8 มุ้คู อ พ้าง โฌ่งกลี เลาพะ นอ ก ม ดึ้ เกม๊า อ ไค้ะ โอ นเค่งนฌ้าง เช๊คู ดี๊ ก ม ชวี๊งล้าง ทไค้ะ ลู่ง น ที๊งล่างค่างพ้า ทอดูทึโท๊ทึกแช่ยาเว โล้ เว๊ บี่อี้ง ล้อ
กแช่แยว้ ไจ้ะเว๊, “เกม๊า โอ ดี๊ ท พี่ อ พ้าง ล เม้ง แบ ล เม้ง ลู่ง ทมุ้คู, บี่ซุ้ อางน้างพ้ะ มแช๊แค๊ โอเจไฆวะ ดี๊ มแน้แค๊, เกม๊า อ เก ทแม้ไน ท อว๊างอแค๊, มื่งนี้ง, ดี๊ เนง นอ ล้อ
โพล้ง พี่ ชู อ แพ่-อ้า, อ มู่-อ้า, นอ อ มีโด้ง ม ล้างไพะ ไค้ะไชวะ ล้อ
กแช่แยว้ พี่ อางแบเลา มื่ง, ดี๊ มื่ง ล ทาง แบ กแช่แยว้ พี่ อ แม้ไน อางกีซยองนี่ แซย ซีงลแพ นอ
ล คลึ้ ลู่ง มื่ง, ทโฌ่งทพ้าง, แล้ ดี๊ แซย ลแพ นอ, ล้างไพะ ได้ะแบ, ดี๊ ล คลึ้ ลู่ง ทเอิง ม เฌ๊ไท้ ทเฌ๊ช้า อ ล่างไค๊ นอ
กเย่ เท่อ พี่ อ โอ ลู่ง มุ้คู ลแพ นอ, ม เฌ๊ฌ้อง ล้างแม่ไฆวะ ดี๊ มุ้คู นอ, ม แบ ท ทื๊งไฆวะ บี่ซุ้ดี๊ ไละทื๊ง กเย่ เท่อ พี่ อ โอ ลู่ง มุ้คู ลแพ นอ, ม ล้างเทะ บี่ซุ้ดี๊ เซงแล ล้างเทะ นี่ ลู่ง ซไบ้ะ มื่ง ล้อง-อ้า ล้างเทะ นี่ ลู่ง กูงเย้ มื่งเทิง ล้อง-อ้า นอ ล้อ
ฌางคูโคล๊งคู ว้ะโทะ ลู่ง อ เมะแซ พ้า ทมุ้คู นอ ว้ะโทะ เทาทื้ง มื่ง ดี๊ แล้ นอ ไค้ะซ๊าไฆวะ แซย ลแพ นอ, ลโฌ่งลพ้าง ล้า แบ
ล นี้ง แย๊ นอ, ทฌ่องทเคลง ดี๊ ปช้างที๊ง ทางชอง ม ล โอ แบ
โมเซ เยาทาง อ จูง ลู่ง ทพุ้พ๊าง, ฌ้อง ทไค้ะซ๊า กึทาง เฆ้ง ค่าง อีไย้ะ พ้า ซ๊า นี้ง
เมะเว๊ มุ้คู อ แซย ลแพ นอ, ดี๊ แซย น๊างมู๊ง นอ ล พ้างล้าง แบ มื่ง ม ไค้ะ พี่ อ ช๊า อ โท่ เฌ๊ทาง นอ ดี๊ แล้ ล พ้างล้าง แบ
