11 อาบราฮาง นอ ท แก แบ อ ซ้ะ, แบฆ้ะ ดี๊ อ พูแคว๊ อ กย้อง ดู มะ
ดี๊ อาบราฮาง โล้ แบ กแช่แยว้ ไจ้ะเว๊, “โอ้, อวีงซ้ะชู้, เกม๊า อีซมาเอง โอม๊า ลู่ง กแช่แยว้ อ เมะแซ พ้า”
แบเด้าะ กแช่แยว้ โล้ เอะ อาบราฮาง ไจ้ะเว๊, “เกม๊า ท แก แบ น ซ้ะ, แบฆ้ะ ดี๊ พืงแซ ล แฌ้ นอ, ดี๊ น ฆ่อง มืง อไฌ่อกย้อง ล ฌี้, ท กุ้เม้ง พี่ น่าง ซารา อางท่าง เว๊ นอ, เกม๊า น แม้ บี่ซุ้ดี๊ อ อางท่าง เว๊ นอ, อไฌ่บี่อี้ง, น เม้ง ม ลี้ ท้อง ก้ะ ลู่ง อีซาฮ้ะ อชื้ออชะ ล้อ
กจุ้แฆว้ อ ซ้ะ เฌ๊ฌ้อง น้ะ มะ, ลี้ทาง ลู่ง อ ล่าง ล เช้า แย๊ พี่ อ โอ ป้ะตู๊ง พ๊างคู, ดี๊ ฌาง, พี่ อ เว๊ ไจ ลี้ๆ, ไท้ๆ, อ แค๊ นอ, ไคล้ ไจ้ะเว๊, “โอ้ จ พู อะซาโลง, จ พู, จ พู อะซาโลง-เอ้อ, แย้ จ แบซ้ะ ซี๊ง คิ้ แน้, โอ้ จ พู อะซาโลง, จ พู-เอ้อ”
โพล้ง พี่ ล แฌ้ เล้ เอ อ มู่ อ แพ่ แอ นี่ แย้ นอ, ล เกิ้ง เก จ พู จ ลี้ง แบ, โพล้ง พี่ ล แฌ้ เล้ เอ อ พูมืง พูแคว๊ แอ นี่ แย้ นอ, ล เกิ้ง เก จ พู จ ลี้ง แบ
ล โท้ แย๊ พี่ ก แบ เตา แบ แต๊ นอ, ก เซิง ก ซ้ะ ล มึ ล พ้า แบ, ก แบ มอง แบ ม้ะ, แบเด้าะ ลู่ง ไค๊ โพล้ง พี่ อ แบ ท ซอง ท ซ๊าง เย้า ลู่ง ท แม้ เตา แม้ แต๊ อี้ง อ กย้อง นอ, อ เว๊ ม แบ กแช่ แยว้ อ ซ้ะ, อ แซ เมะ เว๊ ท มึ ท พ้า
