9 โพล้งแม้ซไบ้ะแซที๊ง อ คู ล แฌ้ นอ, อางโล๊ไท้ อ ท อางมี๊งม่าง เอะ โยซิ้ ไจ้ะเว๊, “ก อางมี๊งม่าง เท่อ, ก แด ซไบ้ะ มื่ง โอ ลู่ง ก เมะแซ พ้า
ลู่ง ไค๊ นอ, ค่าง อีไย้ะ อ กจุ้แฆว้ อ เพล่ แม้ซไบ้ะแซที๊ง, ดี๊ อ เพล่ แม้ กู นอ, แม้ ไพ้ะ แบ อคูอแน่, เมะเว๊ กจุ้แฆว้ ลู่ง ค่าง อีไย้ะ พ้า
ซไบ้ะ มื่ง นอ, อ ได้ โอ ซ๊า ได้, พี่ อ แลบาง ซยุ้ทาง, อ โพ๊ ทู่ทาง นอ, โอ ดี๊ อ โพ๊ ต้างแต ทาง อ ซ้ะ, ดี๊ อ โพ๊ น๊างเชา นอ, เกทางก้ะ ซไบ้ะแซ เม๊ง เฆาะ
ฟาโร ซ้ะทาง ดี๊ กดูกแซย่ คี๊ง แฌ้ นอ, เมะเว๊ โพล้งแม้ ซไบ้ะแซที๊ง อ คู, ดี๊ โพล้ง แม้ กู อ คู นอ ล้อ
อซื๊งเว๊ ไคล้ช๊า-อ้ะ ไจ้ะเว๊, “เฆ้อ คี๊ง แฌ้ ก อางมี๊งม่าง เท่อ, ดี๊ โพล้ง ล โอ โล้ ล้างที๊ง เอะ เฆ้อ แบ”, โยซิ้ โล้ เอะ-อ้ะ ไจ้ะเว๊, “กแช่แยว้ โล้ ล้างที๊ง เว๊ ซี, ล เมะ แบ-อ้า?, อวีงซ้ะชู้, อางโล๊ไท้ เอะ แย้ แดเทา”
“จ กจุ้แฆว้-เอ้อ, น แคว่ เท่อ, ดี๊ แคว่เซ้อ, โอ ดี๊ ทเค่งทฌ้าง พ้ะดู, ทเค่งทฌ้าง อี้ง ดู เต้ๆ, ดี๊ โฌ่งฆีง ดู มะ, ช๊างล้าง อ ซ้ะ ลู่ง น เมะแซ พ้า, ดี๊ อเค่งอฌ้าง ล้าง ซ้ะเม
ลู่ง ไค๊ ทึ นอ ดานีเอง เฌ๊ฆ้างฌูง เฆ้อ, อ เว๊ อ เม้ง เบงเทชาซา, บี่ซุ้ดี๊ ก ท กโช้งกแช่ อ เม้ง, อ เว๊ โอ ดี๊ กเย่ ท อ กแช่ พี่ อฌี้อแอว้ นอ อวีงอแล้, ก อางโล๊ไท้ เอะ-อ้ะ ท อางมี๊งม่าง บี่อี้ง
