เอเซเคียง 5:6 - Northern Pwo Karen Thai Bible

⁶ แบเด้าะ เยรูซเลง นี่ กไบล้ะกแบล แบ ก ทอางกีล้าง ลู่ง ออ้าอซ๊าง, อ้า น้ะเละ โพล้ง ลู่ง ค่าง พ้า อ แฌ้แพ นอ ได้ะ, ดี๊ กไบล้ะ แบ ก ท อเค้อะอต้าง น้ะเละ ค่าง พี่ อ โอ วะชวะ นอ ได้ะ, เมะเว๊ แด อ ซื๊งเว๊ ซม๊า ก ทอางกีล้าง, ดี๊ ล แม้โพะ ก ท อเค้อะอต้าง อ ไค๊ แบ

เอเซเคียง 5:6 교차 참조

2​กจุ้แฆว้ 21:11

“เป๊งนี่ มานาเซ กจุ้แฆว้ ค่าง ยูดา แม้ เท่อ, พี่ อ ล้างแช๊เมะไฌ๊ซ้ะ ลแพ อี้ง, ดี๊ แม้ ทอ้าทซ๊าง น้ะเละ โพล้ง อาโมไร, พี่ อ โอ วี่ง-อ้ะ ลแพ นอ แม้ เว๊ กุ้เม้ง, ล ก้ะ ได้ะ แบ นอ, เกม๊า โพล้ง ยูดา แม้ ทเด้บ้ะ, แบฆ้ะ ดี๊ กเย่ อ ทเค่งทฌ้าง นอ

2​กจุ้แฆว้ 21:9

แบเด้าะ อ ซื๊งเว๊ ล ช๊องแน แบ, ดี๊ มานาเซ แม้ฌ้า อ ซื๊งเว๊, เกม๊า อ แม้ ทอ้าทซ๊าง แอเละ กเย่ โพล้ง กุ้ที๊งกุ้ค่าง, พี่ กแช่ยาเว แม้เฌ๊ฌ้องไฆวะ เว๊, ม๊า พ้องไฆวะ ดี๊ โพล้งเฌงพูฆ๊างพู อีซลาเอง อ เมะแซ พ้า แม้ แบ เว๊ นอ ได้ะ

เนฮะมี 9:34

กเย่ กจุ้แฆว้, กดูกแซย่, โพล้งลื่งเท่ออคู ดี๊ กพี๊งกพู๊งลู่งแย๊ อู้ง นอ, ล นี่ แฌแซกต้าง กแช่แยว้ อ ทอางแม้เลา แบ, ล ชู่ง กแช่แยว้ อ ทซองทซ๊าง ดี๊ กแช่แยว้ อลู่งอแท๊, พี่ กแช่แยว้ โล้ ซีงแฌ๊-อ้ะ นอ แบ

เนฮะมี 9:35

เป๊งนี่ อ ซื๊งเว๊ ล นี่ แม้ เอะ กแช่แยว้ อ เท่อ ลู่ง อ มื่ง อ บ้าง พ้า แบ, ทึเมะ กแช่แยว้ อบลึ้อบลาง ดู, กแช่แยว้ เกล๊าง เอะ-อ้ะ, ดี๊ ที๊งล่างค่างพ้า พ้ะดู พี่ อ กู้ง อ ล๊า นอ, กแช่แยว้ เกล๊าง เอะ-อ้ะ, แบเด้าะ อ เว๊ ล แกยไฆวะ อ ซ้ะ ดี๊ อ ทอ้าทซ๊าง แบ

ทอางปฆ้า 106:20

อซื๊งเว๊ ลแพ นอ, แม้นี่ กแช่แยว้ อโฌ่งอพ้าง อางเล๊ เว๊ ดี๊ งู้ พี่ อางนาง นอ อเค่งอฌ้าง

ทอางปฆ้า 78:10

อซื๊งเว๊ซีง ล นี่ แฌแซกต้าง, กแช่แยว้ อ ทเอิ้งล้าง แบ ดี๊ ซม๊า เท่อ พี่ ล ลี้ โพะ กแช่แยว้ อ ทอางแม้เลา อ ไค๊ แบ

ทไจทางไฆวะ 16:28

กแช่ยาเว ไคล้ ดี๊ โมเซ ไจ้ะเว๊, “น ซื๊ง ม ลือ จ ทซองทซ๊าง ดี๊ จ ทอางกีล้าง ชี่ไยะ เด้าะ เล้?

เยเรมี 11:10

อ ซื๊งเว๊ นี่ แกยไท้ อ ซ้ะ, ไท้ฌูงไท้ ทไพ้ะทแม ลู่ง อ พี๊งชู้พู๊งชู้ ลู่ง แย๊ อู้ง, พี่ ซม๊า เท่อ ล ญ่อง คุ้ช๊องแน ก ทไคล้ แบ, อ เว๊ ลี้โพะก้ะ ท กโช้งกแช่ อ แฌ้แพ อ ไค๊, ดี๊ แม้ เอะ ท กโช้งกแช่ นอ อ เท่อ, โพล้ง อีซลาเอง, ดี๊ โพล้ง ยูดา นอ, แม้ไพ้ะ แบ ก ทเอิ้งล้าง, พี่ ก แม้ เว๊ อ พี๊งชู้พู๊งชู้ ลู่ง แย๊ อู้ง นอ

เยเรมี 5:3

“จ กแช่ยาเว-เอ้อ, น เมะคลี๊ง อางฆื๊ง ทเมะทโต้ ล เมะ แบ-อ้า? น พลี น ท่าง อ ซื๊งเว๊ ลแพ นอ แบเด้าะ อ เว๊ ล ซีงแฌ๊ แช๊ แบ น แม้ เซงทื่งเฌ๊ฌ้องไฆวะ-อ้ะ แบเด้าะ อ เว๊ ซม๊า เท่อ, ล ฮะนี่ ท แม้ฌี้ไท้ แบ อ เว๊ แม้ดู้งแม้ตาง อ เมะ น้ะเละ โล่ง ได้ะ อ เว๊ ซม๊า เท่อ, ล แกยไท้ อ ซ้ะ แบ”

เยเรมี 8:5

แบทเล้ โพล้ง ล ชื้อ อี้ง, เมะเว๊ เยรูซเลง นอ, แกยไฆวะ อ ซ้ะ ไบล้ะกแด้ ทไคล้ ครึๆ? อ เว๊ พองทะ ทอางโล๊ไละ เฌิ่งเพิ่ง อ ซื๊งเว๊ ซม๊า เท่อ, ล ญ่อง แกยไท้ อ ซ้ะ แบ

เยเรมี 9:6

เก ท แคแนแคแก้ โดปท๊า ท แคแนแคแก้, ดี๊ ท โล๊ไละล้าง โดปท๊า ท โล๊ไละล้าง อ เว๊ ซม๊า เท่อ พี่ ม ซีงแฌ๊ เฆ้อ” กแช่ยาเว โล้ เว๊ บี่อี้ง ล้อ

เอเซเคียง 11:12

ดี๊ น ซื๊ง ม ซีงแฌ๊-อ้ะ, เฆ้อ เมะเว๊ ยาเว, น ซื๊ง ล นี่ แม้โพะ ก ท อเค้อะอต้าง อ ไค๊-อ้า, แม้โพะ ก ทอางกีล้าง อ ไค๊-อ้า แบ, แบเด้าะ นี่ แม้โพะ โพล้ง กุ้ชื้อกุ้ชะ, พี่ โอ วะ นฆูนฆ้อง ลแพ นอ อ ทอางกีล้าง อ ไค๊ ล้อ”

เอเซเคียง 16:51

ทึเมะ ซมาเรีย นอ, แม้ ทเด้บ้ะ ล พุ้พ๊าง นี๊แด แบ, น แม้ ท ล้าง ซ้ะลูซ้ะไล้ะ น้ะเละ อ ซื๊งเว๊ คี๊งแฌ้ นอ ได้ะ, น ดึ้ เกม๊า น น่าง ดี๊ น พื่ง มืง นอ, แคว่-อ้ะ ล้างโฌ่ โพล้งแบกแช่แยว้อซ้ะ, ลู่ง น ท ล้าง ซ้ะลูซ้ะไล้ะ กุ้เม้ง พี่ น แม้-อ้ะ นอ อกย้อง

ดานีเอง 9:15

ทอดูทึโท๊ทึกแช่ เฆ้อ ก กแช่แยว้, พี่ อ ไจทางฌ้า อพูอลี้ง ไจทางไฆวะ ค่าง อีไย้ะ พ้า, ดี๊ อ จูง พี่ โอ ดี๊ อดู้งอยางอซยื๊งอซย้องแอทึ, ดี๊ ดึ้ เกม๊า อ เม้งลื้อแซท้อง เฌ๊ ท้อง กุ้ มื่งนี้ง อี้ง, ก ซื๊งเว๊ ก แม้ ทเด้บ้ะ ดี๊ แม้ ทอ้าทซ๊าง ล้อ

ดานีเอง 9:5

ก ซื๊งเว๊ ซีง ลแพ ก นี่ แม้ ทเด้บ้ะ, ดี๊ นี่ แม้ไพ้ะ แบ เท่อ, นี่ แม้ทาง ทอ้าทซ๊าง ดี๊ ท กไบล้ะกแบล, นี่ แกยไฆวะ ซ้ะ ดี๊ กแช่แยว้ อ ทซองทซ๊าง ดี๊ ทอางกีล้าง

ดานีเอง 9:8

ทอดูทึโท๊ทึกแช่ยาเว-เอ้อ, ท ฌางแช้ฌางเด นอ เกิ้ง ดี๊ เฆ้อ ลแพ อี้ง, เกิ้ง ดี๊ กจุ้แฆว้, เกิ้ง ดี๊ ท อคูอแน่, ดี๊ เฆ้อ ก พี๊งชู้พู๊งชู้ ลู่ง แย๊ อู้ง, เป๊งนี่ ก ซื๊งเว๊ ซีง ลแพ นี่ แม้ ทเด้บ้ะ แบ กแช่แยว้ ล้อ

เซคารียา 7:11

แบเด้าะ อ ซื๊งเว๊ ซม๊า พี่ ม คุ้ช๊องแน เท่อ, อ เว๊ แน่ลู่แน่ตาง, ดี๊ วีงโด้งโคล๊งไฆวะ อ ซ้ะ, อ เว๊ ไซ้ะไบ้ะ อ แน่, บี่ซุ้ ม ล แน่ฌ๊า เท่อ แบ

1​โคเรง 5:1

จ แน่ฌ๊า โพล้ง โล้ เว๊ บี่ อี้ง, ท แม้ กแม มืง กแม แคว๊ โอ ทาง ลู่ง น ซื๊ง แกล้, ท แม้ บี่ อี้ง นอ เก ท ล ฌี้ ล แอว้ แบ เต้ๆ, ทึ เมะ โพล้ง ล แบ้ แยว้ แบ ล แม้ เว๊ แบ ปะ ล้อ, แซ้ แบ จ แน่ กแคว๊ โอ ล แฌ้ นอ, แม้ ไท้ ดี๊ อ แพ่ อ แม๊

ยูด้ะ 1:4

อ ไฌ่ บี่ อี้ง โพล้ง แบ ล แฌ้ๆ, เฌ๊ นึ ฆ้าง ลู่ง ก แกล้, แบเด้าะ ก ล คลึ้ แคว่ ที๊ง-อ้ะ แบ, โพล้ง ล แพ นอ ล ชู่ง กแช่ แยว้ แบ, อซื๊งเว๊ เปลง ไฆวะ ท ไฌ่, แบฆ้ะ ดี๊ กแช่ แยว้ อ โก้ง อ โบ้ง อ บลึ้ อ บลาง, บี่ ซุ้ ม แม้ เท่อ ลู่ง อ ล้างลุ้ ล้างเช้ ซี, ดี๊ ล ทื๊ง ล นะ กแช่ เยซู คริ้ พี่ อ เก ก กแช่ ล แฌ้ ล้อ นอ ล้า แบ, ไละ ฌี้ ไละ แอว้ โล้ เว้ เว๊ ไยะ เย้า, แบฆ้ะ ดี๊ อซื๊งเว๊ อ เตา อ แต๊ อี้ง นอ