ทอคางไท้ะ 6:4 - Northern Pwo Karen Thai Bible

⁴ ล ว๊าง แย๊ นอ, โพล้ง เนฟีง โอ ฌางคูโคล๊งคู, พี่ กแช่แยว้ อ พูแคว๊ ลี้ฆ้าง ฌูง กโพล้ง อ พูมืง, ดี๊ อ พู โอ, เมะเว๊ โพล้ง ซีง ลแพ พี่ อ เก โพล้ง ดึ้ซึ้เท่อพู ลู่ง อไยะอเช้, เก โพล้ง พี่ อ เม้งลื้อแซท้อง ลแพ นอ ล้อ

ทอคางไท้ะ 6:4 교차 참조

ทอคางไท้ะ 11:4

อ ซื๊งเว๊ ซีง ลแพ ไจ้ะเว๊, “เฌ๊ แดเทา, เกม๊า ก ไต้ทาง เว่ง ลู่ง ก ฌ่าง, ดี๊ ไต้ทาง กล้อง, เกม๊า อ คี๊ง จุ้ ท๊องซุ้ ดี๊ ทมุ้คู, เกม๊า ก แม้ เม้งลื้อแซท้อง, บี่ซุ้ ก ล แบ ทแม้ ที่มื่งที่พ้ะ ลี้ เฆ้ง ฌางคูโคล๊งคู แบ นอ ล้อ”

เกล้​ท​ซ้ะวี่ง 13:33

พี่ นอ, ก แด โพล้ง เนฟีง (โพล้ง อาน้ะ นอ เฌ๊นี่ ดี๊ โพล้ง เนฟีง), เฆ้อ ก แคว่ ล้าง ก ซ้ะ เก บี่ซุ้ดี๊ ทวี่ นอ ล้อ, ดี๊ อซื๊งเว๊ ฌี้ นอ แคว่ เฆ้อ บี่ซุ้ บี่นอ ปะ ล้อ”

เกล้​ท​ซ้ะวี่ง 16:2

ฌ้อง แม้ไทะทะ โมเซ ล พ๊า ฆ่าง ดี๊ โพล้ง แคว๊ อีซลาเอง คี๊ง แย้ เย่ ชี๊ง แฌ้, พี่ อ เก โพล้ง น๊างมู๊ง อคูอแน่, พี่ อ อางลึนี่ เว๊ ลู่ง ทแพโซง อ ล่าง พ้า นอ, โพล้ง ลแพ อี้ง นอ, เก โพล้ง ลู่ง อ เม้ง โอ แซ โอ

โล้​ล้างที๊ง​ทอางแม้เลา 2:11

โพล้ง ลแพ อี้ง นอ, นี่แบ อ เม้ง ได้ะ บี่อี้ง เรฟาอีง, บี่ซุ้ดี๊ โพล้ง อาน้ะ, แบเด้าะ โพล้ง โมอา, กุ้ โพล้ง ลแพ อี้ง ไจ้ะเว๊ เอมีง

โล้​ล้างที๊ง​ทอางแม้เลา 3:11

(เมะเว๊ โอ ล้างลื๊อ ก้ะที่ โอะ กจุ้แฆว้ เว่ง บาชาง, พี่ อ เก โพล้ง เรฟาอีง นอ, อี้งเซ้อ, อ ล่างมี๊ง นอ, ไต้นี่ เว๊ ดี๊ ท้ะ, อ ล่างมี๊ง นอ, ล โอ ลู่ง โพล้ง อางโมง อ เว่ง ร้ะบา พ้า แบ โบ่, อ ล่างมี๊ง นอ, โท๊ แดฆ้าง โฆะ แพล่, เล่ เบ้า ม โอ คี๊ง แพล่, บี่ซุ้ นางแพล่นางแท๊ พี่ อ แบ เต้ๆ, นอ ล้อ)

1ซามูเอง 17:4

โพล้ง แคว๊ โอ ล แฌ้ อ เม้ง โกลีอ้ะ, เก ซึ้พู ลู่ง อ ดึ้ เท่อ ซี ทึ, โอ ลู่ง โพล้ง ฟีลีเตีย อ ทล่างโอซยอง พ้า ไจทาง, อ เว๊ เก โพล้ง ลู่ง เว่ง กะทา, อ ฌ้าง โท๊ ฆู๊ง แพล่ ล แท๊