9 โยซิ้ ไคล้ช๊า อ แพ่ ไจ้ะเว๊, “อ อี้ง นอ, เก จ พูแคว๊, พี่ กแช่แยว้ เกล๊าง เอะ แย้ พี่ อี้ง”, อีซลาเอง ไจ้ะเว๊, “เฌ๊ฆ้างฌ้า น พู คี๊ง แฌ้ นอ, บี่ซุ้ แพ่ ม นี่ ชูฌี้ อซื๊งเว๊ ล้อ”
แด้เว้ เอะ แพ่ อ ทอาง อวีงๆ, ด้องซุ้ พี่ แพ่ อาง เว๊ อวีง นอ, ดี๊ เฌ๊ โชะ เกม๊า แพ่ อาง, บี่ซุ้ แพ่ ม ชูฌี้ แบ แน้, พี่ ล คลึ้ ซี๊ง ได้ะ แบ อี้ง”
ยาคุ้ อ ซ้ะทาง ดี๊ น่าง ราเชง ไจ้ะเว๊, “จ เก บี่ซุ้ดี๊ กแช่แยว้ พี่ ล เกม๊า น พู โอ แบ โบ่?”
ท่อง เอโซ บุ้ทาง อ เมะ นอ, แด โพล้ง มืง ดี๊ อ พู ลแพ นอ, อ เว๊ อางจ้ะ ไจ้ะเว๊, “โพล้ง พี่ อ โอ ดี๊ แน้ ลแพ อี้ง นอ, เก โพล้ง เล้?”, ยาคุ้ ไคล้ช๊า-อ้ะ ไจ้ะเว๊, “เก จ พู พี่ กแช่แยว้ เกล๊าง เอะ น เพล่ นอ ล้อ”
เลาพะ อี้ง นอ, เก อีซลาเอง อ ชื้อ ล ชี๊ง คี๊ง ชื้อ, อ อี้ง นอ, เก อซื๊งเว๊ อ แพ่ อ ทไคล้, พี่ อ ไคล้ เว๊ ลู่ง อ ชูฌี้ เอะ อซื๊งเว๊ อ เท่อ นอ ล้อ, ยาคุ้ ชูฌี้ เอะ อซื๊งเว๊ กุ้ แฌ้ อ เท่อ, ท๊อง ล แฌ้ๆ, อ ท ชูฌี้ นอ ล้อ
โพล้ง เลาพะ อี้ง นอ, เก เฮมาง กจุ้แฆว้ อ โพล้งพ้ะเว้เท่อ นอ อ พู, ต๊าง กแช่แยว้ อ ทไคล้, บี่ซุ้ ม อางปฆ้า แบ อ เว๊, ดี๊ กแช่แยว้ เกล๊าง เอะ เฮมาง อ พูแคว๊ ชี๊ง ลี่ง แฌ้, ดี๊ อ พูมืง ซ๊า แฌ้
อี้งเซ้อ, พู ลแพ นอ เก คองแซย้, พี่ เฌ๊นี่ ดี๊ กแช่ยาเว ฌู่โพ๊ง อพูอลี้ง เก รางวาง
แคว่เซ้อ, แย้ ดี๊ จ พู พี่ กแช่ยาเว เกล๊าง เอะ แย้ นอ, เก ทแม้ ซีงแฌ๊ ดี๊ เก ทแม้ไน ลู่ง อีซลาเอง พ้า, พี่ อ เฌ๊นี่ ดี๊ กแช่ยาเว ซึ้คู ดูทึชองทึ, พี่ โอ ลู่ง ทลู่ง ซีโยง คู
อ อี้ง นอ, เก ทชูฌี้ พี่ โมเซ โพล้ง กแช่แยว้ เว๊, ชูฌี้ แบ โพล้ง อีซลาเอง อชื้ออชะ, พี่ อ เว๊ ล คลึ้ ซี๊ง ได้ะ แบ นอ ล้อ
ลู่ง ท ชู่ง ท นะ อ กย้อง นอ, ยาคุ้ ไป๊ป้อง เอะ โยซิ้ อ พูแคว๊ คี๊ง แฌ้ อ เท่อ, พี่ เบ้า ทาง อ เว๊ ม ซี๊ง นอ, อ เว๊ ชี๊เทิง ทุ้ เฌิ่ง อ ซ้ะ ดี๊ นางเพ๊บ้อง โบง ทาง แบ้ ทาง กแช่ แยว้
ดี๊ โอ ท้อง อ มื่ง อ แค๊ นอ, น่าง ฮางนา ด้าทาง ดี๊ นี่ อ พูแคว๊ ล แฌ้, ดี๊ กุ้ เว๊ อ เม้ง ซามูเอง, เมะเว๊ ไจ้ะเว๊, “แย้ จ อางท่างนี่-อ้ะ ดี๊ กแช่ยาเว”
จ อวีงซ้ะชู้ อางท่างนี่ พืงแซ แคว๊ ล แฌ้ อี้ง, ดี๊ กแช่ยาเว เกล๊าง เอะ แย้, บี่ซุ้ ดี๊ จ ทอางท่าง พี่ จ อวีงซ้ะชู้ เท่อ ดี๊-อ้ะ นอ
