3 อาบราง นอ ซย๊องล้าง อ เมะ ท้อง ฌางคูคู, กแช่แยว้ โล้ เอะ-อ้ะ ไจ้ะเว๊
อาบราฮาง ซย๊องล้าง อ เมะ นี่งควี, ดี๊ ช๊องมอง เท่อ ลู่ง อ ซ้ะ พ้า บี่อี้ง, “โพล้ง แคว๊ อ โญะ โอ อ เนง ล แย้ เย้า, อ พู ม โอซี ชี่-ว้า?, ดี๊ น่าง ซารา อ โญะ โอ อ เนง ควี๊ง ชี๊ง เย้า, อ พู ม กึทาง ซี ชี่-ว้า?”
อ เว๊ บุ้ทาง อ เมะ แคว่ เท่อ, แด โพล้ง แคว๊ ซ๊า แฌ้ ชี๊เทิง โอ ลู่ง อ เมะแซ พ้า ท่อง อ เว๊ แด โพล้ง แคว๊ ซ๊า แฌ้ นอ, อ เว๊ โอนี่ เด้ อ เกล้ ป้ะตู๊งไท้ะ ลี้ซยู๊ ตองช๊าฮะช๊า อ ซื๊งเว๊, ซย๊องล้าง อ ซ้ะ ท้อง ฌางคู คู
ดี๊ ท่อง โพล้งเฌงพูฆ๊างพู แด เว๊ นอ, อ ซื๊งเว๊ ซย๊องล้าง อ เมะ กุ้ทาง เท่อ ไจ้ะเว๊, “กแช่ยาเว-เอ้อ, น เก กแช่แยว้, กแช่ยาเว-เอ้อ, น เก กแช่แยว้”
ฌ้อง กแช่แยว้ ไคล้ เด้าะ ไจ้ะเว๊, “แย้, จ เก น แพ่ อ กแช่แยว้, เก อาบราฮาง อ กแช่แยว้, อีซาฮ้ะ อ กแช่แยว้ ดี๊ ยาคุ้ อ กแช่แยว้”, โมเซ แม้ไบ้ะทะ อ เมะ, เมะเว๊ ซ้ะเม เท่อ, แคว่ กแช่แยว้ ล เบิง แบ
ท โฌ่ง ฆีงฆอง พี่ โอ วะชวะ นอ, อมยู๊อฮ๊าง บี่ซุ้ดี๊ ล๊าง ล้างโอ้ที๊ง, พี่ โพลทาง ลู่ง ทเอิง พ้า, พี่ ทเฌ๊ช้า อ แค๊ นอ กแช่ยาเว อโฌ่งอพ้าง อมยู๊อฮ๊าง ดี๊ อเค่งอฌ้าง แม้ อ ซ้ะ บี่อี้ง ล้อ, ดี๊ ท่อง จ แด-อ้ะ เย้า นอ, จ ซย๊องล้าง จ เมะ ท้อง ฌางคูคู, ดี๊ จ แน่ฌ๊า โพล้ง ล แฌ้ อ ลู่ง ไคล้
ทบี่นอ, จ เฌ้เทิง ไจทาง ลี้ ลู่ง ทพุ้ทแด้, ดี๊ อี้ง-เซ้อ, กแช่ยาเว อโฌ่งอพ้าง โอ พี่ นอ, บี่ซุ้ดี๊ อโฌ่งอพ้าง พี่ จ แด แบ เว๊ ลู่ง ที๊ง เคบา อ กล้อง พ้าไท้ะ, ฌ้อง นอ จ ซย๊องล้าง จ เมะ ท้อง ฌางคูคู
พี่ อ ซื๊งเว๊ ซีง ลแพ เป้ กล้าง เท่อ อ แค๊ นอ, จ โอ ยื่งเย้ง ล แฌ้ เฆาะ, จ ซย๊องล้าง เมะ ท้อง ฌางคูคู กุ้ซย้ะ เท่อ บี่อี้ง, “ทอดูทึโท๊ทึกแช่ยาเว-เอ้อ, น ม แม้ เฌ๊ฌ้อง โพล้ง อีซลาเอง พี่ โอ ล้างลื๊อก้ะ นอ ท่อง อ เลา, บี่ซุ้ แม้ ไจทาง น ท ซ้ะทาง ลู่ง เยรูซเลง อ คูด้าง-อ้า?,”
ฌ้อง จ แน่ฌ๊า อ ลู่ง ไคล้, ท่อง จ แน่ฌ๊า ท อ ลู่ง ไคล้ นอ, จ โคะล้าง ซย๊องล้าง เมะ ดี๊ ฌางคู ซ้ะนาง จ ซ้ะ ไชวะ
โมเซ ดี๊ อาโรง นอ ซย๊องเท่งล้าง อ เมะ ลู่ง โพล้ง อีซลาเอง น๊างมู๊ง อทแพโซง ล่าง อ เมะแซ พ้า
อ เว๊ คี๊ง แฌ้ นอ ซย๊องล้าง อ เมะ ดี๊ ไจ้ะเว๊, “กแช่แยว้ พี่ อ เก กโพล้ง กุ้ แฌ้ อ วีง อ แล้-เอ้อ, พี่ โพล้ง แม้ ไพ้ะ แบ เท่อ ล แฌ้ ล้อ นอ, น ม ซ้ะทาง ดี๊ โพล้ง น๊างมู๊ง เลาพะ โบ่?”
“ม๊า ไจแดไฆวะ โพล้ง น๊างมู๊ง ลแพ อี้ง, จ ม แม้ ซี๊งทู่งอูงเล้งไฆวะ-อ้ะ ท่อง อ เลา ล ทีง ฆ่าง เฆาะ”, อ เว๊ คี๊ง แฌ้ นอ ซย๊องล้าง อ เมะ ท้อง ล้าง ลู่ง ฌางคู คู ล้อ
ท่อง อ พู อ ลี้ง ซีง แน่ฌ๊า แบ ท อ ลู่ง นอ, ซ้ะเม เว๊ น้ะ มะ, ฌ้อง คะด้ะ ล้าง อ ซ้ะ ฌางคู คู
โพล้ง ล แฌ้ นอ ไคล้ช๊า-อ้ะ ไจ้ะเว๊, “เมะ เอะ, พี่ จ เฌ๊ พี่ อี้ง นอ, เมะเว๊ จ เก กแช่ยาเว อ ซึ้พู น๊างมู๊ง นอ อ คู ดู ทึ”, โยชูวา คะด้ะ ล้าง อ ซ้ะ, อ เมะ ท้องล้าง ฌางคู คู แบ้ทาง เว๊ ฌ้อง ไจ้ะเว๊, “จ กแช่-เอ้อ, น ม เกม๊า น เพล่ แม้ ทเม้งเล้?”
พี่ จ แด แบ อ เว๊ นอ จ คะด้ะ ล้าง จ ซ้ะ ลู่ง อ คางไท้ะ แบ ด้อง จ ซี๊ง เย้า, แบ เด้าะ อ เว๊ ทุ้ แบ แย้ ดี๊ อ จูง ฆุ้ ล โค๊ ฌ้อง ไจ้ะ เว๊, “ซ้ะเม ล ฌี้, แย้ จ เก ท อ วี่งคู ดี๊ ท อ ไค๊ ทึ ล้อ
ดี๊ โอ ท่อง มีแล ลู่ง ทลื่งล่าง ดี้งทาง ลู่ง ทมุ้คู นอ, กแช่ยาเว อ ทมุ้คูพู นอ ลี้ทาง โพะ มีแล ลู่ง ทลื่งล่าง คู อ ไค๊ พี่ มาโนอา ดี๊ อ แม๊ คุ้แคว่ดุ้ เว๊ แค๊, ดี๊ อ ซื๊งเว๊ ซย๊องเท่งล้าง อ เมะ ฌางคู คู นอ ล้อ
