4 แด้เว้ เอะ แพ่ อ ทอาง อวีงๆ, ด้องซุ้ พี่ แพ่ อาง เว๊ อวีง นอ, ดี๊ เฌ๊ โชะ เกม๊า แพ่ อาง, บี่ซุ้ แพ่ ม ชูฌี้ แบ แน้, พี่ ล คลึ้ ซี๊ง ได้ะ แบ อี้ง”
ฌ้อง ชูฌี้ อาบราง ไจ้ะเว๊ “เกม๊า อาบราง นี่แบ ทชูฌี้ ดี๊ กแช่แยว้ ดูทึโท๊ทึ พี่ อ ไต้ล้าง มุ้คู ดี๊ ฌางคูโคล๊งคู ล แฌ้ นอ
อ ซื๊งเว๊ ชูฌี้ น่าง เรเบคา, ดี๊ โล้ เอะ เว๊ บี่อี้ง, “พื่ง-เอ้อ, อวีงซ้ะชู้ เกม๊า น เก โพล้ง อ แฌ้ ลู่ง อ ล้าง พ้า อ มู่, ดี๊ อวีงซ้ะชู้ เกม๊า นชื้อนชะ, นี่แบก้ะ โพล้ง พี่ อ แช๊เมะไฌ๊ซ้ะ ดี๊ แน้ นอ, อ เว่ง ป้ะตู๊ง”
อ เว๊ ลี้ แม้นี่ เฌ๊ไท้ โชะ เอะ อ มู่, อ มู่ เฌ้อาง อวีง, ด้องซุ้ พี่ อ แพ่ อาง เว๊ อวีง นอ ล้อ
ฌ้อง อ เว๊ แม้นี่ ทอาง อวีง, ดี๊ กู พี่ อ แม้ เว๊ นอ, เกม๊า อ พูแคว๊ ยาคุ้ลี้ โชะ เว๊ ล้อ
ยาคุ้ ไคล้ช๊า อ แพ่ ไจ้ะเว๊, “จ เก เอโซ แพ่ อ พู วี่แซย่, จ แม้ บี่ซุ้ดี๊ แพ่ โล้ เอะ แย้ นอ เย้า, เฌ้เทิง ชี๊น้าง อาง ทแย, พี่ จ ลี้ อางฆื๊งนี่ อี้ง แดเทา, บี่ซุ้ แพ่ ม นี่ ชูฌี้ เอะ จ เท่อ”
อีซาฮ้ะ ล นาง-อ้ะ ล้า แบ, เมะเว๊ อ จูง โอ ดี๊ อ ชอง แอฌ้อง, บี่ซุ้ดี๊ อ โจ้ เอโซ อ จูง, อีซาฮ้ะ ชูฌี้ เอะ อ เท่อ นอ ล้อ
อีซาฮ้ะ ไจ้ะเว๊, “เฌ๊ โชะ เอะ แพ่ อ ทอาง, แพ่ ม นี่ อาง ทแย, พี่ แพ่ อ พูแคว๊ อางฆื๊งนี่ เว๊ นอ, ฌ้อง ชูฌี้ แน้”, ยาคุ้ เฌ๊ โชะ เอะ-อ้ะ, อีซาฮ้ะ อาง เว๊ ล้อ, ยาคุ้ เฌ๊โชะ เอะ-อ้ะ ไซ้ะ ซไบ้ะ แซ ที๊ง, ดี๊ อ โอ้ เว๊ แด ล้อ
ยาคุ้ เฌ๊ฆ้าง โอ เบ้า, ดี๊ น๊าม๊า-อ้ะ, ฌ้อง อีซาฮ้ะ น๊า ดุ้ เว๊ อ กลื่ง ลู่ง ไช๊แค่ ล้อง, ดี๊ ชูฌี้ เว๊ บี่อี้ง “แคว่เซ้อ, จ พูแคว๊ อ กลื่ง บี่ซุ้ดี๊ ท อ กลื่ง ลู่ง ทเคแกล้, พี่ กแช่ยาเว ชูฌี้ เว๊
อ เว๊ เฌ้อาง อวีง มะ, เฌ๊ โชะ เอะ อ แพ่, อ เว๊ ไคล้ ดี๊ อ แพ่ ไจ้ะเว๊, “เกม๊า แพ่ เฌ้เทิงทาง อาง ทแย, พี่ พูแคว๊ อางฆื๊งนี่-อ้ะ อี้ง, บี่ซุ้ ม นี่ ชูฌี้ แบ พู ล้อ”
พี่ อีซาฮ้ะ ไคล้ ดี๊ อ พูแคว๊ เอโซ นอ, น่าง เรเบคา คุ้ช๊องแน ฌูง เว๊, ท่อง เอโซ ไจทาง ลี้ ลู่ง ทเคแกล้, บี่ซุ้ อางฆื๊ง ค้ะ อาง ทแย นอ
‘เฌ๊ โชะ เอะ แพ่ อ ทแย, ดี๊ แด้เว้ ทอาง อวีงๆ, เกม๊า แพ่ อาง, ดี๊ แพ่ ม ชูฌี้ แน้ ลู่ง กแช่ยาเว อ เมะแซ พ้า, พี่ แพ่ ล คลึ้ ซี๊ง ได้ะ แบ อี้ง’
ลี้ ลู่ง แมะ, แกะ, น๊างมู๊ง พ้า, ดี๊ แม้นี่ แกะพู ฌี้ๆ, คี๊ง ดื้ง, เฌ๊ไท้ โชะ เอะ มู่, มู่ ม เฌ้อาง เอะ น แพ่ อวีงๆ, ด้องซุ้ พี่ แพ่ อาง เว๊ อวีง นอ ล้อ
เกม๊า กแช่แยว้ พี่ โอ ดี๊ อดู้งอยางอซยื๊งอซย้องแอทึ ชูฌี้ แน้, ดี๊ ดึ้ เกม๊า น พู โอ แอทางโฌ่ทาง, ท๊อง อ เกทาง โพล้ง กุ้ชื้อกุ้ชะ แอฌี่งแอฌ้อง นอ ล้อ
โยซิ้ ไคล้ช๊า อ แพ่ ไจ้ะเว๊, “อ อี้ง นอ, เก จ พูแคว๊, พี่ กแช่แยว้ เกล๊าง เอะ แย้ พี่ อี้ง”, อีซลาเอง ไจ้ะเว๊, “เฌ๊ฆ้างฌ้า น พู คี๊ง แฌ้ นอ, บี่ซุ้ แพ่ ม นี่ ชูฌี้ อซื๊งเว๊ ล้อ”
เลาพะ อี้ง นอ, เก อีซลาเอง อ ชื้อ ล ชี๊ง คี๊ง ชื้อ, อ อี้ง นอ, เก อซื๊งเว๊ อ แพ่ อ ทไคล้, พี่ อ ไคล้ เว๊ ลู่ง อ ชูฌี้ เอะ อซื๊งเว๊ อ เท่อ นอ ล้อ, ยาคุ้ ชูฌี้ เอะ อซื๊งเว๊ กุ้ แฌ้ อ เท่อ, ท๊อง ล แฌ้ๆ, อ ท ชูฌี้ นอ ล้อ
ฌ้อง ซีเมโอง ไป๊ป้อง เอะ อซื๊งเว๊ อ เท่อ, ดี๊ โล้ แบ น่าง มารียา พืงแซ อ มู่ นอ บี่ อี้ง, “พืงแซ อี้ง นอ กแช่ แยว้ อางกี ล้าง เว้ เว๊, ม เกม๊า โพล้ง อีซลาเอง แอ แฌ้ ล้าง แบ เตา แบ แต๊, ดี๊ แอ แฌ้ ม นี่ แบ ท พ้อง ท พลิ้ ลู่ง อ กย้อง, อ เว๊ ม เก ท แม้ไน พี่ โพล้ง ล ญ่อง ฮะ นี่-อ้ะ แบ
พี่ อ ไป๊ป้อง เอะ เว๊ อ เท่อ ได้ะ นอ, อ เว๊ แบ ท โชะ ทาง แด ไฆวะ อซื๊งเว๊ ลู่ง ท มุ้คู
ลู่ง ท ชู่ง ท นะ อ กย้อง นอ, อี้งซฮ้ะ ไป๊ป้อง เอะ ยาคุ้ ดี๊ เอโซ อ เท่อ, อ เว๊ ไคล้ แบฆ้ะ ดี๊ ท อ ฌี้ ล เม้ง แบ ล เม้ง, พี่ ม เก ทาง อ ซ้ะ ดี๊ อซื๊งเว๊ คี๊ง แฌ้ อี้ง โคะ
ท่องอช๊าง นอ โยชูวา ชูฌี้ แบ เยฟูเน อ พูแคว๊ เมะเว๊ คาเล้ะ, ดี๊ เกล๊าง เอะ เว๊ เว่ง เฮโบรง เก อคองอแซย้
ฌ้อง โยชูวา ชูฌี้ แบ อ ซื๊งเว๊ ดี๊ โซ๊ง ไท้ เว๊, อ ซื๊งเว๊ ไท้ ลู่ง อ กแช่ อ เด้า นอ ล้อ
