10 อีซลาเอง นอ อ เมะ ไค้ะ, ลู่ง อ ซ้ะแซย่ อกย้อง, แคว่ เท่อ ล แด น่างเม้ง ล้าแบ, โยซิ้ เฌ๊ฆ้างฌ้า อ พูแคว๊ คี๊ง แฌ้ นอ, เฌ๊ฆ้าง เบ้า ดี๊ อ แพ่, อีซลาเอง โพะโฌ๊ง น๊าม๊า อซื๊งเว๊ ล้อ
ท่อง อีซาฮ้ะ อ ซ้ะแซย่, ดี๊ อ เมะ ไค้ะ เย้า นอ, อ เว๊ กุ้นี่ อ พู วี่แซย่ เอโซ เฌ๊, ดี๊ โล้ เอะ เว๊ บี่อี้ง, “พู-เอ้อ”, อ เท่อ ไคล้ช๊า-อ้ะ ไจ้ะเว๊, “พู โอ พี่ อี้ง”
ยาคุ้ เฌ๊ฆ้าง โอ เบ้า, ดี๊ น๊าม๊า-อ้ะ, ฌ้อง อีซาฮ้ะ น๊า ดุ้ เว๊ อ กลื่ง ลู่ง ไช๊แค่ ล้อง, ดี๊ ชูฌี้ เว๊ บี่อี้ง “แคว่เซ้อ, จ พูแคว๊ อ กลื่ง บี่ซุ้ดี๊ ท อ กลื่ง ลู่ง ทเคแกล้, พี่ กแช่ยาเว ชูฌี้ เว๊
ลาบาง นางทาง อ ซ้ะ ลู่ง โฌ้ ล คึ, น๊าม๊า อ ลี้ง ดี๊ อ พูมืง, ชูฌี้ อซื๊งเว๊, ฌ้อง แค๊ล้าง อ คาง ไท้ไท้ ลู่ง เด้า ไวะ ล้อ
โยซิ้ น๊าม๊า อ วี่โจ้ กุ้ แฌ้ ดี๊ ฌาง เว๊ ล้อ, ฌ้อง นอ, อ พื่ง อ วี่ ลแพ นอ, ไคล้ อางโล๊ไท้ เท่อ ดี๊ โยซิ้ นอ ล้อ
อีซลาเอง โล้ เอะ โยซิ้ ไจ้ะเว๊, “แพ่ ล ช๊องมอง แบ, พี่ ม แด แบ น เมะ ได้ะ, แบเด้าะ กแช่แยว้ เกม๊า แพ่ แด แบ แน้, ดี๊ น พู คี๊ง แฌ้ ปะ”
ท่อง อีซลาเอง แด โยซิ้ อ พูแคว๊ คี๊ง แฌ้ นอ, อางจ้ะ เว๊ บี่อี้ง, “อ อี้ง โพล้ง เล้?”
อ เว๊ อางกีโท่ไฆวะ งู้ ลแพ นอ, ลี้ ซยู๊ โพะ เอลียา อ ไค๊ ดี๊ ไจ้ะเว๊, “เกม๊า จ ไท้ น๊าม๊า จ มู่ จ แพ่ ท่อง ฌ้อง แบๆ, ฌ้อง จ ม ลี้ โพะ น ไค๊”, เอลียา ไคล้ ดี๊ เอลีชา ไจ้ะเว๊, “ไท้ แดเทา ฌ้อง เฌ๊ไท้ เด้าะ, เมะเว๊ จ นี่ แม้ ทเม้งเล้?, เอะ แน้”
ล ว๊าง แย๊ พี่ โพล้ง คุ้แคว่ เท่อ โอคุ้ทะ เด้า ม ว้ะโทะ, ดี๊ โพล้ง แคว๊ อชองอไคล๊ ม เก โพล้ง อ โคล๊ง คู้งรู้ง, ดี๊ โพล้ง มืงไฌะ ฌื๊งไน้ะ ม ล ไฌะ เว๊ ล้า แบ, เป๊งนี่ อ แฌ้ ล้างแซย้, ดี๊ กเย่ โพล้ง พี่ แคว่ ล้าง เท่อ ป้อง ล้อง ม ไค้ะเซยา
อี้งเซ้อ, กแช่ยาเว อ จูง ล พือ น้ะกชุ้ แบ, พี่ ม แม้ช้า เกม๊า พ้องพลิ้-อ้า ดี๊ อ แน่ ล อ้าไทะ ท๊อง ล แน่ฌ๊า เท่อ แบ-อ้า นอ แบ
เกม๊า แม้ ไค้ะซ๊า โพล้ง ล ชื้อ อี้ง อเซิงอซ้ะ ดี๊ แม้ อ้าไทะ อ แน่ ดี๊ แม้ โบล อ เมะ เมะ ล แม้ บี่นอ แบ, อ เว๊ ม แด เท่อ ดี๊ อ เมะ แน่ฌ๊า เท่อ ดี๊ อ แน่ ดี๊ แน เท่อ ซี ดี๊ อเซิงอซ้ะ ฌ้อง แกยไท้ อ ซ้ะ ดี๊ นี่แบ ทแม้ ก้องแย่ ไท้”
พี่ โมเซ ซี๊ง นอ, อ โญะ โอ อ เนง ล แย้ คี๊ง ชี๊ง, อ เว๊ อ เมะคลี๊ง ล ไค้ะ ได้ะ แบ, ดี๊ อไฌ่อแบ้ ล ล้างแช่ ได้ะ แบ
ล พ๊า แย๊ นอ เอลี มี๊งน้าง ลู่ง อ ล่าง มี๊ง คู, (อ เมะ ไค้ะ แคว่ เท่อ ล เอะ แด ล้าแบ)
เอลี นอ อ โญะ ควี๊ง ชี๊ง โฆะ เนง เย้า, อ เมะ ไค้ะ แคว่ เท่อ ล แด ล้าแบ
