6 แบเด้าะ น พู พี่ กึทางก้ะ ลู่ง ไค๊ โฆะ นอ, ไคะ-อ้ะ เก น พู, อซื๊งเว๊ ม นี่แบ อเม้งอแซ, บี่ซุ้ดี๊ อ โจ้ พี่ อ นี่แบ อคองอแซย้ นอ ล้อ
เมะ น พูแคว๊ คี๊ง แฌ้, พี่ อ กึทาง ลู่ง ค่าง อีไย้ะ พ้า, ลู่ง จ ล คลึ้ เฌ๊ฌูง แน้ ค่าง อีไย้ะ พ้า ได้ะ แบ อู้ง นอ, เก แพ่ อ พู ปะ, เอฟาอีง ดี๊ มานาเซ เก แพ่ อ เท่อ, บี่ซุ้ดี๊ รูเบง ดี๊ ซีเมโอง นอ ล้อ
พี่ จ ไจแดไฆวะ ปาดาง เฌ๊ นอ, จ ซ้ะ ล มึ แบ, พี่ น่าง ราเชง ซี๊ง ค่าง คานาอาง พ้า, พี่ โอ ลู่ง เกล้ โท้ล้อง อ แค๊, ไย้ ดี๊ เอฟาทา ได้ะ นอ, ฌ้อง แพ่ เคิงล้างบ้า อ จู ลู่ง เกล้ ลี้ เอฟาทา (เมะเว๊ เบเลเฮง), พ้าไท้ะ นอ ล้อ”
เมะเว๊ โยซิ้ อ พู อ ลี้ง นอ โอ คี๊ง ชื้อ, เมะเว๊ มานาเซ ดี๊ เอฟาอีง, เมะ โพล้ง เลวี ล ชื้อ นอ ล นี่แบ ทอางน้าง ที๊งล่างค่างพ้า นอ แบ, แบเด้าะ นี่แบ เว่ง ล จอง แบ ล จอง พี่ ม นึฆ้าง โอ เว๊ นอ, ดี๊ อ ญ้าง พ้า วะ เว่ง ลู่ง ทพูแฆ่ น๊างมู๊ง อ ฌ่าง, ดี๊ อ ฆ้า อ โฆ่ อ ฌ่าง นอ ล้อ
