3 ยาคุ้ ไคล้ ดี๊ โยซิ้ ไจ้ะเว๊, “กแช่แยว้ พี่ โอ ดี๊ ดู้งยางซยื๊งซย้องแอทึ นอ, เนโพลทาง อ ซ้ะ ดี๊ แพ่, ดี๊ ชูฌี้ แพ่ ลู่ง ตางโบง ลู, ค่าง คานาอาง พ้า
ท่อง อาบราง อ โญะ โอ ควี๊ง ชี๊ง ควี๊ง เนง นอ, กแช่ยาเว เนโพลทาง อ ซ้ะ ดี๊-อ้ะ, ดี๊ โล้ เอะ-อ้ะ ไจ้ะเว๊, “ก เก กแช่แยว้ พี่ โอ ดี๊ ดู้งยางซยื๊งซย้องแอทึ, เกม๊า น โอม๊า ลู่ง ก เมะแซ พ้า, ดี๊ เก โพล้ง ฌี้ กุ้เม้ง
ก ม ดึ้ เกม๊า นชื้อนชะ โอ แอฌี่งแอฌ้อง, ก ม ดึ้ เกม๊า น เกโพล้ง ตบลึ้ ชื้อ, ดี๊ กจุ้แฆว้ ตบลึ้ แฌ้ ม เฌ๊ กึทางนี่ ดี๊ แน้
เกม๊า กแช่แยว้ พี่ โอ ดี๊ อดู้งอยางอซยื๊งอซย้องแอทึ ชูฌี้ แน้, ดี๊ ดึ้ เกม๊า น พู โอ แอทางโฌ่ทาง, ท๊อง อ เกทาง โพล้ง กุ้ชื้อกุ้ชะ แอฌี่งแอฌ้อง นอ ล้อ
โพล้ง โล้ แบ ยาคุ้ ไจ้ะเว๊, “น พูแคว๊ โยซิ้ เฌ๊ฌู แน้”, อีซลาเอง แม้ ชองทาง อ ซ้ะ, เฌ้เทิง ชี๊น้าง ลู่ง อ ล่างมี๊ง คู
ดี๊ น แพ่ อ กแช่แยว้ พี่ อ แม้ช้า แน้ ดี๊ กแช่แยว้ พี่ โอ ดี๊ ดู้งยางซยื๊งซย้องแอทึ, พี่ อ ชูฌี้ เอะ น เท่อ ดี๊ ทชูฌี้ พี่ เฌ๊นี่ ลู่ง มุ้คู ท้ะ ทชูฌี้ พี่ เฌ๊นี่ ลู่ง ทโยะคิ้ ฌางคู ละ ทชูฌี้ พี่ เฌ๊นี่ ดี๊ นู่ง, ดี๊ ฌู่โพ๊ง
จ เนโพลทาง จ ซ้ะ ดี๊ อาบราฮาง, อีซาฮ้ะ ดี๊ ยาคุ้, ดี๊ จ เม้ง แยว้ พี่ อ โอ ดี๊ ดู้งยางซยื๊งซย้องแอทึ แบเด้าะ จ ล เนโพลทาง ซ้ะ เกม๊า อ ซีงแฌ๊ แย้ ลู่ง เม้ง กแช่ยาเว นอ แบ
เอ้อ, อ เว๊ ดึ้ซึ้ โละซ้ะ ดี๊ ทมุ้คู พู ดี๊ น้า เว๊ อ เว๊ ฌาง ดี๊ อางท่าง นี่ ทย๊างซ้ะ อ เว๊ ต้องนอง กแช่แยว้ ลู่ง เบเอง ดี๊ กแช่แยว้ ไคล้ ดี๊-อ้ะ พี่ นอ
เว่ง โฌ่ง ทาง พ้าง ล้าง ดี๊ กแช่ แยว้ อ ฆี๊ง อ แล้ อ โฌ่ง อ พ้าง, พ้าง แล๊ๆ, แบ ด้อง โล่ง ลู่ง อ ฆวี้ แค้ ดี๊ ฆีง แบ ด้อง โกย
โยซิ้ อ พู อ ลี้ง เจ่ทาง โพล้ง ลี้ แคว่ฌูงดุ้ เท่อ ลู่ง เว่ง เบเอง พ้า, (ลู่ง อ ไยะ อู้ง เว่ง อี้ง นอ อ เม้ง ลู)
