ทอคางไท้ะ 4:4 - Northern Pwo Karen Thai Bible

⁴ เมะ อาเบง นอ, แม้นี่ แกะ วี่แซย่ ลู่ง แกะ น๊างมู๊ง พ้า, ดี๊ แม้นี่ แกะ อซูอไย้ เฌ๊ เทว๊ เว๊, กแช่ยาเว แบ อ ซ้ะ ดี๊ อาเบง, ดี๊ อ ทเทว๊ นอ ล้อ

ทอคางไท้ะ 4:4 교차 참조

ทอคางไท้ะ 15:17

ท่อง มื่ง ล้างนึ ดี๊ ทไค้ะไชวะ นอ, โอ ดี๊ มีอ้า ล่าง พี่ อ คูงทาง, ดี๊ โซย๊ เค้ เฌ๊ ดี้งล้าง ลู่ง ทพูแฆ่ แย อ ไก้ ลแพ นอ อ โป้ง พ้า

ทอคางไท้ะ 4:3

โอ ล นี้ง, คาเอง แม้นี่ ทซูงทแซ ลู่ง ฌางคู ล่าง, เฌ๊ โชะ เว๊, เก ทเทว๊ เอะ กแช่ยาเว

1​กจุ้แฆว้ 18:24

ฌ้อง เกม๊า น ซื๊งซีง กุ้ทาง น ทกโช้งกแช่ อ เม้ง, ยี๊ แด จ ม กุ้ทาง กแช่ยาเว อ เม้ง, กแช่ พี่ แฌ้ เล้ ไคล้ช๊า เท่อ ดี๊ มี นอ, กแช่ ล แฌ้ แย๊ นอ ล้อ เก กแช่ เต้ๆ”, ดี๊ โพล้งเฌงพูฆ๊างพู ลแพ นอ ไคล้ช๊า เว๊ ไจ้ะเว๊, “ด้องซุ้ น ไจ้ะ นอ ฌี้ เย้า”

1​กจุ้แฆว้ 18:38

ฌ้อง กแช่ยาเว อ มี ล้างเทะ, ดี๊ เช้าไฆวะ ทลื่งทาง เช้า ทพูแฆ่ น๊างดื้ง, ดี๊ เซงมื่ง, โล่ง, ดี๊ ฌางคู มูง ดี๊ อางไฆวะ ที๊ง ลู่ง ที๊งคางชวี้ พ้า นอ ไฆ๊ ท้ะ

1​ทกวิ้ไน 21:26

ฌ้อง ดาเว ไต้ทางนี่ ทลื่งล่าง เทว๊ เอะ กแช่ยาเว พี่ นอ, ดี๊ เทว๊ ทลื่งทาง เช้า ทพูแฆ่ น๊างดื้ง, ดี๊ ทลื่งทาง แม้ฆู๊งแม้พุ้ เท่อ, ดี๊ กุ้ทาง กแช่ยาเว, ดี๊ อ เท่อ ไคล้ช๊า ดี๊ มี โอนี่ ลู่ง มุ้คู, อางไฆวะ ทลื่งทาง เช้า ทพูแฆ่ น๊างดื้ง ลู่ง ทลื่งล่าง คู นอ

2ทกวิ้ไน 7:1

พี่ ซาโลโม ชูแพ อางท่าง เท่อ ทึ เย้า นอ, มี โอนี่ ลู่ง มุ้คู เฌ๊ล้าง อางไฆวะ ทลื่งทาง เช้า ทพูแฆ่ น๊างดื้ง, ดี๊ ทพูแฆ่ ลื่งทาง เท่อ นอ ดี๊ กแช่แยว้ อโฌ่งอพ้าง โอ ฆวี้ กแช่แยว้อล่างโอ พ้า นอ ล้อ

ทอางปฆ้า 20:3

เกม๊าเต้ นางแบทางไท้ น ทเทว๊ เลาพะ ดี๊ เกม๊าเต้ แบเมะล้างซ้ะแน้, ดี๊ น ทลื่งทางเช้าน๊างดื้ง นอเซ่-ลา

ทไจทางไฆวะ 13:12

ทกุ้เม้ง พี่ กึทาง พ้ะทาง อ ต้องคู นอ, น แบ เทว๊ เอะ กแช่ยาเว ดี๊ ทพูแฆ่ อ พู วี่แซย่ อ แพ๊ พี่ พ้ะทางนี่ ดี๊ น ทพูแฆ่ โด้ง นอ, เก กแช่ยาเว อ เท่อ ล้อ

ทอางด้อง 3:9

เกม๊า เทว๊ ทฆี๊งทแล้ เอะ กแช่ยาเว ดี๊ นคองนแซย้ ดี๊ น เท่อ กุ้เม้ง อซูงอแซ อ ต้องคู

ทโกงซีมองแบ 4:4

ดี๊ จ แด ทไพ้ะทแม้ น้ะ กุ้เม้ง, ดี๊ ท เดว้ฌี้พลี๊ฌี้ ลู่ง ทไพ้ะทแม้ พ้า กุ้เม้ง นอ, เฌ๊นี่ ดี๊ โพล้ง อ ทไคว๊เซิงไคว๊ซ้ะ ดี๊ อ ฌุ้พาง, อ อี้ง นอ ลเฌิ่งลค๊า แบ ปะ, เมะเว๊ ล ล้างเปิ่งล้างเอ้ง แบ

เลวี​อ​ไฌ่ 9:24

มีเค้ เฌ๊นี่ ดี๊ กแช่ยาเว, ซยุ้ทาง อางไฆวะ ทลื่งทางเช้าทพูแฆ่น๊างดื้ง, ดี๊ อ ซู อ ไย้, พี่ โอ ทลื่งล่าง คู นอ, ท่อง โพล้งเฌงพูฆ๊างพู ซีง ลแพ แด เว๊ นอ, อซื๊งเว๊ ซองลี้ เท่อ, ดี๊ ซย๊องเท่งล้าง อ เมะ ล้อ

เกล้​ท​ซ้ะวี่ง 16:15

โมเซ อ ซ้ะทาง เต้ๆ, ดี๊ โล้ เอะ กแช่ยาเว ไจ้ะเว๊, “อวีงซ้ะชู้ ฮะนี่ อ ซื๊งเว๊ อ ทลื่งทาง นอ ล ฌี้, แย้, จ ล แม้นี่ อ ซื๊งเว๊ อ แลว้ น่าง ดื้ง แบ, ดี๊ จ ล แม้อ้าแม้ซ๊าง อ ซื๊งเว๊ น่าง แฌ้ แบ”

เกล้​ท​ซ้ะวี่ง 16:35

ดี๊ กแช่ยาเว ดึ้ เกม๊า มี อาง ซี๊งไฆวะ โพล้ง คี๊ง แย้ เย่ ชี๊ง แฌ้, พี่ อ เทว๊ ทน๊าม๊า นอ เฆาะ

เกล้​ท​ซ้ะวี่ง 18:12

ทซู พี่ อ ฌี้ ทึ เลาพะ, ไซ้ะ ซไบ้ะ แซ ที๊ง พี่ อ ฌี้ ทึ, ดี๊ ทคลี๊งทโพ๊ เลาพะ, ดี๊ ทซูงทแซ อ วี่งคู ล ว๊าง, พี่ โพล้ง กุ้ แฌ้ เทว๊ เอะ กแช่ยาเว นอ จ เกล๊าง เอะ แน้ ล้อ

เกล้​ท​ซ้ะวี่ง 18:17

แบเด้าะ เมะ งู้ อ พู วี่แซย่, แกะ อ พู วี่แซย่, ดี๊ แมะ อ พู วี่แซย่ นอ, น ล แบ เทะนี่ไท้-อ้ะ แบ, อ นอ เมะเว๊ เก เท่อ ลู่ง อฌี้อแอว้, เกม๊า น แม้นี่ อ ซวีง ฆวีง แบ ทลื่งล่าง อ คู, ดี๊ แม้นี่ อ ซู นอ เช้า-อ้ะ, เก ทลื่งทาง เช้า ดี๊ มี, ม๊า อ เก ท อ กลื่ง น๊าม๊า ลู่ง แบ กแช่ยาเว อ ซ้ะ

ฮีบรู 11:4

ลู่ง ท ชู่ง ท นะ อ กย้อง นอ, อาเบง เทว๊ เอะ กแช่ แยว้ อ ท ลื่ง ทาง ฌี้ นี่ คาเอง เว๊ ได้ะ, ลู่ง อาเบง อ ท ชู่ง ท นะ อ กย้อง นอ, กแช่ แยว้ โล้ ล้าง เว๊ อ เว๊ เก โพล้ง แบ กแช่ แยว้ อ ซ้ะ, อ ไฌ่ บี่ อี้ง, กแช่ แยว้ เฆว๊ อ ซ้ะ ดี๊ อ ท ลื่ง ทาง, ลู่ง อาเบง อ ท ชู่ง ท นะ อ กย้อง นอ, อ เว๊ ท ไพ้ะ ท แม้ เก ท ซอง ท ซ๊าง เอะ เฆ้อ ได้ะ, ทึ เมะ อ เว๊ ซี๊ง ไยะ เย้า ฌี้ๆ

ฮีบรู 9:22

เต้ๆ, นอ, ทอางแม้เลา โล้ เว้ เว๊ ท เบ้า ม กุ้ อ เม้ง แบ แม้ เช๊ง แม้ เกล้ง-อ้ะ ดี๊ ท ซวีง, ดี๊ กแช่ แยว้ ล ทื๊ง นี่ นะ นี่ โพล้ง อ ท เด้บ้ะ แบ นอ, เมะ ลู่ง ท ซวีง แยว้ ล้าง อ กย้อง ล เม้ง นอ ล้อ

ท​เน​โพล​ทาง 13:8

โพล้ง พี่ อ โอ ฌางคู โคล๊ง คู ม โบง ทาง แบ้ ทาง ท พูแฆ่ อ้า นอ, เมะ โพล้ง พี่ ล โบง ทาง แบ้ ทาง เว๊ แบ ล แพ นอ, อ เม้ง แบ ท กวิ้ไน-อ้ะ ไละ ท ม๊า พ้า ลู่ง ท ล ไต้ ล้าง ฌางคู โคล๊ง คู ได้ะ แบ เย้า, ไละ ล เบง นอ เก แกะ พู พี่ อ แบ ท แม้ ซี๊ง-อ้ะ ล แฌ้ นอ เว๊

โพล้งต้ะเซ๊งเท่อ 6:21

ฌ้อง กแช่ยาเว อ ทมุ้คูพู แม้นี่ นางเพ๊บ้อง พี่ โชะ เว๊ อ จูง ล้อง นอ ต้องดุ้ ทแย ดี๊ กู พี่ ล แบ ดี๊ อ ซีง แบ นอ, ฌ้อง มี เค้ ทาง ลู่ง โล่ง แกล้ มี อาง ทแย ดี๊ กู พี่ ล แบ ดี๊ อ ซีง แบ นอ เลาพะ, ฌ้อง กแช่ยาเว อ ทมุ้คูพู นอ ล้างแม่ไฆวะ ไวะ ล แด เว๊ ล้าแบ

1ซามูเอง 15:22

ซามูเอง ไจ้ะเว๊ “กแช่ยาเว แบ อ ซ้ะ ดี๊ ทลื่งทาง เช้า ทพูแฆ่ น๊างดื้ง, ดี๊ ทพูแฆ่ ลื่งทาง เท่อ แอ ฆวี๊ซุ้ ดี๊ ทชู่งลู่งเน้แท๊ กแช่ยาเว โบ่? แคว่เซ้อ, พี่ ม ชู่งลู่งเน้แท๊ เท่อ นอ, ฌี้เละ ทพูแฆ่ ลื่งทาง เท่อ ได้ะ ดี๊ พี่ ม ช๊องแน เท่อ นอ, ฌี้เละ กเย่ แกะ แพ๊ อ ซู อ ไย้ ได้ะ