5 อาบราฮาง อ โญะ โอ อ เนง ล แย้ เย้า, พี่ อ พูแคว๊ อีซาฮ้ะ กึทาง นอ
พี่ น่าง ฮากา กึทาง อ พู อีซมาเอง เอะ อาบราง นอ, อาบราง อ โญะ โอ โฆะ ชี๊ง ฆู๊ง เนง เย้า
ท่อง อาบราง อ โญะ โอ ควี๊ง ชี๊ง ควี๊ง เนง นอ, กแช่ยาเว เนโพลทาง อ ซ้ะ ดี๊-อ้ะ, ดี๊ โล้ เอะ-อ้ะ ไจ้ะเว๊, “ก เก กแช่แยว้ พี่ โอ ดี๊ ดู้งยางซยื๊งซย้องแอทึ, เกม๊า น โอม๊า ลู่ง ก เมะแซ พ้า, ดี๊ เก โพล้ง ฌี้ กุ้เม้ง
อาบราฮาง ซย๊องล้าง อ เมะ นี่งควี, ดี๊ ช๊องมอง เท่อ ลู่ง อ ซ้ะ พ้า บี่อี้ง, “โพล้ง แคว๊ อ โญะ โอ อ เนง ล แย้ เย้า, อ พู ม โอซี ชี่-ว้า?, ดี๊ น่าง ซารา อ โญะ โอ อ เนง ควี๊ง ชี๊ง เย้า, อ พู ม กึทาง ซี ชี่-ว้า?”
อาบราฮาง อ โญะ โอ ควี๊ง ชี๊ง ควี๊ง เนง, พี่ อ เว๊ แม้ ทไฌ่ไร้ะไฆวะไพ้ะ, ไร้ะไฆวะ อ ที คู ไพ้ะ นอ
ลู่ง ไค๊ นอ, อ พื่ง โอ เด้าะ, อ จูง นอ พองทะ เอโซ อ คางโนงไค๊, ยื่ง เว๊ อ เม้ง ยาคุ้ พี่ น่าง เรเบคา อ พู กึทาง โอไฆะ นอ, อีซาฮ้ะ อ โญะ โอ อ เนง ฆู๊ง ชี๊ง
อวีงซ้ะชู้ เกม๊า กแคว๊ ล แฌ้ นอ, แบ ท ชูอ้า, เมะเว๊ โพล้ง พี่ อ ลี้ โล้โค จ แพ่ ไจ้ะเว๊ “พูแคว๊ ล แฌ้ เฌ๊ กึทาง เอะ แน้ เย้า” พี่ ดึ้ เกม๊า แพ่ โอ ดี๊ ท ซ้ะอวีงซ้ะโทะ ดู มะ นอ
อ เว๊ อ โญะ เมาะ เว๊ อ เนง ล แย้ เย้า, แบเด้าะ อ ท ชู่ง ท นะ ล ล้างแซย้ แบ, พี่ อ เว๊ แคว่ ล้าง อ ล้อง อ ยาง บี่ ซุ้ ซี๊ง เย้า, ดี๊ อ แม๊ น่าง ซาร้ะ เทา พู
อาบราฮาง เอ้า อ ซ้ะ คุ้แท๊ เท่อ, ท บี่ นอ, อ เว๊ นี่ แบ เท่อ พี่ กแช่ แยว้ เอิ้งล้าง เว้ เอะ-อ้ะ
