12 ดี๊ น ม แบ อาง-อ้ะ ด้องซุ้ กู บืงบาเล, อางฆู-อ้ะ มี คู พี่ อูงเค้ทาง นี่ เว๊ ดี๊ กโพล้ง อ อี ลู่ง อ ซื๊งเว๊ ลแพ นอ อ เมะแซ พ้า”
อาบราฮาง ปชื่ง นึฆ้าง เด้ พ้า, ลี้ฌูง น่าง ซารา, โล้ เอะ เว๊ บี่อี้ง, “แม้ เมะ เพล ล ปี๊, แม้นี่ ฌื๊งไน้ะ ลู่ง อ ฌี้ ทึ ซ๊า ท่าง, แกย้-อ้ะ ฌ้อง แม้ อาง กู”
แบเด้าะ โล้ะ อางจ้ะ ไฌะเฌา อ เว๊ คี๊ง แฌ้ นอ, อ เว๊ ลี้ แว่ ดี๊-อ้ะ, ลี้ นึฆ้าง โล้ะ อ เด้า พ้า, โล้ะ ลื่งอางลื่งโอ้ เว๊ คี๊ง แฌ้ นอ, อางฆู กู พี่ ล แบ ดี๊ อ ซีง แบ, อ เว๊ คี๊ง แฌ้ นอ อาง เว๊ แด ล้อ
แบเด้าะ ร้ะชาเค ไจ้ะเว๊, “ก เซงคู เจ่ แย้, เกม๊า จ เฌ๊ ไคล้ ทไคล้ ลแพ อี้ง ดี๊ น เซงคู ดี๊ แน้ ฆวี๊ นอ ล้อ, ดี๊ ล เกม๊า ไคล้ ดี๊ โพล้ง พี่ ชี๊น้าง โอ กางแป คู ลแพ นอ แบ, เมะเว๊ โพล้ง พี่ แบ อาง อ อี ดี๊ อาง อ ชีง ล พ๊าฆ่าง ดี๊ น ซื๊ง บี่นอ-อ้า?”
ดี๊ ที๊ง พี่ น โอ้ นอ, แบ โตง โอ้-อ้ะ, เมะเว๊ เมาะ ล พุ้พ๊าง ไล้ะ, เกม๊า น โอ้ ที๊ง บี่ซุ้ดี๊ ทอางกีล้าง อช๊าอโท่ นอ
