เอเซเคียง 6:9 - Northern Pwo Karen Thai Bible

⁹ ฌ้อง อ ซื๊งเว๊ พี่ ไจคุ้ซูง พ้องพลิ้ไฆวะ นอ, ม นางแบทางไท้ เฆ้อ ลู่ง โพล้ง ค่าง พ้า อซุ้อแกล้, พี่ อ ซื๊งเว๊ แบ ท พองนี่ ลี้ เก ทอฆ่อง นอ, ดี๊ ซีงแฌ๊ เว๊ ก ซ้ะ เฌ๊ฌ้อง ลู่ง อ ซื๊งเว๊ อ ซ้ะ เอโบ้ง เท่อ อกย้อง, พี่ แกยไฆวะ อ ซ้ะ ดี๊ เฆ้อ, ดี๊ เป๊งนี่ ลู่ง อ เมะคลี๊ง เอโบ้ง เท่อ อกย้อง, พี่ อางฆื๊ง นี่ อ ทเค่งทฌ้าง, ฌ้อง นอ อ ซื๊งเว๊ ซีง ลแพ ม ทไฌ๊ ล้างไท้ อ ซ้ะ ลู่ง ทอ้าทซ๊าง พี่ อ นี่ แม้ เว๊ นอ อกย้อง, ดี๊ ลู่ง อ ท ล้าง ซ้ะลูซ้ะไล้ะ กุ้เม้ง อกย้อง ปะ

เอเซเคียง 6:9 교차 참조

2​กจุ้แฆว้ 16:10

พี่ กจุ้แฆว้ อาฮ้ะ ลี้ ลู่ง ดามากา, บี่ซุ้ ม ต้องนอง โละซ้ะ ดี๊ ทีละปีเลเซอ กจุ้แฆว้ ลู่ง อะซีเรีย นอ, อ เว๊ แด ทลื่ง ล่าง ลู่ง ดามากา พ้า, ดี๊ กจุ้แฆว้ อาฮ้ะ โซ๊งทาง ทลื่งล่าง อ ด้อง เอะ โพล้งลื่งเท่ออคู อูรียา, เลา ดี๊ อ เพ้ง, บี่ซุ้ดี๊ อ มยู๊ ทไต้ทาง เท่อ นอ ล้างที๊ง

โยบา 42:6

ทบี่นอ, จ ทไฌ๊ ล้างไท้ จ ซ้ะ ดี๊ เปลงไท้ ซ้ะ, โอ ฌางคู มูง แกล้, ดี๊ พี๊แคล มูง พ้า”

ทอางปฆ้า 137:1

พี่ ที๊งกล้อง พ้าไท้ะ ลู่ง บาบีโลง, พี่นอ ก ชี๊น้าง ฌางล้างย้าล้าง พี่ นางแบทางไท้ ซีโยง

ทอางปฆ้า 78:40

อซื๊งเว๊ กไบล้ะ ดี๊ กแช่แยว้, ลู่ง แพะคูทเคแกล้ ดี๊ ดึ้เกม๊า กแช่แยว้ อ ซ้ะ เฌ๊ฌ้อง, ลู่ง ทล่าง ซู๊งไฆ๊ พ้า ไค๊คื๊ง เมาะ อี้ง แย๊

อีซยา 43:24

น ล นี่ แม้นี่ จี้ ฆวี้ เอะ แย้ ว้างฌี๊ง เกม๊า ท แบ ก ซ้ะ ดี๊ น ทลื่งทาง อซูอไย้-อ้า แบ แบเด้าะ น นี่ เกม๊า ก อวีง ก ยุ้ เท่อ, แบฆ้ะ น ทเด้บ้ะ อไฌ่อกย้อง น เกม๊า ท ไปว้ะ ก ซ้ะ, แบฆ้ะ ดี๊ น ทไพ้ะทแม ทเด้บ้ะ อไฌ่อกย้อง

อีซยา 63:10

แบเด้าะ อ ซื๊งเว๊ ลแพ นอ, นี่ กไบล้ะกแบล ดี๊ ดึ้ เกม๊า กแช่แยว้ อ วีงฌี้แล้แอว้ อ ซ้ะ เฌ๊ฌ้อง ทบี่นอ, กแช่แยว้ แกยไฆวะ อ ซ้ะ, เก อ ซื๊งเว๊ ซีง ลแพ อดีงอแด้ ดี๊ กแช่แยว้ ดึ้ โละซ้ะ ดี๊ อ ซื๊งเว๊ ลแพ นอ ล้อ

อีซยา 64:6

เฆ้อ กุ้แฌ้ ก เกทางก้ะ บี่ซุ้ดี๊ ท พี่ อ แบอ้า ดี๊ ก ซื๊งเว๊ ก ทแบกแช่แยว้อซ้ะ เลาพะ นอ, เก บี่ซุ้ดี๊ ไช๊ช้าง แบอ้าแบซ๊าง ก ซื๊งเว๊ กุ้แฌ้ ล้างไย้ะ บี่ซุ้ดี๊ เซงแล ดี๊ ก ทไพ้ะทแม อูงพลุ้ไฆวะ เฆ้อ บี่ซุ้ดี๊ ลี้ง

อีซยา 7:13

ดี๊ อีซยา ไจ้ะเว๊ บี่อี้ง, “จ กแช่ ดาเว อชื้ออชะ-เอ้อ, อวีงซ้ะชู้ คุ้ช๊องแน, ทแม้ เกม๊า กโพล้ง อ ซ้ะ ล้างแช่ นอ, เก ท อ ไฌ่ ลปี๊ลคี่ ลู่ง น ซื๊ง ฌ่าง-อ้า?, ดี๊ น เกม๊า จ กแช่แยว้ อ ซ้ะ ล้างแช่ ปะ ล้อ-อ้า?

เยเรมี 3:13

เมาะ แฆว่ เว๊ น ญ่องฮะ น ทไพ้ะทแม บี่อี้ง, น นี่ กไบล้ะกแบล แบ กแช่ยาเว น กแช่แยว้ ดี๊ ไจ แม้ กเย่ ท กโช้งกแช่ อ แฌ้แพ อ ซ้ะ, ลู่ง เซง เซ๊งไจ้ะ แล๊แค๊ มื่งเทิง คางไท้ะ กุ้เทิง ดี๊ น ซื๊ง ล นี่ คุ้ช๊องแน ก ลู่ง แบ กแช่ยาเว โล้ เว๊ บี่อี้ง ล้อ

เยเรมี 3:6

กแช่ยาเว ไคล้ ดี๊ แย้, ลู่ง กจุ้แฆว้ โยซียา อ ชู้ แค๊, ไจ้ะเว๊ บี่อี้ง, “น แด อีซลาเอง พี่ ไบล้ะกแด้ ทไคล้ นอ, แม้ ทเม้งเล้?, อ เว๊ ลี้ทาง ลู่ง ทลู่ง พ้ะโท๊ คู กุ้ โพลง, ดี๊ เซง เซ๊งไจ้ะ แล๊แค๊ มื่งเทิง คางไท้ะ กุ้ เทิง, ฌ้อง นอ ลี้ โละกวี้ กแมมืง กแมแคว๊ พี่ นอ

เยเรมี 51:50

“น ซื๊งเว๊ ซีง ลแพ, พี่ พ้องพลิ้ไฆวะ ดี๊ น้ะ นอ ปชื่ง ลี้ แดเทา, ชี๊เทิง โอกโช้ ไก้ไม่ ล ฌี้ เกม๊า นางแบทางไท้ กแช่ยาเว, โอ นี่ ลู่ง อ ไย้ ดี๊ เกม๊า เว่ง เยรูซเลง เฌ๊ นึฆ้าง น ซ้ะ พ้า

เอเซเคียง 12:16

แบเด้าะ ก ม เกม๊า อ ซื๊งเว๊ แบ ล แฌ้ๆ, ล้างลื๊อ พ้องพลิ้ไฆวะ ดี๊ น้ะ, พ้องพลิ้ไฆวะ ดี๊ ท ซ้ะวี่ง อาง เท่อ, ดี๊ ทแช๊ แบฌะ, บี่ซุ้ อ ซื๊งเว๊ ม อางโล๊ไท้ แบฆ้ะ ดี๊ อ ท ล้าง ซ้ะลูซ้ะไล้ะ กุ้เม้ง, ลู่ง โพล้ง กุ้ชื้อกุ้ชะ อซุ้อแกล้ พ้า, พี่ อ ลี้ โอ เว๊ นอ, ฌ้อง อ ซื๊งเว๊ ม ซีงแฌ๊ เว๊, เฆ้อ เมะเว๊ ยาเว”

เอเซเคียง 16:43

เป๊งนี่ น ล นี่ นางแบทางไท้ มื่งนี้ง พี่ น มืงน้าง ได้ะ อู้ง นอ แบ, แบเด้าะ นไล๊ดุ้ เฆ้อ ดี๊ ท ลแพ อี้ง, ทอดูทึโท๊ทึกแช่ยาเว ไจ้ะเว๊, อกย้องบี่นอ, แคว่แดเทา, ก ม แม้เตาแม้แต๊ เท่อ ลู่ง น คูด้าง บี่ซุ้ดี๊ น ทม๊า อ เกล้ นอ ล้อ “น นี่ แม้ น ซ้ะ ดี๊ ท ซ้ะกวี้งล๊องก้อง เท่อ แอ ลู่ง ท มี๊งฆึโอฆึ พ้า, ล พ๊าฆ่าง ดี๊ น ท ล้าง ซ้ะลูซ้ะไล้ะ กุ้เม้ง ล เมะ แบ-อ้า?,

เอเซเคียง 16:61

ฌ้อง น ม นางแบทางไท้ น ท โอม๊า อ เกล้, ดี๊ โอ ดี๊ ท ฌางแช้, พี่ น ฮะนี่ น น่าง, ดี๊ น พืงมืง นอ, ดี๊ ก อางกีล้าง อ ซื๊งเว๊ เกม๊า อ เก น พูมืง, แบเด้าะ ล เมะ บี่ซุ้ดี๊ ทเอิ้งล้าง พี่ ก แม้ ดี๊ แน้ นอ แบ

เอเซเคียง 16:63

บี่ซุ้ น ม นางแบ-อ้ะ, ดี๊ โอ ดี๊ ท ฌางแช้, น ม อ้างทาง นุ้ ไคล้ ล้า แบ, เป๊งนี่ ฌางแช้เมะฌางแช้แน๊, พี่ ก เท้าไฆวะ ทแบอ้า ลู่ง ท กุ้เม้ง พ้า, พี่ น นี่ แม้ แบ-อ้ะ เย้า นอ”, ทอดูทึโท๊ทึกแช่ยาเว โล้ เว๊ บี่อี้ง ล้อ

เอเซเคียง 20:24

เป๊งนี่ อ ซื๊งเว๊ ล นี่ แม้โพะ ก ท อางกีล้าง อ ไค๊ แบ, แบเด้าะ ซม๊า ก ท อเค้อะอต้าง, ดี๊ ดึ้เดว ก มื่งดืง เท่อ, ดี๊ อ เมะคลี๊ง นอ, แคว่ท๊าง อพี๊งอพู๊ง ลู่ง แย๊ อ ทเค่งทฌ้าง

เอเซเคียง 20:28

เมะเว๊ พี่ ก เฌ๊ฆ้างฌ้า อ ซื๊งเว๊ ลู่ง ค่าง พ้า, พี่ ก เอิ้งล้าง ม เกล๊าง-อ้ะ นอ เย้า, ท่อง อ ซื๊งเว๊ แด ทลู่ง โท๊ พี่จองเล้ ฌี้, แด เซงมื่งเทิง อ แล แอ พี่จองเล้ ฌี้ นอ, อ เว๊ เทว๊ อ ทลื่งทาง พี่ นอ, ดี๊ เทว๊ ทเทว๊ พี่ ดึ้ เกม๊า ก ซ้ะทาง พี่ นอ, อ เว๊ เทว๊ ท กลื่ง พี่ แบ ก ซ้ะ, ดี๊ ลู๊งล้าง ทโอ้ลื่งทางเท่อ พี่ นอ ล้อ

เอเซเคียง 20:43

พี่ นอ น ซื๊ง ม นางแบทางไท้ เกล้, ดี๊ น ทแม้ กุ้เม้ง, พี่ น เจ่ แม้ แบอ้า ล้าง น ซ้ะ นอ, ดี๊ น ซื๊ง แช๊เมะไฌ๊ซ้ะ ล้างไท้ น ซ้ะ, ลู่ง ทอ้าทซ๊าง พี่ น นี่ แม้-อ้ะ ลแพ นอ อกย้อง

เอเซเคียง 20:7

ดี๊ ก โล้ เอะ-อ้ะ บี่อี้ง, ‘น ซื๊งเว๊ ล แฌ้ๆ, นอ, เกม๊า ญ๊องไฆวะ ท พี่ อ ล้าง ซ้ะลูซ้ะไล้ะ, พี่ น เมะคลี๊ง แคว่ท๊าง-อ้ะ นอ, แม้ แบอ้า ล้าง น ซ้ะ ดี๊ อีไย้ะ อ ทเค่งทฌ้าง ล ฌี้, เฆ้อ เมะเว๊ ยาเว, น ซื๊ง อ กแช่แยว้ ล้อ’

เอเซเคียง 23:30

อ เว๊ เฌ๊โชะ ท ลแพ อี้ง ล้าง แบ แน้, เป๊งนี่ น แม้ น ซ้ะ เก เค๊เซ๊ มืง ดี๊ กเย่ โพล้ง กุ้ชื้อกุ้ชะ, ดี๊ เป๊งนี่ น แม้ แบอ้า น ซ้ะ ดี๊ อ ทเค่งทฌ้าง

เอเซเคียง 5:13

“บี่อี้ง ล้อ, ก ท ซ้ะไฌ๊ ม ไจทาง ล้างซยืง ซี เลาพะ, ดี๊ ก ท ซ้ะทาง ดี๊ อ ซื๊งเว๊ ม ล้างแม่ไฆวะ, ก ม แซทาง นี่ ดี๊ ก ท ซ้ะทาง, ฌ้อง นอ อ ซื๊ง เว๊ ม ซีงแฌ๊ เฆ้อ, เมะเว๊ กแช่ยาเว พี่ โล้ เว๊ ดี๊ ท ล๊องก้องไท้ อ เท่อ, พี่ ก ท ซ้ะทาง ดี๊ อ ซื๊งเว๊ แบ ทแม้ ไจทาง เลา เย้า นอ

เอเซเคียง 6:10

ฌ้อง อ ซื๊งเว๊ ม ซีงแฌ๊ เว๊ เฆ้อ เมะเว๊ ยาเว, ก ล ไคล้ซยุ้ไคล้ซย้าง ดุ้ เท่อ บี่อี้ง แบ, ก ม ดึ้ เกม๊า ท เซงทื่งเฌ๊ฌ้อง เฌ๊ ลู่ง อ ซื๊งเว๊ อ โอ ล้อ”

เอเซเคียง 7:16

ดี๊ โพล้ง แฌ้ฌี้ๆ, เมะ พ้องพลิ้ ซี๊ง, ไจคุ้ซูงไฆวะ ซี นอ อ ซื๊งเว๊ ม โอ ทลู่ง คู อ เว๊ ม เก บี่ซุ้ดี๊ ทูลี่งแอว้ ลู่ง ทลู่ง คางไท้ะ ล แฌ้ๆ, นอ, ม ฌางอื้งฌางโทะ ลู่ง อ ท เด้เทาเด้บ้ะ อ กย้อง

โฮเชยา 11:8

โอ้, เอฟาอีง-เอ้อ, ก ม เกม๊า น เก โพล้ง แฌ้แพ อ เท่อ ซี บี่จะเล้? โอ้, อีซลาเอง-เอ้อ, ก ม อางกีล้าง แน้ เอะ โพล้ง อ แฌ้แพ ซี บี่จะเล้? ก ม เกม๊า น เก บี่ซุ้ดี๊ เว่ง อะมา ซี บี่จะเล้? ก ดึ้ เกม๊า น เก บี่ซุ้ดี๊ เว่ง เซโบยีง ซี บี่จะเล้? กเซิงกซ้ะ เติ้งทางเติ้งล้าง โอ ลู่ง แย๊โค๊ ก ท เอดู นอ เฌ๊ทาง เว๊ ล้อ

อาโม 2:13

“อี้งเซ้อ, ก ม ชางเท่งล้าง แน้ ลู่ง น ทล่าง พ้า บี่ซุ้ดี๊ เลาะ พี่ โอ ฆวี้ ดี๊ บืงโพ่, ชางเท่งล้าง อ ซ้ะ

มีคา 5:13

ก ม แม้ไฆวะ น ทเค่งทฌ้าง ดี๊ แม้ เฌ๊ฌ้องไฆวะ เฌเทิงซยื๊งซย้อง ลู่ง นซุ้นแกล้ น ล นี่ โบงทางแบ้ทาง น จูงล่างคางคู พี่ น ไต้ทาง-อ้ะ นอ ล้าแบ

เซคารียา 10:9

ทึเมะ ก นี่ ฆวีงล้าง-อ้ะ, ลี้ ลู่ง โพล้ง กุ้ชื้อกุ้ชะ ซีง ลแพ อซุ้อแกล้ ฌี้ นอ แบเด้าะ อ เว๊ ม นางแบทางไท้ เฆ้อ, ลู่ง ค่าง พ้า พี่ อ ช้างชื้ง ไย้ นอ อ เว๊ ม ลื่ง อ พู อ ลี้ง ท่อง อ ดูทางโท๊ทาง, ดี๊ เฌ๊ไท้ไท้

เกล้​ท​ซ้ะวี่ง 15:39

บี่ซุ้ น ซื๊ง กุ้ แฌ้ ม แคว่ ลูง กพูง ล พู๊งๆ, นอ, ดี๊ นางแบ กแช่ยาเว อ ทอางแม้เลา กุ้ อ ทีง, ฌ้อง แม้โพะ อ ไค๊, บี่ซุ้ น ล แม้ เท่อ ท๊อง ทแบ น กแช่ อ ซ้ะ แด เว๊ แบ, ดี๊ ล แม้ เท่อ ท๊อง พี่ น ซื๊ง เมะ ซู๊ แด ซ้ะ-อ้ะ นอ แบ, อ นอ ลี้ฌ้า น ซื๊ง เกม๊า เอโบ้งเอพะ เท่อ บี่นอ ล้อ

2​เปโต 2:14

อซื๊งเว๊ เอ ดุ้ กมืง พี่ อ แม้ กแม มืง กแม แคว๊ เท่อ, ล ก้ะ ได้ะ แบ, อซื๊งเว๊ แบ อ ซ้ะ แม้ ท เด้บ้ะ ครึๆ, ดี๊ โกง นี่ โพล้ง พี่ อ ซ้ะ คูๆ, ไค๊ๆ, ล แพ นอ, เกม๊า อ แม้ ท เด้บ้ะ ปะ, อซื๊งเว๊ ซอง ล้าง อ ซ้ะ เอ ดุ้ แน่แฌ่ แน่ท้า เท่อ ครึๆ, อซื๊งเว๊ เก โพล้ง พี่ กแช่ แยว้ ชู อ้า แบ-อ้ะ นอ ล้อ