1 ท่อง อีซาฮ้ะ อ ซ้ะแซย่, ดี๊ อ เมะ ไค้ะ เย้า นอ, อ เว๊ กุ้นี่ อ พู วี่แซย่ เอโซ เฌ๊, ดี๊ โล้ เอะ เว๊ บี่อี้ง, “พู-เอ้อ”, อ เท่อ ไคล้ช๊า-อ้ะ ไจ้ะเว๊, “พู โอ พี่ อี้ง”
ยาคุ้ ไจ้ะเว๊, “ชูล้าง น ซ้ะ ดี๊ แย้, ล นี้ง แย๊ อี้ง ท่อง อ ฌ้อง”, เอโซ ชูล้าง อ ซ้ะ ดี๊-อ้ะ, ดี๊ อางแช๊ พู วี่แซย่ อฌ้องอเก เอะ ยาคุ้ นอ ล้อ
อีซลาเอง นอ อ เมะ ไค้ะ, ลู่ง อ ซ้ะแซย่ อกย้อง, แคว่ เท่อ ล แด น่างเม้ง ล้าแบ, โยซิ้ เฌ๊ฆ้างฌ้า อ พูแคว๊ คี๊ง แฌ้ นอ, เฌ๊ฆ้าง เบ้า ดี๊ อ แพ่, อีซลาเอง โพะโฌ๊ง น๊าม๊า อซื๊งเว๊ ล้อ
เยโรโบอาง อ แม๊ แม้ เว๊ บี่ซุ้ นอ, อ เว๊ เฌ้เทิงทาง ลี้ ลู่ง เว่ง ชีโล, เฌ๊ ท้อง ลู่ง อาฮียา อ เด้า, อาฮียา นอ ล แด เท่อ แบ, เมะเว๊ อ เมะ ไค้ะ เป๊งนี่ อ โญะ แอ เย้า
ล ว๊าง แย๊ พี่ โพล้ง คุ้แคว่ เท่อ โอคุ้ทะ เด้า ม ว้ะโทะ, ดี๊ โพล้ง แคว๊ อชองอไคล๊ ม เก โพล้ง อ โคล๊ง คู้งรู้ง, ดี๊ โพล้ง มืงไฌะ ฌื๊งไน้ะ ม ล ไฌะ เว๊ ล้า แบ, เป๊งนี่ อ แฌ้ ล้างแซย้, ดี๊ กเย่ โพล้ง พี่ แคว่ ล้าง เท่อ ป้อง ล้อง ม ไค้ะเซยา
กแช่ เยซู ไคล้ ช๊า เว๊, “ล เป๊งนี่ อ กแช่ อ ท เด้บ้ะ แบ, ดี๊ อ มู่ อ แพ่ อ ท เด้บ้ะ แบ ปะ, อ เว๊ แด อ เมะโบล นอ, บี่ ซุ้ กแช่ แยว้ ม ปล้ะ ล้าง อ ซยื๊ง อ ซย้อง ลู่ง อ เว๊ อ ล้อง นอ ล้อ
พี่ โมเซ ซี๊ง นอ, อ โญะ โอ อ เนง ล แย้ คี๊ง ชี๊ง, อ เว๊ อ เมะคลี๊ง ล ไค้ะ ได้ะ แบ, ดี๊ อไฌ่อแบ้ ล ล้างแช่ ได้ะ แบ
ล พ๊า แย๊ นอ เอลี มี๊งน้าง ลู่ง อ ล่าง มี๊ง คู, (อ เมะ ไค้ะ แคว่ เท่อ ล เอะ แด ล้าแบ)
