16 เมะ ฟาโร นอ, แบเมะล้างซ้ะ ดี๊ อาบราง ลู่ง น่าง ซาไร อ ฌ่าง, อาบราง นอ, นี่แบ แกะ, งู้, แลว้ แพ๊, ฆ่อง แคว๊, ฆ่อง มืง, แลว้ มู่, ดี๊ เอ้า
อาบราง โอกู้งโอล๊า ดี๊ ทพูทแฆ่ น๊างมู๊ง, จี้ ดี๊ ท๊อง แอ มะ
ฌางคู ล่าง พี่ นอ, ล เล่ แบ, พี่ ม เกม๊า อ ซื๊งเว๊ โอซยอง โละซ้ะ ซี, อไฌ่บี่อี้ง, อ ซื๊งเว๊ อคองอแซย้ โอ แอ มะ, อกย้องบี่นอ, โอซยอง โละซ้ะ ล ซี แบ
อาบราง อ แม๊ น่าง ซาไร นอ, อ พู ล โอ แบ, อ เว๊ อ เพล่ มืง โอ ล แฌ้, เก โพล้ง อีไย้ะ, อ เม้ง น่าง ฮากา
อาบีเมเละ แม้นี่ แกะ, งู้, ดี๊ อ ฆ่อง มืง ฆ่อง แคว๊, เกล๊าง เอะ อาบราฮาง, ฌ้อง เกม๊า ไท้ เอะ เว๊ อ แม๊ น่าง ซารา นอ ล้อ
กแช่ยาเว ชูฌี้ แบ จ เซงคู แอ มะ, อ เว๊ เกทางเกโท๊, กแช่แยว้ เกล๊าง เอะ-อ้ะ แมะ, แกะ, ดี๊ งู้ น๊างมู๊ง, จี้ ดี๊ ท๊อง, ดี๊ อ เพล่ มืง เพล่ แคว๊, เอ้า ดี๊ แลว้
อ เว๊ อ แกะ, ดี๊ อ งู้ โอ น๊างมู๊ง, ดี๊ อเพล่อบาง โอ แอฌี่งแอฌ้อง, โพล้ง ฟีลีเตีย นอ, ไคว๊เซิงไคว๊ซ้ะ-อ้ะ ล้อ
ยาคุ้ อ เท่อ โอทางช๊องทาง แอ มะ, โอ ดี๊ อ แมะ, อ แกะ น๊างมู๊ง แอฌี่งแอฌ้อง, โอ ดี๊ อ เพล่ มืง เพล่ แคว๊, เอ้า ดี๊ แลว้ น๊างมู๊ง นอ ล้อ
จ โอ ดี๊ งู้, แลว้, แมะ, แกะ, น๊างมู๊ง, โอ ดี๊ เพล่ แคว๊ เพล่ มืง, จ เจทาง โพล้ง เฌ๊ โล้ แบ จ เซงคู, บี่ซุ้ จ ม นี่แบ ท แบเมะล้างซ้ะ ลู่ง น เมะแซ พ้า’, ”
อคองอแซย้ นอ โอ เว๊ แด แกะ เนว๊ม๊า ดื้ง, เอ้า ซ๊าม๊า ดื้ง, งู้ เย่แย้ กู่ง, แลว้ มู่ เย่แย้ ดื้ง, ดี๊ อเพล่อบาง โอ แอฌี่งแอฌ้อง, ทบี่นอ, กเย่ โพล้ง ลู่ง มื่งทาง ล โค๊ อ แกล้ นอ, กแคว๊ ล แฌ้ อี้ง ล้อ อ ทโอทช๊อง แอทึ
ดี๊ กแช่ยาเว ชูฌี้ชูแอว้ โยบา อ ทโอม๊า ลู่ง อ ไค๊ทึ, แอเละ อ ทโอม๊า ลู่ง อ ต้องคู อู้ง ได้ะ, ดี๊ อ เว๊ อ แกะ โอ ลไซ ลี่งม๊า ดื้ง, เอ้า ฆู๊งม๊า ดื้ง, งู้ แพ๊ อ กู่ง ลม๊า, ดี๊ แลว้ มู่ อ ดื้ง ลม๊า
แบ เด้าะ เพล่ ล แฌ้ นอ เมะ ช๊องมอง เว๊ ลู่ง อ ซ้ะ พ้า, ‘พะ ไยะ ได้ะ จ กแช่ ม เฌ๊ ไท้’, ฌ้อง อ เว๊ ม ท่าง เพล่ อ แฌ้แพ, มืง ฌี้, แคว๊ ฌี้, ดี๊ ม อาง มี้ โอ้ ไซ้ะ ท้อง อ ม้า เว๊
