9 ลี้ ลู่ง แมะ, แกะ, น๊างมู๊ง พ้า, ดี๊ แม้นี่ แกะพู ฌี้ๆ, คี๊ง ดื้ง, เฌ๊ไท้ โชะ เอะ มู่, มู่ ม เฌ้อาง เอะ น แพ่ อวีงๆ, ด้องซุ้ พี่ แพ่ อาง เว๊ อวีง นอ ล้อ
ดี๊ แน้ ล้อ, น แบ ลี้ โชะ เอะ น แพ่ เกม๊า อ อาง, บี่ซุ้ อ เว๊ ม ชูฌี้ แน้, พี่ ล คลึ้ ซี๊ง ได้ะ แบ อี้ง”
อ เว๊ ลี้ แม้นี่ เฌ๊ไท้ โชะ เอะ อ มู่, อ มู่ เฌ้อาง อวีง, ด้องซุ้ พี่ อ แพ่ อาง เว๊ อวีง นอ ล้อ
แด้เว้ เอะ แพ่ อ ทอาง อวีงๆ, ด้องซุ้ พี่ แพ่ อาง เว๊ อวีง นอ, ดี๊ เฌ๊ โชะ เกม๊า แพ่ อาง, บี่ซุ้ แพ่ ม ชูฌี้ แบ แน้, พี่ ล คลึ้ ซี๊ง ได้ะ แบ อี้ง”
อกย้องบี่นอ, พู-เอ้อ, เกม๊า คุ้ช๊องแน บี่ซุ้ดี๊ มู่ ม อางแบเลา แน้ อี้ง
มาโนอา ไคล้ ดี๊ กแช่ยาเว อ ทมุ้คูพู ไจ้ะเว๊, “ม๊า น โอคุ้แท๊ ล ทีง, เฆ้อ ก ม ไท้ แด้เว้นี่ เอะ แน้ แมะ พู ล ดื้ง”
ดี๊ เจซี แม้นี่ แลว้ ล ดื้ง ต้างทาง กู, ดี๊ โทง ทไพ้ะ ชวี๊งล้าง ไซ้ะ ซไบ้ะ แซ ที๊ง ล โทง, ดี๊ แมะ พู ล ดื้ง, โซ๊ง ลี้ เว๊ ดี๊ อ พู ดาเว นอ เกม๊า เอะ ซาอู
