3 โอ ล นี้ง, คาเอง แม้นี่ ทซูงทแซ ลู่ง ฌางคู ล่าง, เฌ๊ โชะ เว๊, เก ทเทว๊ เอะ กแช่ยาเว
โอก้ะ ลู่ง ไค๊ นอ, น่าง เอวา อ พู โอ ล แฌ้ เด้าะ, เก คาเอง อ พื่ง, อ เม้ง อาเบง, อาเบง นอ, เก โพล้ง ลื่ง แกะ, เมะ คาเอง นอ, เก โพล้ง เซิงอางพล้ะอาง เท่อ
เมะ อาเบง นอ, แม้นี่ แกะ วี่แซย่ ลู่ง แกะ น๊างมู๊ง พ้า, ดี๊ แม้นี่ แกะ อซูอไย้ เฌ๊ เทว๊ เว๊, กแช่ยาเว แบ อ ซ้ะ ดี๊ อาเบง, ดี๊ อ ทเทว๊ นอ ล้อ
โอ ลู่ง ไค๊ ตบลึ้ นี้ง ที๊งพูกล้อง นอ ล้างไซ้ะ, เมะเว๊ ท ล เฌ๊ช้าล้าง ลู่ง ที๊งล่างค่างพ้า แบ
พี่ ท ล ไฌ่ อี้ง กึทาง นอ, แย้ จ ล โอ ลู่ง เยรูซเลง พ้า แบ, เมะเว๊ จ ลี้ โอ อาทาเซอซี กจุ้แฆว้ เว่ง บาบีโลง, ลู่ง ซ๊าชี๊ง คี๊ง เนง ล เนง พ้า, ลู่ง อ เว๊ อ ชู้ แค๊ นอ, ดี๊ ลู่ง ไค๊ จ เฌ๊ไท้ แดไฆวะ กจุ้แฆว้
ทซู พี่ อ ฌี้ ทึ เลาพะ, ไซ้ะ ซไบ้ะ แซ ที๊ง พี่ อ ฌี้ ทึ, ดี๊ ทคลี๊งทโพ๊ เลาพะ, ดี๊ ทซูงทแซ อ วี่งคู ล ว๊าง, พี่ โพล้ง กุ้ แฌ้ เทว๊ เอะ กแช่ยาเว นอ จ เกล๊าง เอะ แน้ ล้อ
อซื๊งเว๊ แบ น้ะ แบ โน๊ง ดู มะ, พี่ อ โพะ ก้ะ คาเอง อ เกล้, ดี๊ ญ่อง แม้ ไพ้ะ เท่อ บี่ ซุ้ ม นี่ แบ จี้ แบ ด้อง บีเลอาง แม้ เว๊, อซื๊งเว๊ ม เซงทื่งเฌ๊ฌ้อง, เป๊งนี่ อ แม้ ไทะทะ กแช่ แยว้ บี่ ซุ้ โครา แม้ เว๊
