7 ยาคุ้ โอ ดี๊ ท ซ้ะเม, ดี๊ น้ะเซิงน้ะซ้ะ น้ะ มะ, อ เว๊ เกม๊า โพล้ง อางน้างพ้ะ โพล้ง พี่ อ เฌ๊ ดี๊-อ้ะ ลแพ นอ, ดี๊ แมะ, แกะ, งู้, ดี๊ เอ้า น๊างมู๊ง โอเจ คี๊ง โป้ง
อวีงซ้ะชู้ กแช่แยว้, แม้พ้องพลิ้ แย้, เกม๊า จ พ้องไฆวะ ดี๊ จ โจ้ อ จูง, เมะเว๊ พ้องไฆวะ ดี๊ เอโซ อ จูง, เมะเว๊ จ ซ้ะเม-อ้ะ, ไค๊ไก้ะ อ เว๊ ม เฌ๊ แม้ซี๊ง แย้, ดี๊ ก พู ก แม๊ เลาพะ
ยาคุ้ โซ๊งทาง เว้ โพล้งไคล้เดิงเท่อ ตบลึ้ แฌ้, ลี้ เว้ ลู่ง อ โจ้ เอโซ อ โอ, ลู่ง ค่าง เซอี พ้า, ลู่ง เว่ง เอโดง อไฆ่อว้าง นอ
ช๊องมอง เว๊ บี่อี้ง, “เอโซ เมะ เฌ๊ ท้อง วี่ง ล มู๊ง, ดี๊ แม้ซี๊งไฆวะ เว๊ นอ, โพล้ง อ โอก้ะ ลแพ นอ, ม ไจคุ้ซูงไฆวะ ซี
ยาคุ้ บุ้ทาง อ เมะ แคว่ ทาง เท่อ, แด เว๊ เอโซ เฌ๊ ล พ๊าฆ่าง ดี๊ โพล้งแคว๊ อ แฌ้ ลี่ง แย้, ยาคุ้ อางน้างพ้ะ พู ลแพ นอ, เกม๊า น่าง เลอา, น่าง ราเชง, ดี๊ อ เพล่ มืง คี๊ง แฌ้ นอ ล้อ
เกม๊า ก เฌ้เทิงทาง ลี้ ลู่ง เบเอง, พี่ นอ จ ม ไต้ทางนี่ ทลื่งล่าง เทว๊ เอะ กแช่แยว้, พี่ อ ไคล้ช๊า แย้ ลู่ง มื่งนี้ง พี่ จ โอ ดี๊ ท น้ะเซิงน้ะซ้ะ, ดี๊ อ โอ ดี๊ แย้ ลู่ง เกล้ พี่ จ ลี้ -อ้ะ นอ ล้อ”
พี่ โอ ดี๊ ทน้ะทโน๊ง นอ, อซื๊งเว๊ ซีงลแพ นี่ กุ้ทาง เท่อ โล้แบ กแช่ยาเว ฌ้อง นอ กแช่แยว้ แม้พ้องพลิ้-อ้ะ, เกม๊า พ้องไฆวะ ดี๊ ทน้ะเซิงน้ะซ้ะ
โพล้ง พี่ ย๊างซ้ะ แบ โพล้ง อ แฌ้แพ, ดี๊ เกม๊า อางล่อง นี่ เท่อ นอ, โอซยืงโอบ้ะ เมะเว๊ โพล้ง พี่ แม้ อ ทไพ้ะทแม้ ดี๊ ทอเกิ้งอแบ
เกม๊าเต้ กแช่แยว้ แคว่ ลู่ง จ จูงฆุ้ ล โค๊ ดี๊ แคว่ เท่อ เมะเว๊ โพล้ง ล โอ แคว่เมะแคว่แน๊ แย้ น่างแฌ้ แบ จ ทล่างทุ้กดื้งซ้ะ ลโอแบ โพล้ง ล โอ แบคู่ซ้ะอึ้ แย้ น่างแฌ้ แบ
เป๊งนี่ จ แน่ฌ๊า โพล้ง, แอฌี่งแอฌ้อง อ ลู่ง ไคล้ กโช้ เท่อ โอ ดี๊ ทซ้ะเมซ้ะไพล้ กุ้ อ แพ้ พี่ อซื๊งเว๊ ช๊องมอง ซกุ้ เว้ ทแม้ ม ดึ้ซึ้ แย้ โอทาง อ ซ้ะ ม แม้ นี่ จ ท โอม๊า
จ กุ้ทาง กแช่แยว้, โอนี่ ลู่ง มุ้คูทึฌางคูทึ พี่ จซ้ะ ล้างเพาล้างเบ้ อ แค๊ นอ เกม๊าเต้ ลี้ฌ้า แย้ เฌ๊ท้อง ลู่ง ไล๊ พี่ อ โท๊เละ แย้ นอ
พี่ ฟาโร เฌ๊ฆ้าง เบ้า เย้า นอ, โพล้ง อีซลาเอง บุ้ทาง อ คู แคว่ เว๊, แด เว๊ โพล้ง อีไย้ะ เฌ๊ ช่อง-อ้ะ นอ, อซื๊งเว๊ ซ้ะเม เท่อ น้ะ มะ, ดี๊ กุ้ทาง เท่อ โล้แบ กแช่ยาเว
ทไพ่ทแซย๊ ม ยู่ทะแคว่ทะ แน้ ดี๊ ทแนซีโน้งซี ม โอคุ้ทะ แน้
เมะเว๊ กแช่แยว้ ซอง-อ้ะ ลู่ง อ แบ เมาะ อ กแช่แยว้ ซอง-อ้ะ
จ เจ่ น ซื๊ง บี่ ซุ้ แกะ ลี้ ลู่ง ทวีง เม้ง อ แกล้, ท บี่ นอ, แม้ แซย๊ น ซ้ะ บี่ ซุ้ ดี๊ ฌู่ง, ดี๊ เกม๊า น เพาๆ, เบ้ๆ, บี่ ซุ้ ทูลี่ง
กแช่ เยซู ไจ้ะ เอะ-อ้ะ, “แบ ท เล้ น ซื๊ง ซ้ะเม ซ้ะไพล้ เท่อ ย่าง อี้ง, น ท ชู่ง ท นะ ปี๊ น้ะ เล้”, กแช่ เยซู เฌ้เทิง ทาง อางแม้เลา ลี้ง ดี๊ ปางเล, ฌ้อง ที๊ง อ บู้ง ดี๊ ลี้ง โอก้ะ เฌิ่งเพิ่ง เฆาะ ล้อ
จ โล้ น ซื๊ง เท่อ บี่ อี้ง นอ, บี่ ซุ้ น ซื๊ง ม โอ ดี๊ ท มึ ท พ้า ลู่ง น เจ้บึ้ น ซ้ะ ดี๊ แย้, พี่ น ซื๊ง โอ ฌางคู โคล๊ง คู นอ น ม แบ น้ะ แบ โน๊ง ล้อ, แบเด้าะ แม้ น ซ้ะ เมะ เฌิ่ง เมะ ค๊า ไช้ะ, ยี๊ แด จ น้า ฌางคู โคล๊ง คู เย้า”
อซื๊งเว๊ คี๊ง แฌ้ ไคล้ ชอง ทาง โพล้ง แบ้ แยว้ อ ซ้ะ, เกม๊า เว๊ อ ชู่ง เท่อ นะ เท่อ เมะ เฌิ่ง เมะ ค๊า, ดี๊ ไจ้ะ เว๊, “ซลื่อ ก ม นึ กแช่ แยว้ อ มื่ง อ บ้าง นอ, ก แบ เอ้า ก ซ้ะ โท่ง ท น้ะ ท โน๊ง แอ เม้ง ล้อ”
เมะ กแช่ แยว้ ล้อ, พี่ อ แม้ ชอง ทาง ก ซ้ะ ลู่ง ก แบ น้ะ แบ โน๊ง กุ้ อ เม้ง, ดี๊ ก ม เจ่ ท ล เม้ง ฆ่าง อี้ง, แม้ ชอง ทาง โพล้ง พี่ อ โอ ดี๊ ท น้ะ ท โน๊ง ล เม้ง แบ ล เม้ง ล แพ นอ อ ซ้ะ
เต้ๆ, นอ, โพล้ง ลู่ง อ แบ ซ้ะ แบ้ แยว้ เมาน่าง ลู่ง กแช่ เยซู คริ้ อ ซุ้ นอ, โพล้ง ม แม้ น้ะ แม้ โน๊ง-อ้ะ
