้ง แบ แฌ้ๆ, ม แบ ท แม้ ซี๊ง ดี๊ น้ะ, โพล้ง อ แฌ้แพ ม แบ ท พองนี่-อ้ะ, ลี้ ก้ะ ลู่ง โพล้ง ล ชื้อ แด อ แกล้ เฆ้ง ฌางคู โคล๊ง คู, ฌ้อง โพล้ง ล ชื้อ แด ม ไย่เละ ค๊างพะ เว่ง เยรูซเลง, ท้อง ลู่ง อซื๊งเว๊ อ มื่ง อ แค๊ เลา ไฆวะ