13 แบเด้าะ คาเอง ไคล้ช๊า กแช่ยาเว ไจ้ะเว๊, “จเตาจแต๊ แอ พะไฆวะ พี่ จ ม โท่ง-อ้ะ เก นอ ได้ะ
ท่อง น เซิงอางพล้ะอาง เท่อ ลู่ง ฌางคู คู นอ, ล ซูงทางแซทาง แอๆ, แบ, น ม แบ ไจคุ้ซูง, ดี๊ ไจพลุ้ฌ้ะเม้ง ลู่ง ฌางคูโคล๊งคู”
แคว่ แดเทา, ล นี้ง แย๊ อี้ง, น โฌ๊ไจไฆวะ แย้, ไจแดไฆวะ ที๊งล่างค่างพ้า, ดี๊ ไจ พ้องไฆวะ นเมะนแน๊, จ แบ โอคุ้ซูง, ดี๊ ม เกทางก้ะ โพล้ง ไจคุ้ซูง, ไจพลุ้ฌ้ะเม้ง ลู่ง ฌางคูโคล๊งคู, โพล้ง แฌ้ฌี้ๆ, เมะ แด แย้ นอ, ม แม้ซี๊งไฆวะ แย้ ล้อ”
อ เว๊ ล นะ เว๊ แบ, พี่ อ ม ไจทาง เฌ๊ไท้ นี่ ลู่ง ทไค้ะ พ้า อ เว๊ ม แบ ซี๊ง ดี๊ น้ะ
น แบ ฮะนี่ ท ซ้ะกวี้งล๊องก้อง แอ ลู่ง ท มี๊งฆึโอฆึ พ้า, ดี๊ ท ล้าง ซ้ะลูซ้ะไล้ะ อเตาอแต๊, กแช่ยาเว โล้ เว๊ บี่อี้ง ล้อ
ดี๊ ชู อ้า แบ กแช่ แยว้ ลู่ง มุ้คู ล แฌ้ นอ เป๊งนี่ อ เว๊ง นอ แช๊ น้ะ, แบเด้าะ อ ซื๊ง เว๊ ล เปลง ไท้ ซ้ะ อ ซ๊าง แบ พี่ อ แม้ ท อ้า ท ซ๊าง นอ
มื่ง แซ ล้างเทะ แบ โพล้ง, มื่ง แซ ล โพลงๆ, นอ ฆ๊า ลี่ง ชี๊ง เย่ กีโล, โพล้ง ชู อ้า แบ กแช่ แยว้ เป๊งนี่ อ แบ แบ ท น้ะ ท โน๊ง ลู่ง มื่ง แซ ล้าง อ กย้อง, เมะ เว๊ ท แม้ อ้า แม้ ซ๊าง ล พ๊า อี้ง น้ะ เต้ๆ
ท คู่ เล้า คู่ ล๊าง นอ คู่ แบ โพล้ง กุ้ อ แฌ้, อซื๊งเว๊ ชู อ้า แบ กแช่ แยว้ พี่ อ โอ ดี๊ อ ดู้ง อ ยาง, ดึ้ เกม๊า ท แม้ อ้า แม้ ซ๊าง ล แพ อี้ง นอ กึ ทาง ดี๊-อ้ะ, แบเด้าะ อซื๊งเว๊ ล เปลง ไท้ ซ้ะ อ ซ๊าง แบ ดี๊ ล อางปฆ้า กแช่ แยว้ แบ
