ทอคางไท้ะ 17:11
9 교차 참조
โพล้ง ล ชื้อ แด เฌ๊ โอ ดี๊ แน้ เมะ โอ, ดี๊ แบซ้ะ ทื๊ง ทไฌ่ ปาซกา เทว๊ เอะ กแช่ยาเว นอ, เกม๊า อ แคว๊ ลแพ นอ แม้ ทไฌ่ ไร้ะไฆวะ ไพ้ะ กุ้ แฌ้ ท่อง อ ฌ้อง, ฌ้อง เกม๊า เฌ๊ฆ้าง เบ้า, ดี๊ แม้โพะ ทไฌ่ นอ อ ไค๊ ซี, อ เว๊ ม เก บี่ซุ้ดี๊ โพล้ง กึทาง ลู่ง ที๊งล่างค่างพ้า นอ, แบเด้าะ โพล้ง กุ้ แฌ้, พี่ ล นี่ แม้ ทไฌ่ ไร้ะไฆวะ ไพ้ะ ได้ะ แบ นอ, ม อาง เท่อ ลู่ง ทไฌ่ ปาซกา พ้า นอ ล ซี แบ
ท่อง อ ช๊าง นอ กแช่ แยว้ อางกี ล้าง เอะ ก พู๊ง อาบราฮาง อ ท ไฌ่ ไร้ะ ไฆวะ ไพ้ะ, เก ท เอิ้งล้าง อ ท แม้ไน, ท บี่ นอ พี่ อี้งซฮ้ะ กึ ทาง นี่ ล เนว๊ นอ, อ แพ่ อาบราฮาง แม้ เอะ-อ้ะ ท ไฌ่ ไร้ะ ไฆวะ ไพ้ะ นอ ล้อ, อี้งซฮ้ะ อ พูแคว๊ โอ อ เม้ง ยาคุ้, ยาคุ้ นอ อ พูแคว๊ โอ ล ชี๊ง คี๊ง แฌ้ พี่ อ เก ก พู๊ง ลู่ง แย๊ อู้ง นอ
ฌ้อง อ เว๊ แม้ ท ไฌ่ ไร้ะ ไฆวะ ไพ้ะ, เก ท แม้ไน พี่ กแช่ แยว้ แคว่ เว๊ เก โพล้ง แบ อ ซ้ะ, ลู่ง อ ท ชู่ง ท นะ อ กย้อง, พี่ อ เว๊ ล แม้ ท ไฌ่ ไร้ะ ไฆวะ ไพ้ะ ได้ะ แบ เย้า, ท บี่ นอ อาบราฮาง เก แพ่ ลู่ง โพล้ง กุ้ แฌ้ อ ฌ่าง, พี่ อ ชู่ง นะ กแช่ แยว้, ทึ เมะ ล แม้ ท ไฌ่ ไร้ะ ไฆวะ ไพ้ะ แบ ฌี้ๆ, บี่ ซุ้ กแช่ แยว้ ม แคว่ อซื๊งเว๊ เก โพล้ง แบ อ ซ้ะ
광고