แย้ จ โล้แบ น ซื๊งซีง ปะ บี่อี้ง, ล เก ทอแบ บี่ซุ้ดี๊ ทอางกีล้าง แบ, พี่ ม กิ้นี่ ทแบเกล๊างนี่ชอง-อ้า, ทแบเกม๊าอฆวี้-อ้า, ท อ ค๊อง-อ้า, ดี๊ โพล้ง แฌ้ ฌี้ๆ, ลู่ง กเย่ โพล้งลื่งเท่ออคู อ แกล้ พ้า-อ้า, โพล้ง เลวี-อ้า, โพล้ง ซ้ะอวีงแท๊-อ้า, โพล้ง โอคุ้ แคว่ทะ ป้ะตู๊ง-อ้า, เพล่บาง อ แม้ เท่อ คระ ลู่ง กแช่แยว้อล่างโอ-อ้า, โพล้ง อ แฌ้แพ พี่ แม้ เท่อ ลู่ง กแช่แยว้อล่างโอ พ้า อี้ง-อ้า นอ
เอซรา 8:15
12 교차 참조
ดี๊ ลู่ง กแช่แยว้ อ ทเอทกวี้ง เฌิ่งค๊า อกย้อง นอ, ดึ้ เกม๊า จ โอ ดี๊ ท แบเมะล้างซ้ะ, ลู่ง กจุ้แฆว้ ดี๊ อ โพล้งเนฌ้าโล้ฌ้าเท่อ นอ อ เมะแซ พ้า, ดี๊ ลู่ง กจุ้แฆว้ อ ทอดู พี่ โอ ดี๊ อดู้งอยาง ลแพ นอ อ เมะแซ พ้า, ดี๊ แย้ นอ จ ซ้ะน้าทาง, เมะเว๊ กแช่ยาเว จ กแช่แยว้ อ จูง แม้ช้า แย้, ดี๊ แย้ จ นี่ อางกีซยอง โพล้ง อีซลาเอง อคูอแน่ ลี้ทาง ดี๊ แย้
โพล้ง โอ แบ ล แฌ้ๆ, ลู่ง โพล้ง อีซลาเอง อ แกล้ พ้า, ดี๊ กเย่ โพล้งลื่งเท่ออคู อ แกล้ พ้า, กเย่ โพล้ง เลวี, กเย่ โพล้ง ซ้ะอวีง แท๊ ดี๊ โพล้งคุ้แคว่เกล้ป้ะตู๊ง, ดี๊ เพล่บาง พี่ อ แม้ เท่อ คระ ลู่ง กแช่แยว้อล่างโอ พ้า นอ, นี่ ลี้ทาง เว๊ ปะ, ลี้ ท้อง เยรูซเลง ลู่ง เนว๊ เนง ล เนง พ้า, พี่ กจุ้แฆว้ อาทาเซอซี อ ชู้ แค๊ นอ
광고