กาลาเต 4:14 - Northern Pwo Karen Thai Bible

¹⁴ ทึ เมะ จ ท เจ้า ท แช๊ ลองดุ้ น ซื๊ง ซ้ะ น้ะ มะ ฌี้ๆ, น ล ดึ้เดว แย้ แบ, ล แช๊เมะ ดี๊ แย้ แบ ดี๊ ล ญ๊อง ไฆวะ พลุ้ ฌ้ะ แย้ แบ, แบเด้าะ น ฮะ นี่ แย้ บี่ ซุ้ จ เก ท มุ้คู พู เฌ๊ เว๊ ลู่ง กแช่ แยว้ อ โอ, ดี๊ บี่ ซุ้ น ม ฮะ นี่ กแช่ เยซู คริ้ นอ ล้อ

กาลาเต 4:14 교차 참조

2​ซามูเอง 14:17

ดี๊ น เพล่ มืง ช๊องมอง เว๊ บี่อี้ง, ‘เกม๊า จ เซงคู กจุ้แฆว้ อ ทไคล้ นอ, เก ททุ้เซิงทุ้ซ้ะ อ ล่าง’, เมะเว๊ จ เซงคู กจุ้แฆว้ นอ, อางเพ๊งล้าง เก แบด้อง กแช่แยว้ อ ทมุ้คูพู, พี่ อ ซีงแฌ๊ ทอฌี้ ดี๊ ท อ อ้า, เกม๊า กแช่ยาเว น กแช่แยว้ โอ ดี๊ แน้ แดเทา”

2​ซามูเอง 19:27

อ เว๊ ไท้ โล้ เอะ จ เซงคู กจุ้แฆว้, อ เว๊ ซี๊งเคพะเพิ่ง น เพล่, แบเด้าะ, จ เซงคู กจุ้แฆว้ เก แบด้อง กแช่แยว้ อ ทมุ้คูพู, พี่ น แด-อ้ะ เกิ้ง ม แม้ เอะ แย้ บี่จะเล้ นอ แม้ แดเทา

โยบา 12:5

โพล้ง พี่ อ โอโบโอโย๊ นอ, แม้ไฌ๊ซ้ะ ท เคาะอ้าน้างอ้า พี่ อ กึทาง ซี ดี๊ โพล้ง ลู่ง อ ไร้ะมื่งไร้ะไฆวะ ม ล้างเทะเค้า นอ

ทอางปฆ้า 119:141

แย้ จซยางจน้ะ ดี๊ แบ ท แคว่แช้แคว่เด แบเด้าะ จ ล ซ้ะนาง กแช่แยว้ อ ท อางกีล้าง แบ

ทโกงซีมองแบ 9:16

แบเด้าะ จ ไจ้ะ บี่อี้ง, ทโกงซีมองแบ นอ, ฌี้เละ ไฌ่แบ้ ได้ะ, ทึเมะ กแคว๊ ล แฌ้ นอ, อ ทโกงซีมองแบ แบ ทดึ้เดว, ดี๊ โพล้ง ล โอ คุ้ช๊องแน อ ทไคล้ น่างแฌ้ แบ ฌี้ๆ, ล้อ

เซคารียา 12:8

ล นี้ง แย๊ นอ, กแช่ยาเว ม ยู่ทะแคว่ทะ โพล้ง เยรูซเลง, บี่ซุ้ เว๊ โพล้ง พี่ อเพาอแช่ ทึ ลู่ง อซุ้อแกล้ พ้า, ล นี้ง แย๊ นอ, ม เก บี่ซุ้ดี๊ ดาเว, ดี๊ ดาเว อชื้ออชะ ม เก บี่ซุ้ดี๊ กแช่แยว้, บี่ซุ้ดี๊ กแช่ยาเว อ เพล่ มุ้คูพู ลี้วี่ง ลู่ง อ ซื๊งเว๊ ซีง ลแพ อ เมะแซ พ้า

มาลาคี 2:7

เมะเว๊ โพล้งลื่งเท่ออคู อ นุ้เฌะ นอ, เกิ้ง แฌแซกต้างทะ ทซีงแฌ๊, ดี๊ โพล้ง ซีง ลแพ เกิ้ง อางฆื๊งนี่ ทซองทซ๊าง ลู่ง อ เว๊ อ นุ้, อไฌ่บี่อี้ง, อ เว๊ เก กแช่ยาเว ซึ้คู ดูทึชองทึ อ โพล้งไคล้เดิงเท่อ

ม้ะทู 10:40

โพล้ง พี่ อ ฮะ นี่ น ซื๊ง นอ, อ เว๊ ฮะ นี่ แย้ ปะ ล้อ, โพล้ง พี่ อ ฮะ นี่ แย้ นอ, ฮะ นี่ โพล้ง พี่ อ เกม๊า จ เฌ๊ ล้าง ล แฌ้ นอ ปะ ล้อ

ม้ะทู 18:5

ดี๊ โพล้ง แฌ้ ฌี้ แฌ้ ฌี้, พี่ อ ฮะ นี่ พืงแซ บี่ โย้ ล แฌ้ ลู่ง จ เม้ง จ แซ นอ, บี่ ซุ้ อ ฮะ นี่ แย้ ปะ ล้อ

ม้ะทู 25:40

ฌ้อง กจุ้แฆว้ ล แฌ้ นอ ม ไจ้ะ เอะ เว๊, ‘จ โล้ เอะ น ซื๊ง โต้ๆ, ล้อ, พี่ น แม้ เอะ โพล้ง ปี๊ ทึ ลู่ง จ ด๊างพื่งวี่ อ แกล้ อี้ง นอ ที๊ ซุ้ๆ, ดี๊ น แม้ แบ เอะ แย้ ล้อ’

ลูกา 10:16

กแช่ เยซู โล้ เอะ อ พู อ ลี้ง ล มู๊ง นอ, “โพล้ง พี่ อ ช๊องแน น ซื๊ง นอ ช๊องแน แย้ ปะ, โพล้ง พี่ ล ญ่อง ฮะ นี่ น ซื๊ง แบ นอ ล ญ่อง ฮะ นี่ แย้ แบ ปะ, ดี๊ โพล้ง พี่ ล ฮะ นี่ แย้ แบ ล ฮะ นี่ โพล้ง พี่ อ เกม๊า จ เฌ๊ ล้าง ล แฌ้ นอ แบ ปะ ล้อ”

โยฮาง 13:20

จ โล้ เอะ น ซื๊ง โต้ๆ, ล้อ, โพล้ง พี่ อ ฮะ นี่ โพล้ง ลู่ง จ เกม๊า อ ลี้ เท่อ นอ, อ เว๊ ฮะ นี่ แย้ ปะ ล้อ, โพล้ง พี่ อ ฮะ นี่ แย้ นอ, อ เว๊ ฮะ นี่ โพล้ง ลู่ง อ เกม๊า จ เฌ๊ ล้าง ล แฌ้ นอ ปะ ล้อ”

1​โคเรง 1:28

กแช่ แยว้ อางลึ นี่ เท่อ, พี่ โพล้ง ฌางคู คู ดึ้เดว ทื่งแช้ เว๊, ดี๊ เอน้า ชางบ้า เว๊, บี่ ซุ้ กแช่ แยว้ ม แม้ เฌ๊ฌ้อง ไฆวะ เท่อ, ลู่ง โพล้ง ฌางคู คู ทื๊ง เว๊ เก เท่อ ลู่ง อ ล้างเปิ่ง

1​โคเรง 4:10

ก เก โพล้ง ล กลุ้ ล จ้ะ แบ ลู่ง กแช่ เยซู คริ้ อ ฌ่าง, แบเด้าะ น ซื๊ง โอ ดี๊ ท โกง ท มอง ลู่ง กแช่ เยซู คริ้ อ ซุ้, ก ไฌ่ ก แบ้ ล โอ แบ, แบเด้าะ น ซื๊ง นอ ไฌ่ ชอง แบ้ ชอง, ก เว๊ ก โอ ดี๊ ท เอน้า ชางบ้า, แบเด้าะ น ซื๊ง โอ ดี๊ ท ฆี๊ง เมะ ฆี๊ง แน๊

2​โคเรง 5:20

ท บี่ นอ, ก เก โพล้ง ไคล้ คิ้ กแช่ เยซู คริ้, พี่ ก ไคล้ เท่อ นอ เก กแช่ แยว้ ล้อ อวีงซ้ะชู้ น ซื๊ง, ลู่ง กแช่ เยซู คริ้ อ เม้ง นอ ก อวีงซ้ะชู้ น ซื๊ง เกม๊า น แบ โละ ไท้ ซ้ะ ดี๊ กแช่ แยว้

กาลาเต 3:26

ลู่ง น ซื๊ง ท ชู่ง ท นะ อ กย้อง นอ, น ซื๊ง กุ้ อ แฌ้ เก กแช่ แยว้ อ พู อ ลี้ง, ลู่ง กแช่ เยซู คริ้ อ ซุ้ นอ ล้อ

กาลาเต 3:28

ท บี่ นอ, โพล้ง ยู เมะ ฌี้ ล เมะ ยู แบ เมะ ฌี้, ท ฆ่อง เมะ ฌี้ ล เมะ ท ฆ่อง แบ เมะ ฌี้, มืง เมะ ฌี้ แคว๊ เมะ ฌี้, บี่ ซุ้ โละ อ ซ้ะ เลา ปะ, อ ไฌ่ บี่ อี้ง น ซื๊ง กุ้ อ แฌ้ เก ท ล เม้ง ฆ่าง ลู่ง กแช่ เยซู คริ้ อ ซุ้ นอ ล้อ

กาลาเต 4:13

น ซื๊ง ซีงแฌ๊ เย้า, ท ฌี้ อ ไฌ่ พี่ จ โล้ ล้าง เอะ น ซื๊ง อ ต้องคู ล พ๊า นอ, เมะ เว๊ จ ล เก แบ ล้อ

กาลาเต 4:15

อ อู้งนอ น ซื๊ง เซิง มึ ซ้ะ มึ เต้ๆ, ค๊องเนง อี้ง น แม้ ล้างแม่ ก้ะ โค๊ เล้, จ ซีงแฌ๊ ล้างที๊ง ลู่ง น ซื๊ง แม้ เมะ ซี นอ, น ม ควิ้ ทาง ไฆวะ น เมะคลี๊ง เกล๊าง แย้ ล้อ

1​เทซาโลนีเก 2:13

โอ ล เม้ง ได้ะ พี่ ก ไจ้ะ บลึ้ กแช่ แยว้ ครึๆ, นอ, เมะ เว๊ พี่ ก เฌ๊ โล้ ล้าง กแช่ แยว้ อ ลู่ง อ แท๊ นอ, น ซื๊ง คุ้ช๊องแน-อ้ะ ดี๊ ฮะ นี่-อ้ะ เก กแช่ แยว้ อ ลู่ง อ แท๊, ล เมะ เก กโพล้ง อ ลู่ง อ แท๊ แบ, เก กแช่ แยว้ อ ลู่ง อ แท๊ เต้ๆ, ล้อ, อ ไฌ่ บี่ อี้ง, กแช่ แยว้ แม้ เท่อ ลู่ง น ซื๊ง ซ้ะ พ้า พี่ อ ชู่ง นะ เท่อ

1​เทซาโลนีเก 4:8

ท บี่ นอ, โพล้ง ลู่ง อ ญ๊อง ไฆวะ ท ซอง ท ซ๊าง อี้ง ล แฌ้ๆ, นอ, ล เมะ ญ๊อง ไฆวะ กโพล้ง ฌางคู คู แบ, แบเด้าะ ญ๊อง ไฆวะ กแช่ แยว้ พี่ อ เกล๊าง เอะ น ซื๊ง อ วีง ฌี้ แล้ แอว้ ล แฌ้ นอ ล้อ

ฮีบรู 13:2

ซ้ะนาง ตองช้า ฮะช้า โพล้ง กมวี้ง ล ฌี้, อ ไฌ่ บี่ อี้ง, โพล้ง พี่ อ แม้ บี่ อี้ง นอ แบ พ๊าๆ, ตองช้า ฮะช้า แบ ท มุ้คู พู แบเด้าะ ล คลึ้ ซีงแฌ๊ ล้าง อ ซ้ะ แบ