เอเซเคียง 32:7 - Northern Pwo Karen Thai Bible

⁷ พี่ ก แม้ไฆวะ แน้ นอ, ก ม คลึไบ้ะทะ ทมุ้คู ดี๊ ม ดึ้ เกม๊า แซย ไค้ะไฆวะ ก ม แม้นี่ ทเอิง คลึไบ้ะ มื่ง ดี๊ แล้ ล พ้างล้าง แบ

เอเซเคียง 32:7 교차 참조

ม้ะทู 24:29

เมาะ มื่ง นี้ง ลู่ง ท น้ะ ท โน๊ง ล แพ นอ พ้อง ไฆวะ เย้า, มื่ง ม ไค้ะ, แล้ ล พ้าง ล้าง ล้า แบ, แซย โอ ลู่ง มุ้คู ม ล้างเทะ ไฆวะ เว๊ ล้อ, เท่อ พี่ อ โอ ดี๊ อ ดู้ง อ ยาง ลู่ง ท พุ้พ๊าง ล แพ นอ, ม ตทูง ตพล้าง นอ ล้อ

โยเอง 2:31

มื่ง ม เกทางก้ะ ทไค้ะ, ดี๊ แล้ เกทางก้ะ ทซวีง พี่ กแช่ยาเว อ มื่งนี้ง ล คลึ้ เฌ๊ท้อง ได้ะ แบ, เมะเว๊ มื่งนี้ง พี่ อดูอโท๊, ดี๊ ล้าง ไพ้ะฆิ้โค๊ฆิ้

โยเอง 2:2

เก มื่งนี้ง พี่ ไค้ะซ๊า ดี๊ ไค้ะเซยา เก มื่งนี้ง พี่ โอ ดี๊ ทเอิง, ดี๊ ทไค้ะซ๊า บี่ซุ้ดี๊ ลู่ง โฌ้ ล คึ, พี่ จแล่ คลึไบ้ะ ทลู่ง คู เมะเว๊ ซึ้พูมู๊ง พี่ อดูอโท๊, ดี๊ อ ไฌ่ชองแบ้ชอง ดูมะ ลู่ง อไยะอเช้ เละ นอ, ล โอ บี่อี้ง น่างชุ้ ได้ะ แบ ดี๊ ท๊อง อี้ง ลู่ง ไค๊ นอ, ม ล โอ ล้า แบ เพลา โพล้ง อ ชู้ กุ้ชู้ นอ ล้อ

เอเซเคียง 30:3

เมะเว๊ ล นี้ง แย๊ นอ, เฌ๊ เบ้าทาง เย้า กแช่ยาเว อ มื่งนี้ง เฌ๊ เบ้าทาง ม เก มื่งนี้ง ลู่ง ทเอิง ทไค้ะซวี๊ง เก อช๊าอโท่ ลู่ง โพล้ง กุ้ชื้อกุ้ชะ อ ท เซงทื่งเฌ๊ฌ้อง

อีซยา 34:4

กเย่ เท่อ พี่ อ โอ ลู่ง มุ้คู ลแพ นอ, ม เฌ๊ฌ้อง ล้างแม่ไฆวะ ดี๊ มุ้คู นอ, ม แบ ท ทื๊งไฆวะ บี่ซุ้ดี๊ ไละทื๊ง กเย่ เท่อ พี่ อ โอ ลู่ง มุ้คู ลแพ นอ, ม ล้างเทะ บี่ซุ้ดี๊ เซงแล ล้างเทะ นี่ ลู่ง ซไบ้ะ มื่ง ล้อง-อ้า ล้างเทะ นี่ ลู่ง กูงเย้ มื่งเทิง ล้อง-อ้า นอ ล้อ

อีซยา 13:10

เมะเว๊ มุ้คู อ แซย ลแพ นอ, ดี๊ แซย น๊างมู๊ง นอ ล พ้างล้าง แบ มื่ง ม ไค้ะ พี่ อ ช๊า อ โท่ เฌ๊ทาง นอ ดี๊ แล้ ล พ้างล้าง แบ

โยเอง 3:15

มื่ง ดี๊ แล้ นอ ไค้ะไฆวะ เว๊ แซย ลแพ นอ ลโฌ่งลพ้าง ล้า แบ

ท​เน​โพล​ทาง 8:12

ท่อง ท มุ้คู พู ลี่ง แฌ้ ล แฌ้ อูง ทาง ควี้ ฌ้อง, มื่ง นอ ท แบไท้ะ-อ้ะ, ซ๊า โป้ง นอ แบไท้ะ ล โป้ง, แล้ ดี๊ แซย ซีง ล แพ นอ แม้ อ ซ้ะ บี่ นอ ปะ, ซ๊า โป้ง นอ ไค้ะ ซ๊า ไฆวะ ล โป้ง, มแช๊ โค๊ ซ๊า โป้ง นอ ท ล พ้าง ล้าง ล้า แบ ล โป้ง, มแน้ โค๊ แม้ อ ซ้ะ บี่ นอ ปะ

มาร้ะกู 13:24

ท่อง อ ช๊าง ลู่ง มื่ง นี้ง พี่ ท น้ะ ท โน๊ง ล แพ นอ พ้อง ไฆวะ เย้า, มื่ง ม ไค้ะ, แล้ ล พ้าง ล้าง ล้า แบ

อาโม 8:9

ทอดูทึโท๊ทึกแช่ยาเว ไจ้ะเว๊, “ล นี้ง แย๊ นอ ก ม ดึ้ เกม๊า มื่ง ล้างนึ ลู่ง มื่งเทิง แค๊ ดึ้ เกม๊า ฌางคูโคล๊งคู ไค้ะซ๊าไฆวะ ลู่ง มแช๊แค๊ เติ้งต้าง

เอเซเคียง 30:18

อช๊าอโท่ ลู่ง มแช๊แค๊ ลู่ง เว่ง ทาปางเฮ ม ไค้ะซ๊า พี่ ก แม้เฌ๊ฌ้อง อีไย้ะ อ แอะ นอ ดี๊ เว่ง อไฌ่อแบ้ พี่ อชองอไคล๊ นอ, ม เลาเทาไฆวะ เว๊ ม โอ ดี๊ ทเอิง เฌ๊ กลึ้ไบ้ะ ทะ เว่ง นอ ดี๊ โพล้ง ลู่ง เว่ง พ้า นอ ม ลี้ เก ท อ ฆ่อง ล้อ

เยเรมี 13:16

เกม๊า เทว๊ ทโฌ่งทพ้าง เอะ กแช่ยาเว, น ซื๊งเว๊ ซีง ลแพ อ กแช่แยว้ ซลื่อ กแช่แยว้ ม ดึ้ เกม๊า ทไค้ะซ๊า เฌ๊ ซลื่อ น คาง ม แบท้า ลู่ง ทลู่ง คู พี่ โอ ดี๊ ทพ้าง ซู๊งเล๊ ดี๊ พี่ น ซื๊ง อางฆื๊ง แคว่ ทโฌ่งทพ้าง อ แค๊ นอ กแช่แยว้ ดึ้ เกม๊า เว๊ เกก้ะ ทไค้ะ เซยา ดี๊ ดึ้ เกม๊า เว๊ เกก้ะ ทไค้ะ ซ๊าโนย๊ง

ทอางด้อง 13:9

โพล้งแบกแช่แยว้อซ้ะ อ ทโฌ่งทพ้าง นอ, ซ้ะอวีงซ้ะโทะ เท่อ แบเด้าะ โพล้งอ้าโพล้งซ๊าง อ มีโด้ง, ม แบ ทแม้ ล้างไพะ

ลูกา 21:25

ท แม้ไน ม โอ ทาง ลู่ง มื่ง ล้อง แล้ ล้อง ดี๊ ลู่ง แซย ล้อง, ลู่ง ฌางคู โคล๊ง คู โพล้ง ล ค่าง แบ ล ค่าง, ม โอ ดี๊ ท อึ้เซิง ก้ะซ้ะ ดี๊ ท ซ้ะเม ซ้ะไพล้, พี่ อ แน่ฌ๊า ปางเล ดี๊ ที๊ง บู้ง เซ๊ พ้ะดู

โยบา 9:7

กแช่แยว้ พี่ อางแบเลา มื่ง, ดี๊ มื่ง ล ทาง แบ กแช่แยว้ พี่ อ แม้ไน อางกีซยองนี่ แซย ซีงลแพ นอ

ทโกงซีมองแบ 12:2

ล คลึ้ ลู่ง มื่ง, ทโฌ่งทพ้าง, แล้ ดี๊ แซย ลแพ นอ, ล้างไพะ ได้ะแบ, ดี๊ ล คลึ้ ลู่ง ทเอิง ม เฌ๊ไท้ ทเฌ๊ช้า อ ล่างไค๊ นอ

เอเซเคียง 31:15

“ทอดูทึโท๊ทึกแช่ยาเว ไจ้ะเว๊ บี่อี้ง, ล นี้ง แย๊ พี่ อ ลี้ล้าง ลู่ง พลื่งค่าง นอ, ก ม ดึ้ เกม๊า ฌางคู พ้า แย๊โค๊ มองแบม้ะแบ-อ้ะ, ดี๊ ก ม แม้โอโท๊ไฆวะ อ ที๊งกล้อง, ดี๊ ที๊ง แอฌี่งแอฌ้อง ม โอโท๊ไฆวะ, ก ม คลึไบ้ะ เลบาโนง ดี๊ ท เมะมองแน๊อึ้ ลู่ง อ ฌ่าง, ดี๊ เซง มื่งเทิง กุ้เทิง ลู่ง ไชะคูแน้พ้า นอ, ม ล้างไย้ะล้างไฆ๊ ลู่ง อ เว๊ อกย้อง ล้อ

เอเซเคียง 34:12

บี่ซุ้ดี๊ โพล้ง ลื่ง แกะ อางฆื๊งแคว่ แกะ น๊างมู๊ง, พี่ อ เว๊ โอ ลู่ง อ แกะ ที่พ้ะที่ล้างไฆวะ อซุ้อแกล้ นอ, ก ม อางฆื๊งแคว่ ก แกะ บี่ นอ, ดี๊ ก ม แม้ช้า แกะ ลแพ นอ, เกม๊า พ้องพลิ้ไฆวะ ดี๊ ทล่าง ซีง ลแพ, พี่ อ ซื๊งเว๊ ที่พ้ะที่ล้าง ลี้ โอ เว๊, ลู่ง มื่งนี้ง พี่ โอ ดี๊ ทเอิง ดี๊ ทไค้ะซ๊า

โยเอง 2:10

ฌางคูโคล๊งคู ว้ะโทะ ลู่ง อ เมะแซ พ้า ทมุ้คู นอ ว้ะโทะ เทาทื้ง มื่ง ดี๊ แล้ นอ ไค้ะซ๊าไฆวะ แซย ลแพ นอ, ลโฌ่งลพ้าง ล้า แบ