ดี๊ ก ม ช๊างล้าง ทแม้ไน ลู่ง อ ซื๊งเว๊ อซุ้อแกล้, ดี๊ ก ม โซ๊งทาง โพล้ง ลู่ง อ ซื๊งเว๊ อ โป้ง พ้า, พี่ อ พลิ้ ซี๊ง นอ, ลี้ ลู่ง โพล้ง กุ้ชื้อกุ้ชะ อ โอ, เมะเว๊ ลี้ ลู่ง ทาราชิ้, พุ้ ดี๊ ลู, (โพล้ง พี่ อ ค้ะ คลีง ซี), ลี้ ลู่ง ทูบาง ดี๊ ยาวาง อ โอ, เลา ดี๊ ลี้ ลู่ง ที๊งล่างค่างพ้า ปางเล พ้าไท้ะ, พี่ อ ลี้ ไย้ ไว้ะ ลู่ง ทล่าง พี่ ล แน่ฌ๊า แบ ก เม้งลื้อแซท้อง-อ้า, แด แบ ก ทฆี๊งทแล้-อ้า ได้ะแบ นอ, ฌ้อง อ ซื๊งเว๊ ม โล้ล้าง กฆี๊งกแล้ ลู่ง โพล้งกุ้ชื้อกุ้ชะ อซุ้อแกล้ พ้า
“ดี๊ ล นี้ง แย๊ นอ, ก ม เกม๊า โกะ อ แซวคูพ้า โอ ลู่ง อีซลาเอง พ้า, เมะเว๊ โพล้ง ลี้ๆ, ไท้ๆ, อ ทลู่ง คางไท้ะ, พี่ โอ ลู่ง ปางเล อ มื่งทาง ล โค๊ นอ, อ ม นุ้โท่งนุ้ทะ โพล้ง พี่ อ ลี้ๆ, ไท้ๆ, เมะเว๊ โกะ ดี๊ อ ซกุ้มู๊งโฌ่ เลาพะ นอ, ม แบ ท เคิงล้างบ้า โอ พี่ นอ, อ เว๊ ม กุ้ เว๊ บี่อี้ง, ทลู่ง คางไท้ะ โกะ อ ซกุ้มู๊งโฌ่